يَبُرَ 22:2-31

²عَلَ، ﭑ مَرِفِ عَلَ، عِ ﭑ نَبٌلٌشِ مُنقٍ رَ؟ عِ كِسِ مَكُيَ ﭑ نَ، عِ مُ ﭑ وَ شُي رَ مّ؟

³ﭑ مَرِفِ عَلَ، كْي نُن يَنيِ، ﭑ عِ شِلِمَ، كْنْ عِ مُ ﭑ مَ شِلِ رَتِنمَ.

⁴كْنْ عِ تَن سّنِيّنتْي، عِ شَ كِبَنيِ رَبِلِنشِ عِسِرَيِلَ شَ تَنتُي رَ.

⁵مُشُ بٍنبَيٍ بَرَ دَنشَنِيَ عِ مَ. عِ بَرَ عٍ رَكِسِ عٍ شَ دَنشَنِيَ سَابُي رَ.

⁶عٍ تٌ عِ شِلِ، عِ نَشَ عٍ شْرّيَ. عٍ بَرَ دَنشَنِيَ عِ مَ. عِ مُ عٍ لُ يَافِ كُي.

⁷كْنْ ﭑ تَن بَرَ قِندِ مِشِ شُرِ رَ عَلْ دٌندٌلِ، عَلْ مِشِ مُ نَ ﭑ تَن نَ. عَدَ مَدِيٍ ﭑ نَيَافِمَ، مِشِيٍ ﭑ مَيٍلٍمَ.

⁸مِشِ نَشَن بِرِن ﭑ تٌمَ، عٍ يٌمَ ﭑ مَ. عٍ دّ ثّتّسِمَ ﭑ مَ، عٍ عٍ بّلّشّسٌلٍ تِمَ ﭑ مَ عَ حَاشِ رَ.

⁹عٍ نَشّ، «عِ يَ تِ عَلَتَلَ رَ. عَ عِ رَكِسِمَ، عَ عِ رَتَنفَمَ، بَرِ مَ عِ رَقَن عَ مَ!»

¹⁰عٍٍ عَلَ، عِ بَرَ ﭑ نَمِنِ ﭑ نفَ تّيفّ، عِ بَرَ ﭑ سَ عَ كَنكٍ مَ.

¹¹ﭑ شَشِلِ تِشِ عِ رَ كَقِ ﭑ بَرِ تّمُي. عِ قِندِشِ ﭑ مَرِفِ عَلَ رَ كَقِ ﭑ بَشِ قٌيٍ تٌدٍ.

¹²عِ نَشَ عِ مَكُيَ ﭑ نَ، بَرِ مَ كْنتْقِلِ بَرَ وُيَ ﭑ شُن. مَلِلَ يٌ مُ نَ ﭑ قّ مَ.

¹³سّنبّمَيٍ بَرَ ﭑ نَبِلِن عَلْ بَسَن تُورَيٍ.

¹⁴عٍ دّ رَبِشِ عَلْ يّتّ شَاحّيٍ.

¹⁵ﭑ نِي نَ بَقٍ ﭑ قَتٍ، ﭑ شْرِيٍ نَ بَقٍ عٍ رَدْشْدٍيٍ. ﭑ بْحّ مُ سَمَ، لِمَنِيَ بَرَ بَ ﭑ يِ.

¹⁶ﭑ سّنبّ دٌلٌشِ عَلْ بٌورَ. ﭑ نّنيِ بَرَ كَنكَن ﭑ كْن نَ. عِ نَ ﭑ مَقِندِقٍ بّندّ رَ.

¹⁷مِشِ حَاشِ فَلِ بَرَ ﭑ نَبِلِن عَلْ بَرٍيٍ. عٍ بَرَ ﭑ بّلّشّ نُن ﭑ سَنيِ تُنبَ.

¹⁸ﭑ شْرِ بِرِن سَشِ كّنّ مَ. عٍ يَ بَنبَنشِ ﭑ نَ.

¹⁹عٍ ﭑ مَ دُفِيٍ عِتَشُنمَ عٍ بٌرٍ مَ، عٍ ﭑ مَ دُفِ قَنيِ مَتٌمَ عَ لَنمَ عَ شَ لُ نَشَن بّ.

²⁰عَلَتَلَ، عِ نَشَ عِ مَكُيَ ﭑ نَ! ﭑ مَ سّنبّمَ نَن عِ رَ. عِ شَ عِ شُلُن ﭑ مَلِدٍ.

²¹عِ شَ ﭑ نِي رَكِسِ سَنتِدّفّمَ مَ. عِ شَ ﭑ نَتَنفَ نَ بَرٍيٍ مَ.

²²عِ شَ ﭑ نَكِسِ نَ يّتّيٍ مَ. عِ شَ ﭑ نَكِسِ نَ تُورَيٍ قٍرِيٍ مَ.

²³ﭑ عِ شِلِ مَسٍنمَ نّ ﭑ مَ مِشِيٍ بّ، ﭑ عِ مَتْشْمَ نّ حَمَ تَفِ.

²⁴وٌ تَن نَشَن فَاشُمَ عَلَتَلَ يَ رَ، وٌ شَ عَ تَنتُ. وٌ تَن نَشَن كٍلِشِ وٌ بٍنبَ يَشُبَ بْنسْي، وٌ شَ عَ مَتْشْ. وٌ تَن نَشَن كٍلِمَ عِسِرَيِلَ بْنسْي، وٌ شَ فَاشُ عَ يَ رَ.

²⁵عَلَ مُ يٌمَ مِسِكِينّ شَ تْورّ مَ. عَ مُ عَ يّتّ نْشُنمَ عَ مَ شّ، عَ عَ شَ مَشَندِ سُشُمَ نّ.

²⁶عَلَ، ﭑ عِ مَتْشْمَ حَمَ شُنفبٍ يَ مَ. ﭑ قَمَ ﭑ مَ لَايِدِ رَكَمَلِدٍ مِشِيٍ بّ، نَشٍيٍ فَاشُمَ عَلَ يَ رَ.

²⁷مِشِ مَفٌرٌشِيٍ قَمَ عٍ دّفٍدٍ، هَن عٍ وَ سَ. نَشٍيٍ عَلَتَلَ قٍنمَ، عٍ قَمَ عَ مَتْشْدٍ. عَلَ شَ سِمَيَ قِ وٌ مَ.

²⁸دُنِحَ بِرِن قَمَ رَتُدٍ عَلَتَلَ شَ قٍ مَ، عٍ مَن بِرِن عٍ يَ رَقِندِ مَ عَ مَ. سِ بِرِن قَمَ عٍ مَفٌرٌدٍ عَ بّ،

²⁹بَرِ مَ بِرِن نَ عَلَتَلَ شَ مَنفّيَ نَن بُن. عَ سِ بِرِن يَمَرِ مَ.

³⁰دُنِحَ سّنبّمَيٍ نَ فّ عٍ دّفٍدٍ، عٍ بِرِن قَمَ عٍ مَفٌرٌدٍ عَلَ بّ. نَشٍيٍ بِرِن قِندِ مَ بّندّ رَ، عٍ قَمَ عٍ شُن سِندٍ عَلَ بّ. عٍ مُ نْمَ عٍ يّتّ نِي رَتَنفَدٍ.

³¹عَدَ مَدِيٍ بِرِن قَمَ عَلَ بَتُدٍ. عٍ عٍ مَرِفِ شَ قٍ قَلَمَ عٍ بٌرٍ بّ.