يَبُرَ 22:2-12

²عَلَ، ﭑ مَرِفِ عَلَ، عِ ﭑ نَبٌلٌشِ مُنقٍ رَ؟ عِ كِسِ مَكُيَ ﭑ نَ، عِ مُ ﭑ وَ شُي رَ مّ؟

³ﭑ مَرِفِ عَلَ، كْي نُن يَنيِ، ﭑ عِ شِلِمَ، كْنْ عِ مُ ﭑ مَ شِلِ رَتِنمَ.

⁴كْنْ عِ تَن سّنِيّنتْي، عِ شَ كِبَنيِ رَبِلِنشِ عِسِرَيِلَ شَ تَنتُي رَ.

⁵مُشُ بٍنبَيٍ بَرَ دَنشَنِيَ عِ مَ. عِ بَرَ عٍ رَكِسِ عٍ شَ دَنشَنِيَ سَابُي رَ.

⁶عٍ تٌ عِ شِلِ، عِ نَشَ عٍ شْرّيَ. عٍ بَرَ دَنشَنِيَ عِ مَ. عِ مُ عٍ لُ يَافِ كُي.

⁷كْنْ ﭑ تَن بَرَ قِندِ مِشِ شُرِ رَ عَلْ دٌندٌلِ، عَلْ مِشِ مُ نَ ﭑ تَن نَ. عَدَ مَدِيٍ ﭑ نَيَافِمَ، مِشِيٍ ﭑ مَيٍلٍمَ.

⁸مِشِ نَشَن بِرِن ﭑ تٌمَ، عٍ يٌمَ ﭑ مَ. عٍ دّ ثّتّسِمَ ﭑ مَ، عٍ عٍ بّلّشّسٌلٍ تِمَ ﭑ مَ عَ حَاشِ رَ.

⁹عٍ نَشّ، «عِ يَ تِ عَلَتَلَ رَ. عَ عِ رَكِسِمَ، عَ عِ رَتَنفَمَ، بَرِ مَ عِ رَقَن عَ مَ!»

¹⁰عٍٍ عَلَ، عِ بَرَ ﭑ نَمِنِ ﭑ نفَ تّيفّ، عِ بَرَ ﭑ سَ عَ كَنكٍ مَ.

¹¹ﭑ شَشِلِ تِشِ عِ رَ كَقِ ﭑ بَرِ تّمُي. عِ قِندِشِ ﭑ مَرِفِ عَلَ رَ كَقِ ﭑ بَشِ قٌيٍ تٌدٍ.

¹²عِ نَشَ عِ مَكُيَ ﭑ نَ، بَرِ مَ كْنتْقِلِ بَرَ وُيَ ﭑ شُن. مَلِلَ يٌ مُ نَ ﭑ قّ مَ.