يَبُرَ 18:37-48

³⁷ﭑ سّنبّ سْتْشِ، عَلَكٌ ﭑ نَشَ بِرَ.

³⁸ﭑ بِرَ مَ ﭑ يَشُييٍ قْشْ رَ هَن ﭑ عٍ سُشُ. ﭑ مُ فبِلٍنمَ عٍ قْشْ رَ قٌ ﭑ نْ عٍ رَ.

³⁹ﭑ نٍيٍ رَبِرَ مَ نّ هَن عٍ مُ نْ كٍلِدٍ سْنْن، عٍ قَ لُ ﭑ سَنيِ بُن.

⁴⁰عِ سّنبّ سٌمَ ﭑ يِ رَ ﭑ مَ فٍرٍ كُي. عِ ﭑ يَشُييٍ رَفٌرٌ مَ ﭑ بُن مَ،

⁴¹عِ عَ نِيَ ﭑ شَ نْ عٍ رَ. ﭑ شْنمِشِيٍ مُ وْيّنمَ سْنْن.

⁴²عٍ مِشِيٍ شِلِمَ عٍ شَ قَ عٍ مَلِ، كْنْ مِشِ يٌ مُ عٍ رَكِسِمَ. عٍ عَلَتَلَ شِلِمَ، كْنْ عَ قَن مُ عٍ يَابِمَ.

⁴³ﭑ عٍ لُشُتَمَ نّ عٍ قَ لُ عَلْ شُبٍ، قٌيٍ نَشَن شَنِنمَ. ﭑ عٍ بٌرٌنمَ عَلْ بّندّ.

⁴⁴عِ بَرَ ﭑ نَتَنفَ حَمَ مُرُتَشِ مَ، عِ قَ ﭑ قِندِ سِيٍ شُنيِ رَ. ﭑ مُ نَشَن كٌلٌن نَ بَرَ لُ ﭑ بُن مَ.

⁴⁵عٍ ﭑ شُي رَبَتُمَ، شْحّيٍ وْيّن حْشُنمّ قَلَمَ ﭑ بّ.

⁴⁶عٍ مُ سُو سَمَ ﭑ يَ رَ. عٍ مِنِمَ عٍ شَ تّتّ مَكَنتَشِ كُي فَاشُي رَ.

⁴⁷عَلَتَلَ سّنبّ مُ حْنمَ عَبَدَن. تَنتُي نَ ﭑ مَ كَنتَمَ بّ. تَنتُي نَ ﭑ مَرِفِ عَلَ مَرَكِسِمَ بّ.

⁴⁸عَلَ نَن ﭑ فبٍحْشْمَ. عَلَ نَن سِيٍ رَبِرَ مَ ﭑ مَ نْي بُن مَ.