يَبُرَ 17:1-15

¹دَوُدَ شَ عَلَ مَشَندِ عَلَتَلَ، ﭑ مَ مَشَندِ رَ مّ تِنشِنيِ شَ قٍ رَ. عِ تُلِ مَتِ ﭑ وَ شُي رَ. عِ تُلِ مَتِ ﭑ مَ مَشَندِ شُي رَ وُلٍ مُ نَ نَشَن كُي.

²عِ شَ ﭑ مَ كِيتِ بٌلٌن، بَرِ مَ نَشَن تِنشِن، عِ نَ كٌلٌن.

³عِ نَ ﭑ بْحّ مَتٌ كْي رَ، عِ نَ ﭑ مَ دُنِحّءِفِرِ مَتٌ يَنيِ رَ، عِ مُ تَنتَنيِ يٌ تٌمَ ﭑ نَ. ﭑ مُ تِنمَ وْيّن حَاشِ شَ مِنِ ﭑ دّ عِ.

⁴مِشِ فبّتّيٍ قٍ حَاشِ رَبَمَ، كْنْ ﭑ تَن بَرَ عِ شَ يَامَرِ سُشُ. ﭑ مُ بِرَ مَ سُوتٍيٍ شَ كِرَيٍ قْشْ رَ.

⁵ﭑ بِرَ مَ عِ تَن نَن قْشْ رَ، ﭑ مُ نَ كِرَ بّحِنمَ.

⁶عَلَ، ﭑ عِ شِلِمَ نّ، بَرِ مَ عِ يَابِ قِمَ مِشِ مَ. يَندِ، عِ شَ عِ تُلِ مَتِ ﭑ مَ مَشَندِ رَ.

⁷عِ شَ هِننّ مُشُ رَ، عِ تَن نَشَن مِشِيٍ رَكِسِمَ عٍ يَشُييٍ مَ، نَشٍيٍ يِفِيَ قٍنمَ عِ رَ.

⁸مّينِ ﭑ مَ عَلْ عِ يَ قِرِنيِيٍ. ﭑ نْشُن عَلْ تْشّيْرّ نَشَن عَ نْشُنمَ عَ نفَ فَبُتٍنيِيٍ بُن مَ.

⁹نَ نَ عَ تٌمَ، مِشِ حَاشِ نَشٍيٍ ﭑ نَبِلِنشِ، عٍ مُ نْمَ ﭑ نَ.

¹⁰يّتّ عِفبٌي نَن عٍ رَ، عٍ دّ عِفبٌ.

¹¹عٍ بَرَ قَ ﭑ قْشْ رَ يَكْسِ، عٍ ﭑ نَبِلِن، عٍ عَلَكٌ عٍ شَ ﭑ قَشَ.

¹²عٍ لُشِ عَلْ يّتّ نَشَن سُبٍ قٍنمَ، عَلْ يّتّ كَامّشِيٍ نَشٍيٍ فبَتَشِ سُبٍ قَشَدٍ.

¹³عَلَتَلَ، كٍلِ! ﭑ يَشُييٍ فٍرٍ، عِ شَ نْ عٍ رَ. ﭑ نَتَنفَ مِشِ حَاشِيٍ مَ عِ شَ سَنتِدّفّمَ رَ.

¹⁴ﭑ نَتَنفَ نَ دُنِحَ مِشِ مْولِيٍ مَ، نَشٍيٍ عٍ مَسُندِ سْتْمَ يِ دُنِحّءِفِرِ فبَنسَن كُي. عٍ رَلُفَ نَ مَسُندِ رَ، عِ نَشَن نَفَتَشِ عٍ بّ. عٍ شَ دِيٍ قَن شَ وَ سَ نَ رَ، عَ دْنشْي شَ لُ عٍ شَ مَمَدِيٍ بّ!

¹⁵كْنْ ﭑ تَن قَمَ نّ عِ يَتَفِ تٌدٍ تِنشِنيِ سَابُي رَ. ﭑ نَ شُنُ، ﭑ وَ سَمَ نّ عِ يَتَفِ رَ.