يَبُرَ 132:2-15

²عَ نَشَ عَ رَكَلِ عَلَتَلَ بّ، عَ نَشَ عَ رَكَلِ يَشُبَ مَرِفِ عَلَ سّنبّمَ بّ،

³«ﭑ مُ سٌمَ ﭑ شْنيِ، ﭑ مُ ﭑ سَمَ،

⁴ﭑ مُ ﭑ يَ مَشِمَ، ﭑ مُ ﭑ يَ مَفِرَ مَ،

⁵هَن ﭑ سَ لِنفِرَ سْتْمَ يَشُبَ مَرِفِ عَلَ سّنبّمَ بّ تّمُي نَشّ.»

⁶وٌن نُ بَرَ عَ شَ قٍ مّ عٍقَرَتَ بْشِ مَ. وٌن نَشَ عَ لِ يَارَ شَ شّ مَ.

⁷«وٌن شّي عَ شَ هْرْ مْلِنفِرَ يِرٍ، وٌن شَ وٌن شِنبِ سِن عَ سَنتِدٍ يَ عِ.

⁸عَلَتَلَ، كٍلِ عِ شَ تَلُ عِ سَبَتِدٍ، عِ تَن نُن عِ شَ سَاتّ كَنكِرَ.

⁹عِ شَ سّرّشّدُبّيٍ شَ لُ شُننَكٍلِ كُي، عِ دُفُتّفّيٍ شَ عٍ سّيوّ شُي رَتٍ.»

¹⁰عِ شَ كٌنيِ دَوُدَ شَ قٍ رَ، عِ نَشَ مّي عِ شَ مَنفّ سُفَندِشِ رَ.

¹¹عَلَتَلَ عَ كَلِ نّ دَوُدَ بّ، مَرَكَلِ نَشَن مُ كَنَمَ، عَ نَشّ، «ﭑ عِ بْنسْي ندٍ نَن دْشْمَ عِ شَ كِبَنيِ مَ.

¹²شَ عِ شَ دِيٍ سَ ﭑ مَ سَاتّ بِنيَ، عٍ ﭑ مَ يَامَرِيٍ رَبَتُ، عٍ شَ دِيٍ قَن لُمَ نّ عِ شَ كِبَنيِ مَ عَبَدَن.»

¹³بَرِ مَ عَلَتَلَ بَرَ سِيٌنِ سُفَندِ، مّننِ نَن نَقَنشِ عَ مَ عَ سَبَتِدٍ رَ.

¹⁴عَ نَشّ، «ﭑ سَبَتِدٍ نَن بٍ رَ عَبَدَن. ﭑ دْشْمَ بٍ ﭑ مَ كِبَنيِ كُي بَرِ مَ بٍ رَقَنشِ ﭑ مَ.

¹⁵ﭑ بَرَكّ سَمَ نّ سِيٌنِكَيٍ مَ، ﭑ بَلٌي قِ عٍ شَ مِسِكِينّيٍ مَ.