Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - يَبُرَ - يَبُرَ 119

يَبُرَ 119:86-116

Help us?
Click on verse(s) to share them!
86عِ شَ يَامَرِ بِرِن تِنشِن. ﭑ نَتَنفَ تْوحّفّ مَ.
87عَ فبٍ مُ لُشِ عٍ شَ ﭑ مَ قٍ كَنَ، كْنْ ﭑ تٌندِ نّ عِ شَ يَامَرِيٍ رَبٌلٌدٍ.
88ﭑ نَكِسِ عِ شَ شَنُنتٍيَ رَ، عَلَكٌ ﭑ شَ عِ شَ مَسٍنيِ سُشُ.
89عَلَتَلَ، عِ شَ مَسٍنيِ نَ كٌورٍ مَ عَبَدَن.
90عِ شَ شَنُنتٍيَ بُمَ نّ كٍلِقٍ تٌ بْنسْي مَ هَن بْنسْي نَشٍيٍ سَ قَمَ. عِ دُنِحَ شَنشِ نَن دَا.
91عِ شَ سّرِيّ بُمَ هَن تٌ، بِرِن نَ عِ شَ مَنفّيَ نَن بُن مَ.
92شَ ﭑ مُ سّيوَ عِ شَ سّرِيّ رَ نُ، ﭑ بَرَ بْنْ ﭑ مَ تْورّ كُي نُ.
93ﭑ مُ نّيمُمَ عِ شَ مَسٍنيِ رَ قٍوٌ، بَرِ مَ عِ ﭑ كِسِشِ عٍ تَن نَن سَابُي رَ.
94ﭑ بَرَ ﭑ يّتّ قِ عِ مَ، ﭑ نَكِسِ. ﭑ تِنمَ عِ سَفٌ سُشُقٍ رَ.
95مِشِ حَاشِيٍ وَ مَ ﭑ قَشَقٍ، كْنْ ﭑ تَن حْشْ سَشِ عِ شَ مَسٍنيِ شْن مَ.
96ﭑ عَ كٌلٌن دُنِحَ قٍ بِرِن حْنمَ نّ، كْنْ عِ شَ سّرِيّ مُ كَنَمَ عَبَدَن.
97عِ شَ سّرِيّ رَقَن ﭑ مَ. ﭑ نَ ﭑ حْشْ سَشِ عَ شْن مَ كُدّ.
98عِ شَ يَامَرِيٍ ﭑ قِندِ مَ قَهَامُلَ نَن نَ دَنفِ ﭑ يَشُييٍ رَ، بَرِ مَ عٍ نَ ﭑ بْحّ كُي تّمُي بِرِن.
99ﭑ شَشِلِ قَن ﭑ كَرَ مْشْيٍ شَشِلِ بّ، بَرِ مَ ﭑ نَ ﭑ حْشْ سَشِ عِ شَ مَسٍنيِ نَن شْن مَ.
100ﭑ قٍ كٌلٌن دَنفِقٍ قٌرِيٍ رَ، بَرِ مَ ﭑ عِ سَفٌ رَبَتُشِ.
101ﭑ بَرَ ﭑ سَنيِ بَ كِرَ حَاشِيٍ شْن مَ، ﭑ شَ بِرَ عِ شَ مَسٍنيِ قْشْ رَ.
102ﭑ مُ عِ شَ سّرِيّ بّحِن، بَرِ مَ عِ تَن نَن يَتِ ﭑ شَرَن نَ رَ.
103عِ شَ مَسٍنيِ حْشُن ﭑ دّ كُي دَنفِ كُمِ رَ.
104ﭑ شَشِلِ قَنيِ سْتْ عِ سَفٌ نَن نَ. نَ كُي ﭑ بَرَ كِرَ حَاشِيٍ تَن شْن.
105عِ شَ مَسٍنيِ قِندِشِ لَنثُي نَن نَ ﭑ سَن تِدٍ، عَ قِندِ نَءِيَلَنيِ رَ ﭑ مَ كِرَ شْن مَ.
106ﭑ بَرَ لَايِدِ تٌنفٌ نَشَن مُ كَنَمَ، ﭑ قَمَ نّ بِرَدٍ عِ شَ سّرِيّ تِنشِنشِ قْشْ رَ.
107ﭑ بَرَ تْورْ عَ فبٍ رَ. عَلَتَلَ، ﭑ نَكِسِ عِ شَ مَسٍنيِ رَ.
108عَلَتَلَ، ﭑ بَرَ عِ مَشَندِ، عِ شَ ﭑ مَ مَتْشْي سُشُ سّرّشّ رَ، عِ شَ ﭑ شَرَن عِ سَفٌ رَ.
109ﭑ نِي نَ قَشّ يَ عِ تّمُي بِرِن، كْنْ ﭑ مُ نّيمُمَ عِ شَ سّرِيّ مَ.
110مِشِ حَاشِيٍ فَنتَنيِ تٍمَ ﭑ بّ، كْنْ ﭑ مُ ﭑ مَكُيَمَ عِ سَفٌ رَ.
111عِ شَ مَسٍنيِ قِندِشِ ﭑ كّ نَن نَ عَبَدَن، عَ ﭑ بْحّ رَ سّيوَ مَ نّ.
112ﭑ بْحّ بِرَ مَ نّ عِ شَ يَامَرِيٍ قْشْ رَ عَبَدَن.
113ﭑ قِلَنكَقُي شْنمَ، كْنْ عِ شَ سّرِيّ رَقَن ﭑ مَ.
114ﭑ كَنتَرِ نُن ﭑ مَكَنتَمَ نَ عِ تَن نَن نَ، ﭑ شَشِلِ تِشِ عِ شَ مَسٍنيِ رَ.
115وٌ وٌ مَسِفَ ﭑ نَ، وٌ تَن مِشِ كٌبِيٍ، عَلَكٌ ﭑ شَ عَلَ شَ يَامَرِيٍ رَتِنمّ.
116ﭑ دّ مّن عَلْ عِ عَ لَايِدِ كِ نَشّ، عَلَكٌ ﭑ شَ كِسِ. عِ نَشَ قٍ كَنَ ﭑ شَشِلِ تِشِ نَشَن نَ.

Read يَبُرَ 119يَبُرَ 119
Compare يَبُرَ 119:86-116يَبُرَ 119:86-116