يٌسُوٍ 1:10-18

¹⁰يٌسُوٍ نَشَ يِ يَامَرِ سٌ حَمَ شُنيِيٍ يِ رَ؛

¹¹«وٌ وٌ حّرّ حَمَ تَفِ، وٌ عٍ يَامَرِ يِ رَ، ‹وٌ وٌ شَ دٌنسٍيٍ شُنلَن، بَرِ مَ وٌن قَمَ يُرُدّن عِفِرِدٍ بٍينُن شِ سَشَن، عَلَكٌ وٌ شَ بْشِ مَسْتْ وٌن مَرِفِ عَلَتَلَ نَشَن سٌقٍ وٌ يِ.›»

¹²يٌسُوٍ نَشَ عَ قَلَ رُبٍن بْنسْي، فَدِ بْنسْي، نُن مَنَسِ بْنسْي سّيتِ بّ،

¹³«وٌ رَتُ عَلَتَلَ شَ كٌنيِ مُنسَ شَ يَامَرِ مَ. عَ تٌ عَ قَلَ، ‹وٌ مَرِفِ عَلَتَلَ بَرَ مَلَبُي قِ وٌ مَ. عَ بَرَ يِ بْشِ سٌ وٌ يِ.›

¹⁴وٌ شَ فِنّيٍ، وٌ شَ دِيٍ، نُن وٌ شَ شُرُ سٍيٍ نْمَ لُدٍ بْشِ مَ عَننَبِ مُنسَ نَشَن سٌشِ وٌ يِ رَ يُرُدّن كِرِ مَ. كْنْ وٌ تَن تِمَ عَ فٍرٍ سٌ كِ نَن مَ وٌ نفَشَكٍرٍنيِيٍ يَ رَ. وٌ شَ عٍ مَلِ،

¹⁵هَن بٍينُن عَلَتَلَ مَلَبُي قِمَ عٍ مَ تّمُي نَشّ عَلْ وٌ تَن، هَن عٍ قَن شَ بْشِ مَسْتْ وٌ مَرِفِ عَلَتَلَ نَشَن قِقٍ عٍ مَ. نَ شَنبِ، وٌ مَن قَ فبِلٍن وٌ شَ بْشِ مَ، عَلَتَلَ شَ كٌنيِ مُنسَ نَشَن قِشِ وٌ مَ يُرُدّن كِرِ مَ، سٌفٍتٍدٍ بِرِ.»

¹⁶عٍ نَشَ يٌسُوٍ يَابِ، «عِ مُشُ يَمَرِشِ قٍ نَشَن بِرِن نَ، مُشُ عَ رَبَمَ نّ. عِ نَ مُشُ شّي دّننَشّ قَن، مُشُ سِفَمَ نّ.

¹⁷مُشُ عِ شُي رَبَتُمَ نّ قٍ بِرِن مَ، عَلْ مُشُ عَننَبِ مُنسَ شُي رَبَتُ كِ نَشّ. عِ مَرِفِ عَلَتَلَ شَ بِرَ عِ قْشْ رَ عَلْ عٍ نُن مُنسَ نُ عَ رَ كِ نَشّ.

¹⁸مِشِ يٌ كَلَبَنتٍ عِ شُي مَ، عَ مُ بِرَ عِ وْيّن شُي قْشْ رَ، عِ قٍ نَشَن بِرِن قَلَمَ عَ بّ، عَ مُ نَ مّ، نَ كَنيِ قَشَمَ نّ. عِ شَ عِ سّنبّ سٌ، عِ مَن شَ لِمَنِيَ.»