يٌسُوٍ 18:5-24

⁵نَ بْشِ شَ عِتَشُن دْشْ سٌلٌقٍرٍ رَ. يُدَ بْنسْي شَ لُ نَ بْشِ يِرٍقَنيِ مَ، يُسُقُ بْنسْي قَن شَ لُ نَ بْشِ كْولَ مَ.

⁶وٌ نَ فّ نَ بْشِ عِتَشُنشِ دْشْ سٌلٌقٍرٍ مَسٍندٍ ﭑ بّ، ﭑ قَمَ نَتّ تٌنفٌدٍ وٌن مَرِفِ عَلَتَلَ شَ مَلِ سَابُي رَ، عَلَكٌ نٍيٍ شَ عِتَشُن وٌ مَ.

⁷كْنْ لٍوِ بْنسْي مُ بْشِ يٌ سْتْمَ، بَرِ مَ عٍ فبٍ كّ قِندِ سّرّشّدُبّحَ نَن نَ عَلَتَلَ بّ. فَدِ، رُبٍن، عَ نُن مَنَسِ بْنسْي سّيتِ سِنفٍ حَن بَرَ عٍ فبٍ سْتْ يُرُدّن شُرٍ كِرِ مَ سٌفٍتٍدٍ بِرِ رَ عَلْ عَننَبِ مُنسَ عَ قِ عٍ مَ كِ نَشّ.»

⁸نَ كُي نَ شّمّيٍ نَشَ سِفَ. يٌسُوٍ نُ بَرَ عٍ يَمَرِ، «وٌ سِفَ، وٌ بْشِ عِحّرّ. وٌ شَ عَ مَتٌ عَ نَ كِ نَشّ. نَ شَنبِ وٌ شَ قَ بٍ سِلٌ، ﭑ شَ نَتّ تٌنفٌ وٌن مَرِفِ عَلَتَلَ شَ مَلِ سَابُي رَ، وٌن نَ بْشِ عِتَشُنمَ وٌ مَ كِ نَشّ.»

⁹نَ شّمّيٍ نَشَ سِفَ بْشِ مَتٌدٍ. عٍ تَا نَشٍيٍ تٌ نَ يِرٍ سٌلٌقٍرٍ كُي، عٍ نَشَ نٍيٍ بِرِن شِلِيٍ سّبّ، عٍ قَ عَ رَ يٌسُوٍ شْن سِلٌ يٌنكِندٍ كُي.

¹⁰يٌسُوٍ نَشَ نَتّ تٌنفٌ سِلٌ عَلَتَلَ شَ مَلِ سَابُي رَ. عَ نَشَ نَ بْشِ بِرِن عِتَشُن عِسِرَيِلَ بْنسْييٍ مَ.

¹¹بُنيَمِن بْنسْي شَبِلّيٍ بِرِن نَشَ عٍ فبٍ سْتْ يُدَ بْنسْي فبٍ نُن يُسُقُ شَ دِيٍ فبٍ تَفِ عَلَتَلَ شَ مَرَفِرِ سَابُي رَ.

¹²عٍ شَ نَانِنيِ كْولَ مَ قْلْ يُرُدّن شُرٍ نَن مَ، عَ دَنفِ يٍرِكٌ رَ كْولَ بِرِ رَ، عَ تٍ فٍيَ مَ سٌفٍفٌرٌدٍ بِرِ رَ هَن عَ بٍتِ عَوٍنِ فبٍنفبٍرٍنيِ لِ.

¹³عَ كٍلِ مّننِ، عَ دَنفِ لُسِ رَ، نَشَن مَن شِلِ بٍتٍلِ، يِرٍقَنيِ بِرِ رَ. عَ فٌرٌ هَن عَتَرٌتِ عَدَرِ، عَ تٍ فٍيَ قَرِ، نَشَن نَ بٍتِ شٌرٌن لَبٍ يِرٍقَنيِ مَ.

¹⁴نَ نَانِنيِ نَشَ فٌرٌ نَ فٍيَ قَرِ عَ سِفَ بَا سّيتِ شْن مَ سِفَقٍ رَ كِرِيَتِ بَلِ، نَشَن مَن شِلِ كِرِيَتِ يٍيَرِ مِ. نَ تَا قِندِ يُدَ شَ دِيٍ نَن فبٍ رَ. نَانِنيِ نَن نَ كِ نَشَن نَ سٌفٍفٌرٌدٍ.

¹⁵نَشَن نَ يِرٍقَنيِ مَ، عَ قْلْ كِرِيَتِ يٍيَرِ مِ نّ، عَ سِفَ سٌفٍفٌرٌدٍ بِرِ رَ هَن عَ نٍقٍتٌوَ دُلٌنيِ لِ.

¹⁶نَ نَانِنيِ نَشَ فٌرٌ مّننِ، عَ سِفَ هَن بٍن هِنٌمَ فٍيَ بُنيِ رَ، رٍقَكَيٍ شَ فُلُنبَ كُي كْولَ مَبِرِ. عَ كٍلِ مّننِ، عَ فٌرٌ بٍن هِنٌمَ فٍيَ بُنيِ رَ، يٍبُسُكَيٍ قّ مَ. عَ يِرٍقَنيِ مَ، عَ سِفَ هَن عٍن رٌفٍلِ.

¹⁷نَ نَانِنيِ سِفَشِ عٍن سٍمٍسِ كْولَ بِرِ رَ، عَ سِفَ فٍلِلٌتِ، نَشَن نَ عَدُ مِمِ فٍيَ يَ رَ. عَ فٌرٌ هَن رُبٍن شَ دِ بٌهَن شَ قَنيٍ مَ.

¹⁸عَ دَنفِ فٍيَ رَ كْولَ بِرِ رَ، فٍيَ نَشَن نَ يُرُدّن فُلُنبَ يَ تَفِ. عَ فٌرٌ يُرُدّن فُلُنبَ كُي،

¹⁹عَ دَنفِ بٍتِ شٌفَلَ رَ، كْولَ بِرِ رَ. نَ يِرٍقَنيِ نَانِنيِ دَنشِ يُرُدّن شُرٍ سٌدٍ نَن مَ قْشّ بَا شُن.

²⁰يُرُدّن شُرٍ قِندِشِ بُنيَمِن شَبِلّيٍ شَ بْشِ نَانِنيِ نَن نَ سٌفٍتٍدٍ بِرِ رَ. بُنيَمِن بْنسْي شَ نَانِنيِ بِرِن نَن نَ كِ.

²¹تَا نَشٍيٍ قِ بُنيَمِن بْنسْي شَبِلّيٍ مَ، نٍيٍ نَن يَ؛ يٍرِكٌ، بٍتِ شٌفَلَ، عٍمٍكِ كٍسِسِ،

²²بٍتِ عَرَبَ، سّمَرَيِمَ، بٍتٍلِ،

²³عَوِ مِ، ثَرَ، عٌقَرَ،

²⁴كٍقَرَهَمٌنِ، عٌقِنِ، نُن فٍبَ. نَ بِرِن لَنشِ تَا قُ نُن قِرِن نَن مَ، عَ نُن عٍ دَاشَيٍ.