Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - يٌسُوٍ - يٌسُوٍ 13

يٌسُوٍ 13:3-26

Help us?
Click on verse(s) to share them!
3بْشِ نَشَن قْلْمَ سِشٌرِ شُرٍ مَ مِسِرَ يَ تَفِ، هَن عَ سَ عٍكِرٌن لِ، نَشَن نَ كْولَ مَ، نَ بِرِن كَنَانكَيٍ نَن فبٍ نُ عَ رَ، كْنْ نَ وَشَتِ عَوِكَيٍ نُ نَا سُشُشِ عٍ يِ، عٍ نُن قِلِسِتَ مَنفّدِ سُولِيٍ، نَشٍيٍ نُ نَ فَسَ، عَسِدٌدِ، عَسِكَلْن، فَتِ، نُن عٍكِرٌن.
4كَنَانكَيٍ شَ بْشِ قَن لُشِ، قْلْقٍ مٍيَرَ تَا مَ سِدْنكَيٍ نَ دّننَشّ، هَن عَ سَ عَقٍكِ لِ. عَمٌرِكَيٍ شَ بْشِ قَن لُشِ.»
5«فٍبَلَكَيٍ نُن لِبَنكَيٍ شَ بْشِ قَن لُشِ، قْلْقٍ بَلِ فَدِ مَ شٍرِ مٌن فٍيَ بُنيِ، هَن عَ سَ شَمَتَ لِ.
6سِدْنكَ نَشٍيٍ بِرِن نَ فٍيَيٍ قَرِ، قْلْقٍ لِبَن فٍيَيٍ مَ، هَن عَ سَ مِسِرٍقٌتِ مَيِمِ لِ، ﭑ قَمَ عٍ كٍرِدٍ عِسِرَيِلَكَيٍ يَ شْرِ. عِ شَ نَ بِرِن قِ عِسِرَيِلَ مَ كّ رَ، عَلْ ﭑ عَ مَسٍنشِ كِ نَشّ.
7عِ شَ يِ بْشِ عِتَشُن عِسِرَيِلَ بْنسْي سٌلٌمَنَانِ مَ، عَ نُن مَنَسِ بْنسْي سّيتِ بٌورٍ مَ.»
8مَنَسِ بْنسْي سّيتِ سِنفٍ، رُبٍن بْنسْي، نُن فَدِ بْنسْي نُ بَرَ عٍ فبٍ كّ سْتْ يُرُدّن كِرِ مَ سٌفٍتٍدٍ بِرِ رَ، عَلَ شَ كٌنيِ مُنسَ سَابُي رَ.
9عٍ شَ بْشِ سَ قْلْشِ كَقِ عَرٌوٍرِ، تَا نَشَن نَ عَرِنٌن شُرٍ قّ مَ، عَ فٍيَ بُنيِ تَا لِ، عَ مٍدٍبَ قِيلِ لِ، هَن عَ سَ دِبٌن لِ،
10عَ سَ عَمٌرِ مَنفّ سِشْن شّسِبْنكَ شَ تَايٍ بِرِن لِ هَن عَمٌنِكَيٍ شَ نَانِنيِ رَ.
11عٍ مَن نَشَ فَلَدِ سْتْ، فٍسُرِكَيٍ نُن مَاكَكَيٍ شَ بْشِ، شٍرِ مٌن فٍيَ، نُن بَسَن بْشِ هَن عَ سَ سَلَكَ لِ.
12بَسَن مَنفّ عٌفٌ قَن شَ بْشِ، نَشَن نُ دْشْشِ عَسَتَرٌتِ نُن عٍدٍرٍيِ تَايٍ، نَشَن قِندِ رٍقَ بْنسْي مِشِ دْنشْي رَ، نَ قَن فبٍ بِرِن نَشَ قِندِ عِسِرَيِلَكَيٍ فبٍ رَ. عَننَبِ مُنسَ نَشَ نْ يِ حَمَنّ بِرِن نَ، عَ نَشَ عٍ شَ بْشِ بِرِن تٌنفٌ.
13كْنْ عِسِرَيِلَكَيٍ مُ فٍسُرِكَيٍ نُن مَاكَكَيٍ كٍرِ. هَن تٌ عٍ سَبَتِشِ عِسِرَيِلَكَيٍ يَ مَ.
14عَننَبِ مُنسَ مُ بْشِ يٌ قِ لٍوِ بْنسْي تَن مَ، بَرِ مَ سّرّشّ فَن دَاشِ نَشٍيٍ بَمَ عِسِرَيِلَ مَرِفِ عَلَتَلَ بّ، عٍ نٍيٍ نَن قِندِشِ عٍ تَن فبٍ كّ رَ عَلْ عَلَ عَ مَسٍن كِ نَشّ.
15عَننَبِ مُنسَ نُ بَرَ بْشِ قِ رُبٍن بْنسْي مَ، عٍ شَبِلّ كِ مَ.
16عٍ شَ بْشِ نَشَ قْلْ عَرٌوٍرِ عَرِنٌن شُرٍ دّ رَ، عَ تَا لِ نَشَن نَ فٍيَ بُنيِ، هَن عَ سَ مٍدٍبَ رَبِلِنيِ لِ،
17عَ شّسِبْن لِ، نُن تَا نَشٍيٍ بِرِن نَ نَا رَبِلِنيِ. نَ تَايٍ شِلِ؛ دِبٌن، بَمٌتِ بَلِ، بٍتِ بَلِ مٍيٌنِ،
18يَهَسِ، كٍدٍ مٌتِ، مٍقَاتِ،
19كِرِيَتَيِمِ، سِبِمَ، سّرّتِ سَشَرِ نَشَن نَ فٍيَ قَرِ،
20بٍتِ ثٍيٌرِ، ثِسِفَ فٍيَ قَرِ، بٍتِ يٍسِمٌتِ،
21تَا نَشٍيٍ بِرِن نَ قِيلِ مَ نُن عَمٌرِ مَنفّ سِشْن، نَشَن نُ دْشْشِ شّسِبْن، نَ شَ بْشِ بِرِن. عَننَبِ مُنسَ نُ بَرَ مَنفّ سِشْن قَشَ، عَ نُن مَدِيَن مَنفّدِيٍ عٍقِ، رٍكٍمِ، سُرُ، شُرُ، نُن رٍبَ. عٍ نُ سَبَتِشِ بْشِ كُي سِشْن شَ مَنفّيَ بُن مَ.
22عِسِرَيِلَكَيٍ نَشَ بٍيٌرِ شَ دِ شّمّ بَلَمِ قَن قَشَ سَنتِدّفّمَ رَ، نَشَن نُ دُورٍيَ رَبَمَ.
23يُرُدّن شُرٍ قِندِشِ رُبٍن بْنسْي شَ نَانِنيِ نَن نَ سٌفٍفٌرٌدٍ بِرِ رَ. نَ تَايٍ نُن عٍ شَ بْشِيٍ قِندِشِ رُبٍن بْنسْي فبٍ نَن نَ.
24عَننَبِ مُنسَ نَشَ يِ بْشِ قِ فَدِ بْنسْي مَ عٍ شَبِلّ كِ مَ؛
25يَاسّرِ بْشِ، فَلَدِ بْشِ تَايٍ بِرِن، نُن عَمٌنِ بْشِ سّيتِ كٍرٍن، هَن عَ سَ عَرٌوٍرِ لِ، رَبَ يَ تَفِ،
26كَقِ شّسِبْن هَن عَ سَ رَ مَتِ مِسِثَ نُن بٍتٌنِمِ لِ، كَقِ مَشَنَيِمِ هَن عَ سَ دٍبِرِ بْشِ لِ،

Read يٌسُوٍ 13يٌسُوٍ 13
Compare يٌسُوٍ 13:3-26يٌسُوٍ 13:3-26