مَرَكِ 5:18-41

¹⁸عِسَ تٌ نُ بَكِقٍ كُنكُي كُي، حِننّيٍ نُ شّمّ نَشَن قْشْ رَ، عَ نَشَ عِسَ مَيَندِ عَ عٍ بِرِن شَ لُ عَ رَ.

¹⁹كْنْ عِسَ مُ تِن، عَ عَ قَلَ عَ بّ، «فبِلٍن عِ شْنيِ، عِ شَ مِشِيٍ يِرٍ. سَ دّنتّفّ سَ عٍ بّ، مَرِفِ قٍ نَشَن بِرِن نَبَشِ عِ بّ، عَ نُن عَ كِنِكِنِشِ عِ مَ كِ نَشّ.»

²⁰شّمّ نَشَ سِفَ، عَ سَ نَ بْشِ عِسَ قْلْ، نَشَن شِلِ تَا قُ. عِسَ نَشَن بِرِن نَبَشِ عَ بّ، عَ نَشَ عَ تَفِ رَبَ نَاكَيٍ بّ، بِرِن نَشَ كَابَ.

²¹عِسَ مَن تٌ فِرِ نَاكِرِ مَ كُنكُي كُي، حَمَ فبٍفبٍ نَشَ عٍ مَلَن عَ يِرٍ بَا دّ رَ.

²²سَلِدٍ يَرٍرَتِ ندٍ نَشَ قَ عَ شْن نَشَن شِلِ يَيِرُ. عَ تٌ عِسَ تٌ، عَ نَشَ سُيِدِ عَ بّ.

²³عَ نَشَ عَ مَيَندِ كِ قَنيِ، «ﭑ مَ دِ فِنّ نَ عَ نِي مَفَفَقٍ! يَندِ، قَ عِ قَ عِ بّلّشّ سَ عَ مَ عَلَكٌ عَ شَ يَلَن، عَ شَ كِسِ.»

²⁴عِسَ نَشَ سِفَ عَ قْشْ رَ. حَمَ فبٍفبٍ قَن نَشَ بِرَ عِسَ قْشْ رَ، عٍ نُ قَ عَ شّتّن.

²⁵فِنّ ندٍ نُ نَ عٍ يَ مَ نَشَن شَ كِكٍ وَلِ مُ نُ عَ عِتِمَ حّ قُ نُن قِرِن بُن مَ.

²⁶عَ نُ بَرَ تْورْ سٍرِبَ وُيَشِ يِ، عَ عَ هَرِفٍ بِرِن سٌ عٍ يِ رَ، كْنْ عَ مُ قِسَ. عَ شَ قُرٍ شُن نُ مَسَمَ نَن تُي.

²⁷عَ تٌ نُ بَرَ عِسَ شَ قٍ مّ، عَ نَشَ سٌ حَمَ تَفِ، عَ قَ عِسَ شَنبِ رَ، عَ عَ بّلّشّ دِن عَ شَ دٌنمَ رَ.

²⁸بَرِ مَ عَ نُ بَرَ عَ قَلَ عَ يّتّ بّ، «شَ ﭑ نْ ﭑ بّلّشّ دِندٍ عِسَ شَ دٌنمَ رَ فبَنسَن، ﭑ يَلَنمَ نّ.»

²⁹عَ شَ كِكٍ وَلِ نَشَ دَن كٍرٍن نَ، عَ نَشَ عَ كٌلٌن عَ قَتٍ مَ عَ عَ بَرَ يَلَن.

³⁰عِسَ نَشَ عَ كٌلٌن كٍرٍن نَ عَ سّنبّ ندٍ بَرَ مِنِ عَ قَتٍ يِ كَابَنَكٌ رَبَقٍ رَ. عَ نَشَ عَ يَ رَقِندِ حَمَ مَ، عَ مَشْرِنيِ تِ، «ندٍ عَ بّلّشّ دِنشِ ﭑ مَ دٌنمَ رَ؟»

³¹عَ قْشِرَبِرّيٍ نَشَ عَ قَلَ عَ بّ، «عِ مُ حَمَ تٌشِ عٍ عِ شّتّنقٍ كِ نَشّ؟ عِ مَن نُ قَ مَشْرِنيِ تِ، ‹ندٍ دِنشِ ﭑ نَ؟›»

³²كْنْ عِسَ نَشَ عَ يَ رَفٍ عَ شَ عَ كَنيِ كٌلٌن.

³³فِنّ تٌ عَ كٌلٌن قٍ نَشَن عَ سْتْشِ، عَ نَشَ فَاشُ هَن عَ سّرّن. عَ نَشَ سُيِدِ عِسَ بّ، عَ نْندِ بِرِن قَلَ عَ بّ.

³⁴عِسَ نَشَ عَ قَلَ فِنّ بّ، «ﭑ مَ دِ، عِ شَ دَنشَنِيَ بَرَ عِ رَيَلَن. سِفَ بْحّسَ كُي، عِ شَ تْورّ بَرَ بَ عِ مَ.»

³⁵عِسَ تٌ نُ وْيّنقٍ، مِشِ ندٍيٍ نَشَ قَ كٍلِقٍ سَلِدٍ يَرٍرَتِ شْنيِ، عٍ عَ قَلَ عَ بّ، «عِ شَ دِ فِنّ بَرَ قَشَ. هَلِ عِ مُ كَرَ مْشْ تْورْ سْنْن.»

³⁶كْنْ عِسَ مُ عٍ شُي دَنشُن. عَ نَشَ عَ قَلَ سَلِدٍ يَرٍرَتِ بّ، «عِ نَشَ فَاشُ. عِ تَن شَ لَ عَلَ رَ تُن.»

³⁷عِسَ مُ تِن مِشِ يٌ شَ بِرَ عَ قْشْ رَ، قٌ ثِيّرِ، يَكِ، نُن يَيَ، يَكِ شُنيَ.

³⁸عٍ تٌ سَلِدٍ يَرٍرَتِ شْنيِ لِ، عِسَ نَشَ مِشِيٍ لِ، عٍ وَقٍ، عٍ فبٍلٍفبٍلٍقٍ.

³⁹عَ تٌ سٌ بَنشِ كُي، عَ نَشَ عٍ مَشْرِن، «وٌ وَقٍ مُنقٍ رَ؟ وٌ فبٍلٍفبٍلٍمَ مُن مَ؟ يِ دِ مّدِ مُ قَشَشِ. عَ نَ شِقٍ نّ.»

⁴⁰كْنْ عٍ تَن نَشَ سٌ عَ مَيٍلٍقٍ. عِسَ تٌ عٍ بِرِن نَمِنِ، عَ نَشَ سٌ دِ مّدِ سَشِ دّننَشّ، عَ تَن نُن عَ قْشِرَبِرّيٍ، عَ نُن دِ بَبَ، نُن عَ نفَ.

⁴¹عِسَ نَشَ عَ سُشُ عَ بّلّشّ مَ، عَ عَ قَلَ عَ بّ، «تَلِتَ كُمِ». نَ نَن قَلَشِ عٍ شَ شُي، «فِنّدِ مّدِ، ﭑ نَشّ عِ بّ، كٍلِ!»