لُكِ 7:17-48

¹⁷عِسَ شَ شِبَارُ نَشَ سِفَ رَيٍنسٍن نَ يُدَيَ بْشِ بِرِن مَ عَ نُن نَا رَبِلِنيِ.

¹⁸يَيَ قْشِرَبِرّيٍ نَشَ يِ قٍ بِرِن قَلَ يَيَ بّ.

¹⁹عَ قَن نَشَ مِشِ قِرِن شِلِ عٍ يَ مَ، عَ عٍ شّي عِسَ مَشْرِندٍ، «عِ قِندِشِ عَلَ شَ مِشِ سُفَندِشِ نَن نَ نَشَن لَنمَ عَ شَ قَ، كَ مُشُ شَ مِشِ فبّتّ نَن مَمّ؟»

²⁰عٍ تٌ عِسَ يِرٍ لِ عٍ نَشَ عَ مَشْرِن، «يَيَ شُنشَ نَن مُشُ شّيشِ عِ مَشْرِندٍ. عِ قِندِشِ عَلَ شَ مِشِ سُفَندِشِ نَن نَ نَشَن لَنمَ عَ شَ قَ، كَ مُشُ شَ مِشِ فبّتّ نَن مَمّ؟»

²¹نَ تّمُي يَتِ، عِسَ نُ قُرٍ مَيٍ، حِننّ كَنيِيٍ، نُن دْنشُي فبٍفبٍ رَيَلَنقٍ.

²²نَ كُي، عَ نَشَ يَيَ شَ شّيرَيٍ يَابِ، «وٌ قٍ نَشَن مّشِ نُن وٌ قٍ نَشَن تٌشِ، وٌ سَ نَ دّنتّفّ يَيَ بّ. دْنشُييٍ سٍ تٌمَ، نَمَتّيٍ حّرّ مَ، كُنّ كَنيِيٍ يَلَنمَ، تُلِشْرِيٍ وْيّنيِ مّمَ، قَشَمِشِيٍ كٍلِمَ، قُشَرِلَيٍ كَوَندِ مَ شِبَارُ قَنيِ رَ.

²³سّيوّ نَ مِشِ بّ نَشَن مُ سِيكّمَ ﭑ مَ قٍ رَ.»

²⁴يَيَ شَ شّيرَيٍ تٌ سِفَ، عِسَ نَشَ حَمَ مَشْرِن يَيَ شَ قٍ مَ، «وٌ سِفَ مُنسٍ مَتٌدٍ وُلَ عِ؟ قٌيٍ كَلٍ نَشَن نَمَشَمَ؟

²⁵شَ نَ مُ عَ رَ، وٌ سِفَ مُنسٍ مَتٌدٍ؟ دُفِ تٌقَنيِ كَنيِ؟ نَشٍيٍ مَشِرِشِ عَ قَنيِ رَ، عٍ شَ دُنِحّ عِفِرِ بَننَيَ كُي، نٍيٍ تٌمَ مَنفّ بَنشِيٍ نَن كُي.

²⁶وٌ قَ سِفَ مُنسٍ مَتٌدٍ؟ نَمِحْنمّ؟ عِيٌ، ﭑ شَ عَ قَلَ وٌ بّ، عَ حَن دَنفِ نَمِحْنمّ رَ.

²⁷عَ تَن نَن شَ قٍ سّبّشِ كِتَابُي كُي، ‹ﭑ قَمَ ﭑ مَ شّيرَ رَ سَنبَدٍ عِ يَ رَ عَلَكٌ عَ شَ كِرَ يَءِلَن عِ بّ.›

²⁸ﭑ شَ عَ قَلَ وٌ بّ، فِنّ يٌ مُ دِ بَرِ نَشَن دَنفِ يَيَ رَ. كْنْ ﭑ مَن شَ عَ قَلَ وٌ بّ، مِشِ نَشَن نَ عَلَ شَ مَنفّيَ نِينِ بُن مَ، عَ شُرُن كِيٌكِ، عَ قَن دَنفِ يَيَ رَ.»

²⁹«حَمَ نُن دُوتِ مَشِلِيٍ تٌ عَ شُي مّ، عٍ لَ نّ عَلَ رَ، عٍ قَ لُ يَيَ شَ عٍ شُنشَ يٍ شْورَ.

³⁰كْنْ قَرِ سّنِيٍ نُن سّرِيّ كَرَ مْشْيٍ تَن تٌندِ نّ عَلَ وَشْنقٍ رَ عٍ بّ بَرِ مَ عٍ تٌندِ نّ يَيَ شَ عٍ شُنشَ يٍ شْورَ.»

³¹«ﭑ نْمَ تٌ مِشِيٍ مِسَالِدٍ مُنسٍ رَ؟ عٍ مَنِيَشِ ندٍ رَ؟

³²عٍ مَنِيَشِ دِ مّدِيٍ نَن نَ نَشٍيٍ دْشْشِ تَا كُي، عٍ نُ عَ قَلَ عٍ بٌورٍيٍ بّ، ‹مُشُ بَرَ شُلٍ قٍ وٌ بّ، كْنْ وٌ مُ قَرٍ بٌرٌنشِ. مُشُ بَرَ حْن بّيتِ بَ، كْنْ وٌ مُ وَ.›»

³³«يَيَ شُنشَ تٌ بَرَ قَ، عَ مُ تَامِ دٌن، عَ مُ وّنِ مِن. وٌ بَرَ عَ قَلَ، ‹حِننّ نَ عَ قْشْ رَ.›

³⁴عَدَ مَ شَ دِ تٌ قَ، عَ تَن مُ تٌندِ سِفَدٍ شُلُنيِ يِرٍ. نَ كُي، وٌ بَرَ عَ قَلَ، ‹قُرِ حَاشِ سِيسِلَ مَتٌ! عٍ نُن دُوتِ مَشِلِيٍ نُن يُنُبِتْييٍ نَن عَ رَ!›

³⁵كْنْ شَشِلِمَيَ كٌلٌنمَ عَ كّوَلِ نَن مَ.»

³⁶قَرِ سّنِ ندٍ نَشَ عِسَ شِلِ عٍ شَ عٍ دّفٍ عَ شْنيِ. عِسَ نَشَ سٌ نَا، عَ عَ مَفٌرٌ.

³⁷فِنّ يُنُبِتْي ندٍ نُ نَ تَا كُي، عَ نَشَ عَ مّ عَ عِسَ عَ دّفّقٍ نَ قَرِ سّنِ شْنيِ. نَ كُي، عَ نَشَ لَبُندّ تُرٍ سُشُ عَ يِ رَ، نَ سَشِ عَ بِتِرّ تٌقَنيِ كُي نَشَن نُ رَقَلَشِ عَلَبَتِرَ فّمّ رَ.

³⁸عَ تٌ سٌ نَا، عَ نَشَ تِ عِسَ شَنبِ رَ عَ سَنيِ يِرٍ. عَ تٌ وَ قْلْ، عَ نَشَ عِسَ سَنيِيٍ بُندَ عَ يَيٍ رَ. عَ نَشَ عٍ مَقُرُكُ عَ شُنسّشّ رَ، عَ عٍ سُنبُ، عَ قَ لَبُندّ مَسٌ عٍ مَ.

³⁹قَرِ سّنِ نَشَن عِسَ شِلِ عَ دّفٍدٍ عَ شْنيِ، عَ تٌ نَ قٍ تٌ، عَ نَشَ عَ قَلَ عَ يّتّ مَ، «شَ يِ شّمّ قِندِشِ نَمِحْنمّ نَن نَ نُ، عَ يِ فِنّ شَ قٍ كٌلٌنمَ نّ نُ، عَ عَ كٌلٌنمَ نّ نُ عَ يُنُبِتْي نَن دِنقٍ عَ رَ يِ كِ.»

⁴⁰عِسَ نَشَ عَ قَلَ عَ بّ، «سِمْن، ﭑ شَ قٍ ندٍ مَسٍن عِ بّ.» نَ نَشَ عَ يَابِ، «كَرَ مْشْ، عَ مَسٍن ﭑ بّ.»

⁴¹عِسَ نَشَ يِ تَالِ سَ عَ بّ، «كْبِرِ كَنيِ ندٍ نُ بَرَ مِشِ قِرِن دٌنِ. عَ سِنفٍ شَ دٌنِ قِندِشِ فبٍتِ كْبِرِ كٌلٍ كّمّ سُولِ نَن نَ، عَ قِرِن ندٍ، فبٍتِ كْبِرِ كٌلٍ تٌنفٌ سُولِ.

⁴²قّيرّ تٌ مُ نُ نَ عٍ سٍسٍ يِ رَ، كْبِرِ كَنيِ نَشَ دِحّ عٍ قِرِن بِرِن شَ دٌنِ مَ. نَ مِشِ قِرِنيِ تَفِ، كْبِرِ كَنيِ رَقَنمَ ندٍ مَ دَنفِ بٌورٍ رَ؟»

⁴³سِمْن نَشَ عَ يَابِ، «ﭑ لَشِ عَ رَ، نَشَن شَ دٌنِ نُ فبٌ بٌورٍ بّ.» عِسَ نَشَ عَ قَلَ عَ بّ، «عِ نْندِ.»

⁴⁴نَ تّمُي عَ نَشَ عَ يَ رَقِندِ فِنّ مَ، عَ قَ عَ مَسٍن سِمْن بّ، «عِ يِ فِنّ تٌ؟ ﭑ سٌ نّ عِ شْنيِ، عِ مُ يٍ قِ ﭑ مَ ﭑ شَ ﭑ سَنيِيٍ مَشَ، كْنْ عَ تَن ﭑ سَنيِيٍ مَشَشِ عَ يَيٍ نَن نَ، عَ عٍ مَقُرُكُ عَ شُنسّشّ رَ.

⁴⁵عِ تَن مُ ﭑ سُنبُ، كْنْ عَ تَن، كَبِ ﭑ سٌشِ عِ شْنيِ، عَ مُ بَشِ ﭑ سَنيِيٍ مَسُنبُقٍ.

⁴⁶عِ تَن مُ تُرٍ مَسٌ ﭑ شُنيِ مَ، كْنْ عَ تَن لَبُندّ تُرٍ نَن مَسٌشِ ﭑ سَنيِيٍ مَ.

⁴⁷نَ نَ عَ رَ، ﭑ شَ عَ قَلَ عِ بّ، عَ شَ يُنُبِيٍ نَشٍيٍ فبٌشِ نَ كِ، عٍ بَرَ شَقَرِ عَ بّ، بَرِ مَ عَ شَ شَنُنتٍيَ قَن فبٌ. كْنْ نَشَن شَ يُنُبِ شَقَرِشِيٍ شُرُن، نَ كَنيِ شَ شَنُنتٍيَ قَن شُرُن.»

⁴⁸عِسَ نَشَ قَ عَ مَسٍن فِنّ بّ، «عِ شَ يُنُبِيٍ بَرَ شَقَرِ.»