لُكِ 3:10-36

¹⁰حَمَ نَشَ عَ مَشْرِن، «مُشُ شَ مُنسٍ رَبَ قَ؟»

¹¹عَ نَشَ عٍ يَابِ، «دٌنمَ قِرِن نَ نَشَن يِ رَ، عَ كَنيِ شَ كٍرٍن قِ بٌورٍ مَ، سٍ مُ نَ نَشَن يِ. دٌنسٍ نَ نَشَن يِ رَ، عَ كَنيِ قَن شَ عَ رَبَ نَ كِ.»

¹²دُوتِ مَشِلِيٍ قَن نَشَ قَ عٍ شُنشَدٍ يٍ شْورَ، عٍ عَ مَشْرِن، «كَرَ مْشْ، عَ لَنمَ مُشُ شَ مُنسٍ رَبَ؟»

¹³عَ نَشَ عٍ يَابِ، «وٌ نَشَ دُوتِ شُن مَسَ دَنفِ يَامَرِ رَ.»

¹⁴سْورِ ندٍيٍ قَن نَشَ عَ مَشْرِن، «مُشُ تَن فٌ؟ عَ لَنمَ مُشُ قَن شَ مُنسٍ رَبَ؟» عَ نَشَ عٍ يَابِ، «وٌ نَشَ مِشِ يٌ مُحَ، وٌ نَشَ مِشِ يٌ تْوحّفّ. وٌ شَ وٌ وَ سَ سٌ وٌ وَلِ سَرٍ نَن نَ.»

¹⁵مِشِيٍ نَشَ عٍ شَشِلِ تِ يَيَ رَ، عٍ نُ عٍ مَحْشُن، عَ تّمُندٍ عَلَ شَ مِشِ سُفَندِشِ نَ عَ رَ.

¹⁶يَيَ نَشَ عَ قَلَ عٍ بِرِن بّ، «ﭑ تَن وٌ شُنشَمَ يٍ نَن شْورَ، كْنْ نَشَن قَمَ ﭑ شَنبِ رَ، نَ سّنبّ فبٌ ﭑ تَن بّ. نَ بِنيّ مُ نَ ﭑ تَن يِ رَ، ﭑ حَن شَ عَ شَ سَنكِرِ لُوتِ يَتِ قُلُن. عَ تَن نَن عَلَ شَشِلِ سّنِيّنشِ رَفٌرٌ مَ وٌ مَ، عَ تَن نَن وٌ شُنشَمَ تّ رَ.

¹⁷عَ شَ سٍفٍرٍ سُشُشِ عَ يِ رَ، عَ مَالٍ نُن عَ لَفِ يٍفٍتِمَ نَشَن نَ لْنيِ مَ. عَ مَالٍ رَ سٌمَ عَ شَ بِلِ كُي، كْنْ عَ لَفِ تَن فَنمَ تّ رَ نَشَن مُ شُبٍنمَ.»

¹⁸يَيَ مَن نُ مِشِيٍ رَ سِمَ عَ مْولِ وُيَشِ رَ، عَ نُ عٍ كَوَندِ شِبَارُ قَنيِ رَ.

¹⁹كْنْ يَيَ تٌ وْيّن مَنفّ هٍرٌدٍ مَ، عَ تَارَ شَ فِنّ هٍرٌدِيَسِ شَ قٍ رَ، عَ نُن عَ نُ بَرَ قٍ حَاشِ نَشَن بِرِن نَبَ،

²⁰هٍرٌدٍ مَن نَشَ يِ قٍ كٌبِ كٍرٍن سَ نَ بِرِن شُن؛ عَ نَشَ يَيَ سَ فٍيلِ.

²¹حَمَ بِرِن تٌ نُ بَرَ عٍ شُنشَ يٍ شْورَ، عِسَ قَن نَشَ عَ شُنشَ يٍ شْورَ. عَ تٌ نُ عَلَ مَشَندِقٍ، كٌورٍ نَشَ رَبِ،

²²عَلَ شَشِلِ سّنِيّنشِ نَشَ فٌرٌ عَ مَ عَلْ فَنبّ. شُي ندٍ نَشَ كٍلِ كٌورٍ مَ، عَ عَ مَسٍن، «ﭑ مَ دِ مَشَنُشِ نَن نَ عِ رَ. عِ ﭑ كّنّنشِ كِ قَنيِ رَ.»

²³عِسَ تٌ حّ تٌنفٌ سَشَن حْندْن سْتْ، عَ نَشَ عَ شَ وَلِ قْلْ. مِشِيٍ نُ لَشِ عَ رَ يُسُقُ شَ دِ نَن عَ رَ. يُسُقُ قِندِشِ هٍلِ شَ دِ نَن نَ،

²⁴هٍلِ قِندِشِ مَتَهَتِ شَ دِ نَن نَ، مَتَهَتِ قِندِشِ لٍوِ شَ دِ نَن نَ، لٍوِ قِندِشِ مٍلِكِ شَ دِ نَن نَ، مٍلِكِ قِندِشِ يَننَيِ شَ دِ نَن نَ، يَننَيِ قِندِشِ يُسُقُ شَ دِ نَن نَ،

²⁵يُسُقُ قِندِشِ مَتَهِسَ شَ دِ نَن نَ، مَتَهِسَ قِندِشِ عَمٌسِ شَ دِ نَن نَ، عَمٌسِ قِندِشِ نَشُمُ شَ دِ نَن نَ، نَشُمُ قِندِشِ عٍسِلِ شَ دِ نَن نَ، عٍسِلِ قِندِشِ نَفَيِ شَ دِ نَن نَ،

²⁶نَفَيِ قِندِشِ مَاتِ شَ دِ نَن نَ، مَاتِ قِندِشِ مَتَهِسَ شَ دِ نَن نَ، مَتَهِسَ قِندِشِ سٍمٍيِن شَ دِ نَن نَ، سٍمٍيِن قِندِشِ يٌسٍكٍ شَ دِ نَن نَ، يٌسٍكٍ قِندِشِ يٌدَ شَ دِ نَن نَ،

²⁷يٌدَ قِندِشِ يٌهَنَ شَ دِ نَن نَ، يٌهَنَ قِندِشِ رٍ سَ شَ دِ نَن نَ، رٍ سَ قِندِشِ سٌرٌبَبٍلِ شَ دِ نَن نَ، سٌرٌبَبٍلِ قِندِشِ سَلَتِيٍلِ شَ دِ نَن نَ، سَلَتِيٍلِ قِندِشِ نٍرِ شَ دِ نَن نَ،

²⁸نٍرِ قِندِشِ مٍلِكِ شَ دِ نَن نَ، مٍلِكِ قِندِشِ عَدِ شَ دِ نَن نَ، عَدِ قِندِشِ كٌسَن شَ دِ نَن نَ، كٌسَن قِندِشِ عٍلٍمَدَن شَ دِ نَن نَ، عٍلٍمَدَن قِندِشِ عٍرُ شَ دِ نَن نَ،

²⁹عٍرُ قِندِشِ يٌسُوٍ شَ دِ نَن نَ، يٌسُوٍ قِندِشِ عٍلِيٍسٍرِ شَ دِ نَن نَ، عٍلِيٍسٍرِ قِندِشِ يٌرِ مِ شَ دِ نَن نَ، يٌرِ مِ قِندِشِ مَتَهَتِ شَ دِ نَن نَ، مَتَهَتِ قِندِشِ لٍوِ شَ دِ نَن نَ،

³⁰لٍوِ قِندِشِ سِمٍيْن شَ دِ نَن نَ، سِمٍيْن قِندِشِ يُدَ شَ دِ نَن نَ، يُدَ قِندِشِ يُسُقُ شَ دِ نَن نَ، يُسُقُ قِندِشِ يٌنَن شَ دِ نَن نَ، يٌنَن قِندِشِ عٍلِيَكِن شَ دِ نَن نَ،

³¹عٍلِيَكِن قِندِشِ مٍلٍيَ شَ دِ نَن نَ، مٍلٍيَ قِندِشِ مٍنَ شَ دِ نَن نَ، مٍنَ قِندِشِ مَتَتَ شَ دِ نَن نَ، مَتَتَ قِندِشِ نَتَن شَ دِ نَن نَ، نَتَن قِندِشِ دَوُدَ شَ دِ نَن نَ،

³²دَوُدَ قِندِشِ يِسَيِ شَ دِ نَن نَ، يِسَيِ قِندِشِ عٌبٍدٌ شَ دِ نَن نَ، عٌبٍدٌ قِندِشِ بٌو سُ شَ دِ نَن نَ، بٌو سُ قِندِشِ سَلِمٌن شَ دِ نَن نَ، سَلِمٌن قِندِشِ نَشَسٌن شَ دِ نَن نَ،

³³نَشَسٌن قِندِشِ عَمِنَدَبٌ شَ دِ نَن نَ، عَمِنَدَبٌ قِندِشِ عَدِ مِن شَ دِ نَن نَ، عَدِ مِن قِندِشِ عَرِنِ شَ دِ نَن نَ، عَرِنِ قِندِشِ شٍسِرٌن شَ دِ نَن نَ، شٍسِرٌن قِندِشِ ثٍرٍ سِ شَ دِ نَن نَ، ثٍرٍ سِ قِندِشِ يُدَ شَ دِ نَن نَ،

³⁴يُدَ قِندِشِ يَشُبَ شَ دِ نَن نَ، يَشُبَ قِندِشِ عِسِيَفَ شَ دِ نَن نَ، عِسِيَفَ قِندِشِ عِبُرَهِمَ شَ دِ نَن نَ، عِبُرَهِمَ قِندِشِ تٍرَ شَ دِ نَن نَ، تٍرَ قِندِشِ نَشٌرِ شَ دِ نَن نَ،

³⁵نَشٌرِ قِندِشِ سٍرُفُ شَ دِ نَن نَ، سٍرُفُ قِندِشِ رٍوُ شَ دِ نَن نَ، رٍوُ قِندِشِ ثٍلٍفِ شَ دِ نَن نَ، ثٍلٍفِ قِندِشِ عٍبٍرِ شَ دِ نَن نَ، عٍبٍرِ قِندِشِ سٍلَهَ شَ دِ نَن نَ،

³⁶سٍلَهَ قِندِشِ كَيِنَن شَ دِ نَن نَ، كَيِنَن قِندِشِ عَرَقَشَدِ شَ دِ نَن نَ، عَرَقَشَدِ قِندِشِ سٍمِ شَ دِ نَن نَ، سٍمِ قِندِشِ نُهَ شَ دِ نَن نَ، نُهَ قِندِشِ لٍمٍكِ شَ دِ نَن نَ،