لُكِ 22:8-67

⁸عِسَ نَشَ ثِيّرِ نُن يَيَ يَمَرِ عَ قَلَقٍ رَ، «وٌ شَ سِفَ سَيَمَلٍكّ دَنفِ سَلِ يِرٍ رَقَلَ وٌن بّ، عَلَكٌ وٌن بِرِن شَ سَيَمَلٍكّ دَنفِ سَلِ دٌنيِ دٌن.»

⁹عٍ نَشَ عَ مَشْرِن، «عِ وَ مَ مُشُ شَ سَ عَ رَقَلَ مِندٍن؟»

¹⁰عَ نَشَ عَ مَسٍن عٍ بّ، «وٌ نُ سٌ تَا كُي، وٌ نُن شّمّ ندٍ نَرَلَنمَ، يٍ قّحّ دْشْشِ عَ شُن مَ. وٌ شَ بِرَ عَ قْشْ رَ هَن عَ سَ سٌمَ بَنشِ نَشَن كُي.

¹¹وٌ شَ عَ قَلَ نَ بَنشِ كَنيِ بّ، ‹كَرَ مْشْ وَ مَ عَ كٌلٌنقٍ عَ نْمَ سَيَمَلٍكّ دَنفِ سَلِ دٌنيِ دٌندٍ دّننَشّ، عَ تَن نُن عَ قْشِرَبِرّيٍ.›

¹²عَ قَمَ بَنشِ كُي شُنفبٍ مَسٍندٍ وٌ بّ كٌورٍ رَ، نَ سٍ بِرِن يَءِلَنشِ عَ قَنيِ رَ. وٌ شَ سَيَمَلٍكّ دَنفِ سَلِ دٌنيِ رَقَلَ مّننِ.»

¹³عٍ نَشَ سِفَ، عٍ سَ قٍ بِرِن لِ عَلْ عِسَ عَ مَسٍن عٍ بّ كِ نَشّ. عٍ نَشَ سَيَمَلٍكّ دَنفِ سَلِ دٌنيِ رَقَلَ.

¹⁴وَشَتِ تٌ عَ لِ، عِسَ نَشَ عَ مَفٌرٌ عَ شَ عَ دّفٍ عٍ نُن عَ شَ شّيرَ قُ نُن قِرِنيِيٍ.

¹⁵عَ نَشَ عَ مَسٍن عٍ بّ، «كَبِ تّمُي دَنفِشِ، عَ شْلِ ﭑ مَ كِ قَنيِ وٌن شَ يِ سَيَمَلٍكّ دَنفِ سَلِ دٌنيِ دٌن يِرٍ كٍرٍن بٍينُن ﭑ شَ حَشَنكَتّ سْتْ.

¹⁶بَرِ مَ ﭑ شَ عَ قَلَ وٌ بّ، يِ نَ دَنفِ، ﭑ مُ عَ دٌنمَ سْنْن قٌ عَ كَمَلِ عَلَ شْنيِ عَرِيَننَ.»

¹⁷عَ تٌ تْنبِلِ ندٍ تٌنفٌ، عَ نَشَ تَنتُي رَ سِفَ عَلَ مَ، عَ قَ عَ مَسٍن، «وٌ شَ يِ تْنبِلِ تٌنفٌ، وٌ بِرِن شَ عَ مِن.

¹⁸ﭑ شَ عَ قَلَ وٌ بّ، ﭑ مُ يِ وّنِ مِنمَ قٌ عَلَ شَ مَنفّيَ نِينِ نَ قَ تّمُي نَشّ.»

¹⁹نَ دَنفِ شَنبِ عِسَ نَشَ تَامِ تٌنفٌ. عَ تٌ تَنتُي رَ سِفَ عَلَ مَ، عَ نَشَ تَامِ عِفِرَ، عَ عَ سٌ عَ قْشِرَبِرّيٍ يِ رَ عَ قَلَقٍ رَ، «وٌ ﭑ كٌ، وٌ عَ دٌن. يِ قِندِشِ ﭑ قَتٍ نَن نَ، نَشَن قِشِ وٌ بّ. وٌ شَ رَتُ ﭑ مَ قٍ مَ يِ سَابُي رَ.»

²⁰نَ مْولِ مَن نَ، عٍ تٌ فّ عٍ دّفٍدٍ، عِسَ نَشَ تْنبِلِ قَن تٌنفٌ، عَ عَ مَسٍن، «ﭑ وُلِ نَن يَ، سَاتّ نّينّ وُلِ نَشَن بَشِ مِشِ فبٍفبٍ بّ.

²¹كْنْ ﭑ شَ عَ قَلَ وٌ بّ، يَنقَنتٍ نَشَن ﭑ سَمَ مِشِيٍ بّلّشّ، عَ مَفٌرٌشِ يِ تٍيبِلِ رَ.

²²عَدَ مَ شَ دِ سِفَمَ عَلْ عَلَ عَ رَفِرِشِ كِ نَشّ، كْنْ فبَلٌي نَ شّمّ بّ نَشَن عَدَ مَ شَ دِ يَنقَمَ.»

²³عٍ قَن نَشَ سٌ عٍ بٌرٍ مَشْرِنقٍ، «ندٍ نْمَ نَ مْولِ رَبَدٍ وٌن يَ مَ؟»

²⁴وْيّنيِ نَشَ مِنِ عِسَ قْشِرَبِرّيٍ تَفِ عٍ شَ عَ كٌلٌن نَشَن تِدٍ فبٌ عٍ يَ مَ.

²⁵عِسَ نَشَ عَ مَسٍن عٍ بّ، «حَمَنّ مَنفّيٍ مِشِيٍ يَمَرِ مَ عَ شْرْشْي رَ. عٍ تَن نَشٍيٍ عٍ سّنبّ رَ مِنِمَ مِشِيٍ مَ، عٍ ‹قٍ قَنيِ رَبَيٍ› شِلِ نَن نَتٍمَ عٍ يّتّ شُن.

²⁶كْنْ وٌ تَن نَشَ لُ نَ كِ. نَشَن تِدٍ فبٌ وٌ يَ مَ، عَ شَ لُ عَلْ وٌ بِرِن شُنيَ. يَرٍرَتِ مَن شَ لُ عَلْ بِرِن مَ وَلِكّ.

²⁷ندٍ تِدٍ فبٌ، نَشَن عَ مَفٌرٌشِ عَ شَ عَ دّفٍ، كَ نَشَن دٌنيِ رَدَنفِمَ عَ مَ؟ نَشَن مَفٌرٌشِ عَ دّفٍدٍ، نَ نَن تِدٍ فبٌ، كْنْ ﭑ تَن نَ وٌ يَ مَ عَلْ مِشِ نَشَن وَلِمَ وٌ بّ.»

²⁸«وٌ تَن نَن قِندِشِ ﭑ قْشِرَبِرّيٍ رَ نَشٍيٍ مُ نُ كٍلِ ﭑ شُن ﭑ مَ تْورّ كُي.

²⁹ﭑ قَن بَرَ مَنفّيَ قِ وٌ مَ، عَلْ ﭑ بَبَ عَلَ عَ قِشِ ﭑ مَ كِ نَشّ.

³⁰نَ كُي، وٌن بِرِن وٌن دّفٍمَ نّ ﭑ شْنيِ ﭑ مَ مَنفّيَ كُي، وٌ مَن وٌ مَفٌرٌ مَ نّ كِبَنيِيٍ مَ، وٌ عِسِرَيِلَ بْنسْي قُ نُن قِرِن مَكِيتِ.»

³¹«سِمْن، سِمْن، عَ كٌلٌن سٍنتَنّ بَرَ عَلَ مَشْرِن وٌ تَن شَ سَ عَ بّلّشّ، عَ شَ وٌ عِقٍ عَلْ مَالٍ عِقٍمَ كِ نَشّ.

³²كْنْ ﭑ بَرَ عَلَ مَشَندِ عِ بّ، عَلَكٌ دَنشَنِيَ نَشَ فّ بَدٍ عِ يِ. عِ نَ فبِلٍن ﭑ مَ، عِ شَ عِ نفَشَكٍرٍنيِيٍ رَلِمَنِيَ.»

³³ثِيّرِ نَشَ عَ قَلَ عَ بّ، «شَ وٌن بِرِن نَن عَ رَ، ﭑ تِنشِ، هَلِ عَ قِندِ فٍيلِ رَ، هَلِ عَ قِندِ قَشّ رَ!»

³⁴عِسَ نَشَ عَ مَسٍن، «ثِيّرِ، ﭑ شَ عَ قَلَ عِ بّ، بٍينُن كٌنكٌرٍ شَ عَ رَتٍ، عِ عَ قَلَمَ نّ دْشْ سَشَن، عَ عِ مُ ﭑ كٌلٌن.»

³⁵عِسَ مَن نَشَ عَ مَسٍن عَ قْشِرَبِرّيٍ بّ، «ﭑ تٌ وٌ شّي كْبِرِ، فبْنقْي، نُن سَنكِرِ مُ وٌ شُن، وٌ تْورْ نّ؟» عٍ نَشَ عَ يَابِ، «عَدٍ.»

³⁶عَ مَن نَشَ عَ مَسٍن عٍ بّ، «كْنْ يَكْسِ تَن، شَ كْبِرِ نُن فبْنقْي نَ نَشَن يِ، عَ شَ عٍ تٌنفٌ. شَ سَنتِدّفّمَ مُ نَ نَشَن يِ رَ، عَ شَ عَ شَ شِنبٍلِ دٌنمَ مَتِ، عَ سَنتِدّفّمَ سَرَ،

³⁷بَرِ مَ ﭑ شَ عَ قَلَ وٌ بّ، يِ مَسٍنيِ نَشَن سّبّشِ كِتَابُي كُي، قٌ عَ شَ ﭑ لِ، ‹عَ حَشَنكَتّ نَن سْتْمَ قٍ كٌبِ رَبَيٍ يَ مَ.› نَشَن نَفِرِشِ ﭑ مَ، نَ ﭑ لِمَ نّ. نَشَن سّبّشِ، نَ قَمَ نّ كَمَلِدٍ.»

³⁸عَ قْشِرَبِرّيٍ نَشَ عَ مَسٍن، «مَرِفِ، عَ مَتٌ، سَنتِدّفّمَ قِرِن نَن يَ.» عَ نَشَ عٍ يَابِ، «نَ بَرَ وَ سَكّ.»

³⁹عِسَ تٌ مِنِ، عَ نَشَ سِفَ عٌلِوِ فٍيَ مَ عَلْ عَ نُ دَرِشِ عَ رَ كِ نَشّ، عَ قْشِرَبِرّيٍ قَن نَشَ عَ مَتِ.

⁴⁰عٍ تٌ مّننِ لِ، عِسَ نَشَ عَ قَلَ عٍ بّ، «وٌ عَلَ مَشَندِ نّ، وٌ نَشَ قَ بِرَ تَنتَنيِ كُي.»

⁴¹عَ نَشَ عَ ندٍدِ مَسِفَ عٍ رَ، عَ عَ شِنبِ سِن، عَ عَلَ مَشَندِ،

⁴²«ﭑ بَبَ، شَ عِ سَفٌ نَ عَ رَ، عِ شَ ﭑ نَتَنفَ يِ حَشَنكَتّ مَ. كْنْ ﭑ سَفٌ نَشَ رَبَ، عِ تَن نَن سَفٌ شَ رَبَ.»

⁴³نَ تّمُي مَلٍكّ ندٍ نَشَ مِنِ عَ مَ كٍلِ كٌورٍ، عَ عَ سّنبّ سٌ.

⁴⁴عِسَ بْحّ تٌ نُ حَشَنكَتَقٍ، عَ نَشَ عَ شَ عَلَ مَشَندِقٍ سّنبّ شُن مَسَ. عَ يِلٍنقُرٍ نَشَ سِلْن بْشِ عَلْ وُلِ.

⁴⁵عَ تٌ كٍلِ عَلَ مَشَندِدٍ، عَ نَشَ فبِلٍن عَ قْشِرَبِرّيٍ يِرٍ، عَ نَشَ عٍ لِ عٍ نَ شِقٍ نِمِسّ شَ قٍ رَ.

⁴⁶عَ نَشَ عٍ مَشْرِن، «وٌ شِقٍ مُنقٍ رَ؟ وٌ كٍلِ، وٌ عَلَ مَشَندِ، عَلَكٌ وٌ نَشَ بِرَ تَنتَنيِ كُي.»

⁴⁷عِسَ حَن مُ نُ فّشِ وْيّندٍ، مِشِ فَلِ نَشَ عَ يِرٍ لِ. يُدَ سِ، نَشَن نُ نَ عِسَ قْشِرَبِرّ قُ نُن قِرِنيِيٍ يَ مَ، عَ تَن نَن نُ تِشِ عٍ يَ رَ. عَ نَشَ عَ مَسٌ عِسَ رَ، عَ شَ عَ سُنبُ.

⁴⁸عِسَ نَشَ عَ مَسٍن عَ بّ، «يُدَ سِ، عِ عَدَ مَ شَ دِ يَنقَمَ سُنبُي نَن نَ؟»

⁴⁹نَشٍيٍ نُ نَ عِسَ قْشْ رَ، عٍ تٌ عَ تٌ نَشَن قَقٍ رَبَدٍ، عٍ نَشَ عَ مَشْرِن، «مَرِفِ، مُشُ شَ فٍرٍ سٌ سَنتِدّفّمَ رَ؟»

⁵⁰عَ قْشِرَبِرّ ندٍ نَشَ سّرّشّدُبّ كُنتِفِ شَ كٌنيِ يِرٍقَنيِ تُلِ بٌلٌن.

⁵¹كْنْ عِسَ نَشَ عَ قَلَ، «وٌ عَ لُ!» عَ نَشَ قَ عَ بّلّشّ سَ نَ شّمّ تُلِ مَ، عَ عَ رَيَلَن.

⁵²نَ تّمُي، عِسَ نَشَ وْيّن سّرّشّدُبّ كُنتِفِيٍ، هْرْ مْلِنفِرَ كْسِبِلِ مَنفّيٍ، نُن قٌرِيٍ بّ نَشٍيٍ نُ قَشِ عَ شِلِ مَ. عَ نَشَ عَ قَلَ عٍ بّ، «وٌ تٌ مِنِشِ ﭑ شِلِ مَ سَنتِدّفّمَ نُن فبٍنفبٍتَ سُشُشِ وٌ يِ رَ، سُوتٍ نَن ﭑ نَ؟

⁵³لْشْ يٌ لْشْ ﭑ نُ نَ وٌ يَ مَ هْرْ مْبَنشِ كُي، وٌ مُ ﭑ سُشُ. كْنْ يِ وَشَتِ تَن قِندِشِ وٌ فبٍ نُن دِ مِ نْي كَنيِ فبٍ نَن نَ.»

⁵⁴عٍ تٌ عِسَ سُشُ، عٍ نَشَ عَ شَنِن سّرّشّدُبّ كُنتِفِيٍ شُنيِ شْنيِ. ثِيّرِ قَن نَشَ بِرَ عٍ قْشْ رَ، كْنْ عَ مُ نُ عَ مَكْرّ مَ عَ فبٍ رَ.

⁵⁵عٍ تٌ سٌ، عٍ نَشَ تّ شُرُ تَندٍ، عٍ بِرِن دْشْ مّننِ، سّرّشّدُبّ كُنتِفِ شَ تّتّ كُي. ثِيّرِ قَن نُ دْشْشِ عٍ يَ مَ.

⁵⁶كٌنيِ فِنّ ندٍ تٌ ثِيّرِ تٌ تّ قّ مَ، عَ نَشَ عَ يَ تِ عَ رَ، عَ قَ عَ قَلَ، «عِسَ نُن يِ شّمّ نَن نُ عَ رَ.»

⁵⁷كْنْ ثِيّرِ نَشَ عَ مَتَندِ، عَ عَ قَلَ، «ﭑ تَن مُ نَ شّمّ كٌلٌن قٍوٌ!»

⁵⁸عَ مُ بُ، مِشِ فبّتّ قَن نَشَ ثِيّرِ تٌ، عَ عَ قَلَ عَ بّ، «عِ قَن قِندِشِ عَ شَ مِشِ ندٍ نَن نَ.» ثِيّرِ نَشَ عَ يَابِ، «عَدٍ، ﭑ تَن مُ نَ كِ!»

⁵⁹وَشَتِ كٍرٍن تٌ دَنفِ، مِشِ فبّتّ نَشَ عَ مَشْرْشْ، عَ عَ قَلَ، «يِ مِشِ نُن عِسَ نَن نُ عَ رَ، بَرِ مَ فَلِلٍكَ نَن عَ رَ.»

⁶⁰ثِيّرِ نَشَ عَ يَابِ، «ﭑ تَن مُ عَ كٌلٌن عِ نَ قٍقٍ قَلَقٍ!» عَ حَن مُ نُ فّشِ وْيّندٍ، كٌنكٌرٍ نَشَ عَ رَتٍ كٍرٍن نَ.

⁶¹نَ تّمُي، مَرِفِ نَشَ عَ مَقِندِ، عَ عَ يَ تِ ثِيّرِ رَ. ثِيّرِ قَن نَشَ رَتُ مَرِفِ شَ مَسٍنيِ مَ، عَ تٌ عَ قَلَ عَ بّ، «بٍيمَنُن كٌنكٌرٍ شَ عَ رَتٍ تٌ، عِ عِ يّتّ رَ سَنمَ نّ ﭑ مَ دْشْ سَشَن.»

⁶²ثِيّرِ نَشَ مِنِ، عَ وَ عَ شْرْشْي رَ سُننُنيِ كُي.

⁶³شّمّ نَشٍيٍ نُ عِسَ سُشُشِ، عٍ نَشَ عَ رَ سْتْ، عٍ نَشَ عَ بْنبْ.

⁶⁴عٍ نَشَ عَ يَ مَشِرِ، عٍ نُ قَ عَ قَلَ، «نَمِحْنمّحَ رَبَ! عَ قَلَ بَ، نَشَن عِ بْنبْشِ!»

⁶⁵عٍ مَن نَشَ كٌنبِ مْولِ بِرِن سَ عَ قَرِ.

⁶⁶كُيٍ تٌ عِبَ، يُوِقِيٍ شَ قٌرِيٍ، سّرّشّدُبّ كُنتِفِيٍ، نُن سّرِيّ كَرَ مْشْيٍ نَشَ سَنٍدٍرّن مَلَنيِ رَبَ عِسَ مَكِيتِقٍ رَ. عٍ تٌ قَ عِسَ رَ،

⁶⁷عٍ نَشَ عَ مَشْرِن، «شَ عِ قِندِشِ عَلَ شَ مِشِ سُفَندِشِ نَن نَ، عَ قَلَ مُشُ بّ.» عِسَ نَشَ عَ مَسٍن عٍ بّ، «ﭑ نَ عَ قَلَ وٌ بّ، وٌ مُ لَمَ عَ رَ.