لُكِ 16:8-18

⁸نَ كُي، نَ وَلِكّ شُنمَتِ تِنشِنتَرٍ شَ مَنفّ نَشَ عَ مَتْشْ، عَ تٌ كْوتَ رَبَشِ.» «يِ دُنِحَ مِشِ نَشٍيٍ حّرّ مَ دِ مِ كُي، عٍ كْوتَ عٍ بٌورٍيٍ مَبِرِ، دَنفِقٍ مِشِيٍ رَ نَشٍيٍ حّرّ مَ نَءِيَلَنيِ كُي.

⁹ﭑ شَ عَ قَلَ وٌ بّ، وٌ شَ دّقَنحَ قٍن يِ دُنِحَ تِنشِنتَرٍ شَ نَاقُلِ سَابُي رَ. نَ نَاقُلِ نَ حْن، وٌ قَمَ رَ سّنّدٍ بَنشِيٍ كُي نَشٍيٍ مُ كَنَمَ عَبَدَن.»

¹⁰«نَشَن مُ لَنلَنتٍيَ كَنَمَ قٍ شُرُدِ كُي، عَ مُ لَنلَنتٍيَ كَنَمَ قٍ شُنفبٍ قَن كُي. نَشَن مُ تِنشِن قٍ شُرُدِ كُي، عَ مُ تِنشِنمَ قٍ شُنفبٍ قَن كُي.

¹¹شَ وٌ بَرَ لَنلَنتٍيَ كَنَ يِ دُنِحَ تِنشِنتَرٍ شَ نَاقُلِ قٍ كُي، ندٍ قَ لَمَ وٌ رَ عَ شَ عَرِيَننَ بَننَيَ تَشُ وٌ رَ؟

¹²شَ وٌ بَرَ لَنلَنتٍيَ كَنَ سٍ تَشُشِ شَ قٍ كُي، ندٍ قَ وٌ فبٍ سٌمَ وٌ يِ؟»

¹³«كٌنيِ يٌ مُ نْمَ لُدٍ مَرِفِ قِرِن شَ يَامَرِ بُن مَ، بَرِ مَ عَ قَمَ مَرِفِ كٍرٍن شْندٍ، عَ بٌورٍ مَشَنُ. عَ شِرِ مَ نّ كٍرٍن نَ، عَ بٌورٍ رَبٌلٌ. وٌ مُ نْمَ عَلَ نُن نَاقُلِ رَبَتُدٍ.»

¹⁴قَرِ سّنِيٍ، كْبِرِ نُ رَقَنشِ نَشٍيٍ مَ، عٍ قَن نَشَ عٍ تُلِ مَتِ نَ قٍ بِرِن نَ، عٍ نُ عِسَ مَيٍلٍ.

¹⁵عِسَ نَشَ عَ مَسٍن عٍ بّ، «وٌ وَ مَ وٌ يّتّ مَسٍنقٍ تِنشِنتْييٍ نَن نَ عَدَ مَدِيٍ يَ عِ، كْنْ عَلَ وٌ بْحّ مَ قٍ كٌلٌن. نَشَن تِدٍ فبٌ مِشِيٍ بّ، عَلَ نَ شْنشِ.»

¹⁶«عَننَبِ مُنسَ شَ سّرِيّ نُن نَمِحْنمّيٍ شَ كِتَابُييٍ نَن كَوَندِ هَن يَيَ شَ وَشَتِ. كٍلِ نَ تّمُي مَ، عَلَ شَ مَنفّيَ نِينِ شَ شِبَارُ قَنيِ نَن كَوَندِ مَ قَ، مِشِيٍ قٍ بِرِن نَن نَبَقٍ، عَلَكٌ عٍ شَ سٌ عَلَ شَ مَنفّيَ نِينِ بُن مَ.

¹⁷كٌورٍ نُن بْشِ لْيمَ نّ بٍينُن سِفِرّ كٍرٍن شَ بَ عَلَ شَ سّرِيّ رَ.»

¹⁸«شّمّ يٌ مّي عَ شَ فِنّ رَ، عَ سَ فبّتّ دْشْ، عَ كَنيِ بَرَ يّنّ رَبَ. نَشَن نَ فِنّ دْشْ شّمّ بَرَ مّي نَشَن نَ، عَ قَن بَرَ يّنّ رَبَ.»