لُكِ 10:34-41

³⁴عَ تٌ عَ مَسٌ عَ رَ، عَ نَشَ تُرٍ نُن وّنِ سَ عَ شَ قِيٍ مَ، عَ عٍ مَشِرِ. عَ نَشَ عَ تٌنفٌ، عَ عَ سَ عَ شَ سٌقَلٍ قَرِ. عَ نَشَ عَ شَنِن يِفِيَ بَنشِ ندٍ كُي، عَ مّينِ عَ مَ.

³⁵نَ كُيٍ عِبَ، عَ نَشَ فبٍتِ كْبِرِ كٌلٍ قِرِن سٌ نَ يِفِيَ بَنشِ كَنيِ يِ رَ، عَ عَ قَلَ عَ بّ، ‹مّينِ يِ شّمّ مَ. شَ عِ كْبِرِ بَ عَ شَ قٍ رَ دَنفِ يِ رَ، ﭑ مَن نّ دَنفِمَ بٍ ﭑ نَ كْبِرِ رَفبِلٍنمَ عِ مَ.›»

³⁶عِسَ نَشَ قَ سّرِيّ لْننِلَ مَشْرِن، «يِ مِشِ سَشَنيِ يَ مَ، ندٍ قِندِشِ نفَشَكٍرٍنيِ رَ نَ شّمّ بّ مُحّتِيٍ دُتُن نَشَن مَ؟»

³⁷سّرِيّ لْننِلَ نَشَ عَ يَابِ، «نَشَن كِنِكِنِ عَ مَ.» عِسَ نَشَ عَ مَسٍن عَ بّ، «عِ قَن شَ نَ مْولِ نَن نَبَ.»

³⁸عِسَ نُن عَ قْشِرَبِرّيٍ تٌ سٌ تَا ندٍ كُي، فِنّ ندٍ نَشَ عٍ يِفِيَ نَشَن شِلِ مَرَتَ.

³⁹عَ شُنيَ فِنّمَ قَن نُ نَ نَشَن نُ شِلِ مَرِيَمَ. نَ نَشَ سَ دْشْ مَرِفِ سّيتِ مَ، عَ عَ تُلِ مَتِ عَ شَ مَسٍنيِ رَ،

⁴⁰كْنْ مَرَتَ تَن يَ كٌتٌ نُ مْشِ عَ شَ شْحّيٍ بُن تِقٍ رَ. نَ كُي، مَرَتَ نَشَ سَ عَ قَلَ عِسَ بّ، «مَرِفِ، عِ مُ ﭑ شُنيَ تٌشِ؟ عَ بَرَ وَلِ بِرِن لُ ﭑ تَن كٍرٍن مَ. وْيّن عَ بّ، عَ شَ قَ ﭑ مَلِ.»

⁴¹مَرِفِ نَشَ عَ يَابِ، «مَرَتَ، مَرَتَ، عِ كْنتْقِلِشِ، عِ مَن يَ كٌتٌ مْشِ قٍ فبٍفبٍ مَ،