لٍوِ سّرّشّدُبّ 4:2-22

²«عَ قَلَ عِسِرَيِلَكَيٍ بّ، شَ مِشِ ندٍ سَ يُنُبِ رَبَ، كْنْ عَ مُ كٍلِ عَ حَنِفٍ مَ، عَ شَ بِرَ يِ سّرِيّ قْشْ رَ.

³شَ سّرّشّدُبّ كُنتِفِ سَ عَلَ شَ يَامَرِ ندٍ مَتَندِ، نَ قَ قِندِ يُنُبِ رَ حَمَ بّ، عَ لَنمَ عَ شَ تُورَ بَ سّرّشّ رَ ﭑ تَن عَلَتَلَ بّ، لَنيُرُ مُ نَ نَشَن مَ، عَلَكٌ نَ شَ قِندِ يُنُبِ شَقَرِ سّرّشّ رَ عَ بّ.

⁴عَ شَ تُورَ شَنِن ﭑ تَن عَلَ شَ هْرْ مْلِنفِرَ سٌدٍ دّ رَ ﭑ يَ عِ، عَ عَ بّلّشّ سَ عَ شُن تَفِ، عَ قَ عَ كْن نَشَبَ ﭑ تَن عَلَتَلَ يَ عِ.

⁵سّرّشّدُبّ كُنتِفِ شَ نَ تُورَ وُلِ شَنِن ﭑ مَ هْرْ مْلِنفِرَ كُي،

⁶عَ عَ بّلّشّسٌلٍ رَفٌرٌ نَ وُلِ شْورَ، عَ عَ كَسَن سَنيَ سٌلٌقٍرٍ دُفِ يَ رَ نَشَن فبَكُشِ يِرٍ سّنِيّنشِ مَ ﭑ تَن عَلَتَلَ يَ عِ.

⁷سّرّشّدُبّ شَ وُلِ ندٍ سَ قٍرِيٍ مَ نَشٍيٍ نَ سُرَيِ سّرّشّبَدٍ تُنشُنيِ نَانِ رَ، نَشَن نَ ﭑ تَن عَلَتَلَ يَ عِ ﭑ مَ هْرْ مْلِنفِرَ كُي. وُلِ نَشَن لُشِ، عَ شَ نَ عِقِلِ سّرّشّ فَن دَاشِ سّرّشّبَدٍ لَنبَنيِ مَ، نَشَن نَ ﭑ تَن عَلَتَلَ شَ هْرْ مْلِنفِرَ سٌدٍ دّ رَ.

⁸عَ شَ تُرٍ بِرِن بَ تُورَ مَ نَشَن قِندِشِ يُنُبِ شَقَرِ سّرّشّ رَ، تُرٍ نَشَن نَ عَ قُرِنفّ سّيتِ مَ،

⁹عَ فُنفُي قِرِنيِ، عٍ تُرٍ، نُن لَارٍ نَشَن نَ عَ بْحّ مَ.

¹⁰عَ شَ نَ رَبَ عَلْ شَنُنتٍيَ سّرّشّ رَبَمَ كِ نَشّ. سّرّشّدُبّ شَ نَ فَن سّرّشّ فَن دَاشِ سّرّشّبَدٍ قَرِ.

¹¹كْنْ تُورَ كِرِ، عَ سُبٍ، عَ شُنيِ، عَ سَنيِيٍ، عَ قُرِنفّ، نُن عَ حَحّ،

¹²نَ تُورَ دْنشْي بِرِن شَ شَنِن حَمَ يٌنكِندٍ قَرِ مَ، يِرٍ سّنِيّنشِ، تّ شُبٍ وْلّمَ دّننَشّ. مّننِ عَ شَ فَن تّ رَ نَ تّ شُبٍ قَرِ.»

¹³«شَ عِسِرَيِلَ حَمَ بِرِن نَن سَ ﭑ تَن عَلَ شَ يَامَرِ ندٍ مَتَندِشِ، كْنْ نَ مُ كٍلِ عٍ حَنِفٍ مَ، نَ قِندِ مَ يُنُبِ رَ عٍ بّ.

¹⁴عٍ نَ قَهَامُي سْتْ نَ مَ تّمُي نَشّ، حَمَ شَ تُورَ يْرّ بَ سّرّشّ رَ ﭑ تَن عَلَتَلَ بّ هْرْ مْلِنفِرَ سٌدٍ دّ رَ نَشَن قِندِ مَ يُنُبِ شَقَرِ سّرّشّ رَ عٍ بّ.

¹⁵حَمَ قٌرِيٍ شَ عٍ بّلّشّ سَ تُورَ شُن تَفِ ﭑ تَن عَلَتَلَ يَ عِ، عٍ عَ كْن نَشَبَ.

¹⁶سّرّشّدُبّ كُنتِفِ شَ نَ تُورَ وُلِ شَنِن ﭑ تَن عَلَ شَ هْرْ مْلِنفِرَ كُي،

¹⁷عَ عَ بّلّشّسٌلٍ رَفٌرٌ نَ وُلِ شْورَ، عَ عَ كَسَن سَنيَ سٌلٌقٍرٍ دُفِ يَ رَ نَشَن فبَكُشِ يِرٍ سّنِيّنشِ مَ ﭑ تَن عَلَتَلَ يَ عِ.

¹⁸سّرّشّدُبّ شَ وُلِ ندٍ سَ قٍرِيٍ مَ نَشٍيٍ نُ نَ سّرّشّبَدٍ تُنشُنيِ نَانِ رَ، نَشَن نَ ﭑ تَن عَلَتَلَ يَ عِ ﭑ مَ هْرْ مْلِنفِرَ كُي. وُلِ نَشَن لُشِ، عَ شَ نَ عِقِلِ سّرّشّ فَن دَاشِ سّرّشّبَدٍ لَنبَنيِ مَ، نَشَن نَ ﭑ مَ هْرْ مْلِنفِرَ سٌدٍ دّ رَ.

¹⁹عَ شَ تُرٍ بِرِن بَ تُورَ مَ، عَ نَ فَن سّرّشّبَدٍ قَرِ.

²⁰عَ شَ يِ تُورَ بَ سّرّشّ رَ عَلْ نَشَن بَمَ يُنُبِ شَقَرِ سّرّشّ رَ. عٍ بَ كِ بِرِن كٍرٍن. نَ كُي، سّرّشّدُبّ سّرّشّ بَمَ نَشَن قِندِ مَ عٍ شُنسَرٍ رَ، عَلَكٌ عٍ شَ يُنُبِيٍ شَ شَقَرِ.

²¹عَ شَ نَ تُورَ شَنِن حَمَ يٌنكِندٍ قَرِ مَ، عَ شَ عَ فَن عَلْ بٌورٍ تُورَ فَنمَ كِ نَشّ. نَ قِندِ مَ يُنُبِ شَقَرِ سّرّشّ نَن نَ حَمَ بّ.»

²²«شَ مَنفّ ندٍ عَ مَرِفِ عَلَتَلَ شَ يَامَرِ ندٍ مَتَندِ، كْنْ نَ مُ كٍلِ عَ حَنِفٍ مَ، نَ قِندِ مَ يُنُبِ رَ عَ بّ.