لٍوِ سّرّشّدُبّ 3:2-13

²عَ شَ عَ بّلّشّ سَ نَ شُرُ سٍ شُن تَفِ ﭑ تَن عَلَ شَ هْرْ مْلِنفِرَ سٌدٍ دّ رَ، عَ عَ كْن نَشَبَ. هَرُنَ شَ دِ سّرّشّدُبّيٍ شَ نَ شُرُ سٍ وُلِ كَسَن سّرّشّبَدٍ سّيتِيٍ مَ.

³شَنُنتٍيَ سّرّشّ كُي، عَ لَنمَ تُرٍ نَشَن نَ قُرِنفّ سّيتِ مَ، عَ شَ فَن تّ عِ ﭑ تَن عَلَتَلَ يَ عِ،

⁴عَ نُن عَ فُنفُي قِرِنيِ، عٍ تُرٍ، نُن لَارٍ نَشَن نَ عَ بْحّ مَ.

⁵هَرُنَ شَ دِيٍ شَ نَ بِرِن فَن سّرّشّ فَن دَاشِ شُن مَ، نَشَن نَ فَنقٍ سّرّشّبَدٍ قَرِ. عَ شَ قِندِ سٍ شِرِ حْشُنمّ رَ ﭑ تَن عَلَتَلَ بّ.»

⁶«شَ مِشِ وَ مَ شُرُ سٍ لَنمَ بَقٍ شَنُنتٍيَ سّرّشّ رَ ﭑ تَن عَلَتَلَ بّ، شُرُ سٍ شّمّمَ، شَ نَ مُ عَ رَ فِنّمَ، عَ شَ قِندِ شُرُ سٍ رَ لَنيُرُ يٌ مُ نَ نَشَن مَ.

⁷شَ مِشِ وَ مَ يّشّي بَقٍ سّرّشّ رَ، عَ شَ نَ مَسٍن ﭑ تَن عَلَتَلَ بّ.

⁸عَ شَ عَ بّلّشّ سَ عَ شُن تَفِ، عَ قَ عَ كْن نَشَبَ ﭑ تَن عَلَ شَ هْرْ مْلِنفِرَ سٌدٍ دّ رَ. هَرُنَ شَ دِ سّرّشّدُبّيٍ شَ نَ شُرُ سٍ وُلِ كَسَن سّرّشّبَدٍ سّيتِيٍ مَ.

⁹يِ شَنُنتٍيَ سّرّشّ كُي، عَ لَنمَ عَ تُرٍ، عَ شُلِ، تُرٍ نَشَن نَ قُرِنفّ سّيتِ مَ،

¹⁰عَ فُنفُي قِرِنيِ، عٍ تُرٍ، نُن لَارٍ نَشَن نَ عَ بْحّ مَ، نَ بِرِن شَ فَن تّ عِ ﭑ تَن عَلَتَلَ يَ عِ.

¹¹سّرّشّدُبّ شَ نَ فَن سّرّشّبَدٍ قَرِ. تّ شَ نَ بِرِن فَن. نَ بَرَ قِندِ سّرّشّ فَن دَاشِ رَ ﭑ تَن عَلَتَلَ بّ.»

¹²«شَ مِشِ وَ مَ سِ بَقٍ سّرّشّ رَ، عَ شَ نَ مَسٍن ﭑ تَن عَلَتَلَ بّ.

¹³عَ شَ عَ بّلّشّ سَ عَ شُن تَفِ، عَ قَ عَ كْن نَشَبَ ﭑ تَن عَلَ شَ هْرْ مْلِنفِرَ سٌدٍ دّ رَ، هَرُنَ شَ دِ سّرّشّدُبّيٍ شَ نَ شُرُ سٍ وُلِ كَسَن سّرّشّبَدٍ سّيتِيٍ مَ.