لٍوِ سّرّشّدُبّ 27:13-34

¹³شَ عَ كَنيِ وَ مَ نَ سُبٍ شُن سَرَقٍ، عَ شَ نَ سَرٍ قِ، عَ مَن شَ كْبِرِ ندٍ سَ نَ قَرِ. نَ قِندِ مَ كْبِرِ نَشَن نَ، عَ نَ سٍ سَرٍ نَن عِتَشُنمَ دْشْ سُولِ رَ، عَ قَ دْشْ كٍرٍن بَ عَ رَ، عَ نَ قِ شُنسَرٍ رَ.»

¹⁴«شَ مِشِ ندٍ عَ شَ بَنشِ قِ ﭑ تَن عَلَتَلَ مَ، سّرّشّدُبّ شَ نَ سَرٍ قَلَ بَنشِ كّحَ مَ. نَ شَ قِندِ عَ سَرٍ رَ.

¹⁵شَ عَ كَنيِ وَ مَ عَ شُن سَرَقٍ، عَ شَ نَ سَرٍ قِ، عَ مَن شَ كْبِرِ ندٍ سَ نَ قَرِ. نَ قِندِ مَ كْبِرِ نَشَن نَ، عَ نَ بَنشِ سَرٍ نَن عِتَشُنمَ دْشْ سُولِ رَ، عَ قَ دْشْ كٍرٍن بَ عَ رَ، عَ نَ قِ شُنسَرٍ رَ. نَ تّمُي بَنشِ شَ فبِلٍن عَ كَنيِ مَ.»

¹⁶«شَ مِشِ ندٍ عَ شَ شّ قِ ﭑ تَن عَلَتَلَ مَ، عَ سَرٍ قَتَنمَ سَنسِ شْرِ شَسَبِ نَن نَ نَشَن نْمَ فَرَنسَندٍ نَا. فبٍتِ كٌلٍ تٌنفٌ سُولِ شَ قِ قُندٍنيِ مَنِيّ بُسَلِ نَانِ شَسَبِ رَ.

¹⁷شَ عَ عَ شَ شّ قِ شْرّيَ حّ نَن كُي، عَ سَرٍ مُ مَسَرَ مَ.

¹⁸شَ عَ عَ شَ شّ قِ شْرّيَ حّ دَنفِ شَنبِ نّ، سّرّشّدُبّ شَ حّيٍ كْنتِ نَشٍيٍ لُشِ بٍينُ شْرّيَ حّ فبّتّ شَ قَ. عَ شَ ندٍ بَ شّ سَرٍ رَ نَ سّرِيّ كُي.

¹⁹شَ شّ كَنيِ وَ مَ عَ شَ شّ شُن سَرَقٍ، عَ شَ نَ سَرٍ قِ، عَ مَن شَ كْبِرِ ندٍ سَ نَ قَرِ. نَ قِندِ مَ كْبِرِ نَشَن نَ، عَ نَ شّ سَرٍ نَن عِتَشُنمَ دْشْ سُولِ رَ، عَ قَ دْشْ كٍرٍن بَ عَ رَ، عَ نَ قِ شُنسَرٍ رَ. نَ تّمُي شّ شَ لُ عَ يِ رَ.

²⁰شَ عَ مُ شّ شُن سَرَ، عَ قَ عَ مَتِ مِشِ فبّتّ مَ، عَ مُ نْمَ عَ شُن سَرَدٍ سْنْن.

²¹شْرّيَ حّ نَ عَ لِ، نَ شّ كَنيِ نّينّ شَ كٍلِ نَ بْشِ مَ. بْشِ بَرَ سّنِيّن، عَ بَرَ لُ عَلْ بْشِ نَشَن نَتْنشِ. عَ بَرَ قِندِ عَلَتَلَ فبٍ رَ، سّرّشّدُبّيٍ شَ نَ رَوَلِ.

²²شَ مِشِ بَرَ شّ سَرَشِ قِ عَلَتَلَ مَ، نَشَن مُ نَ عَ شَبِلّ كّ يَ مَ،

²³سّرّشّدُبّ شَ عَ سَرٍ قَلَ عَ سّرِيّ كِ مَ. عَ نَ كٌلٌنمَ حّ شَسَبِ نَن مَ نَشٍيٍ لُشِ بٍينُ شْرّيَ حّ شَ عَ لِ. نَ كَنيِ شَ عَ سَرٍ قِ نَ لْشْي يَتِ، بَرِ مَ عَ سّنِيّن ﭑ تَن عَلَتَلَ بّ.

²⁴شْرّيَ حّ نَ عَ لِ، نَ شّ فبِلٍنمَ نَ شّ كَنيِ سِنفٍ نَن مَ، بٌورٍ عَ سَرَ نَشَن مَ.

²⁵نَ سَرٍيٍ بِرِن مَنِيَمَ يِرٍ سّنِيّنشِ شَ سٍ مَنِيَ كِ نَن مَ. عَ كٌلٍ كٍرٍن لَنشِ فَرَ مُ قُ نَن مَ.»

²⁶«مِشِ يٌ مُ نْمَ عَ شَ شُرُ سٍ دِ سِنفٍ قِدٍ ﭑ تَن عَلَتَلَ مَ، بَرِ مَ عَ حَن قِندِشِ ﭑ تَن عَلَتَلَ فبٍ نَن نَ. شُرُ سٍ شُنفبٍ نُن عَ لَنمَ دِ سِنفٍ بِرِن قِندِشِ ﭑ تَن نَن فبٍ رَ.

²⁷مِشِ نْمَ سُبٍ رَهَرَ مُشِ شَ دِ سِنفٍ شُن سَرَدٍ. نَ مِشِ شَ عَ سَرٍ قِ، عَ مَن شَ كْبِرِ ندٍ سَ نَ قَرِ. نَ قِندِ مَ كْبِرِ نَشَن نَ، عَ نَ سُبٍ سَرٍ نَن عِتَشُنمَ دْشْ سُولِ رَ، عَ قَ دْشْ كٍرٍن بَ عَ رَ، عَ نَ قِ عَ شُنسَرٍ رَ. شَ عَ كَنيِ مُ عَ شُن سَرَ مَ، عَ شَ عَ مَتِ عَ سَرٍ رَ.»

²⁸«كْنْ سٍ ندٍيٍ نَ مِشِ نَشٍيٍ قِمَ ﭑ تَن عَلَتَلَ مَ عَ بْحّ بِرِن نَ عٍ قِندِ ﭑ فبٍ رَ، عَدَ مَ مُ نْمَ نٍيٍ شُن سَرَدٍ سْنْن. نٍيٍ بَرَ سّنِيّن، نٍيٍ بَرَ قِندِ ﭑ تَن عَلَتَلَ فبَنسَن فبٍ رَ. نٍيٍ نْمَ قِندِدٍ مِشِ، شُرُ سٍ، شّ، شَ نَ مُ عَ رَ سٍ فبّتّ رَ.

²⁹مِشِ سٍ نَشٍيٍ قِمَ ﭑ تَن عَلَتَلَ مَ نَ مْولِ رَ، عٍ شُن مُ نْمَ سَرَدٍ، قٌ عٍ شَ قَشَ نّ.»

³⁰«بْشِ قَرِلّ بِرِن قِندِ مَ ﭑ تَن عَلَتَلَ نَن فبٍ رَ، سَنسِ شْرِ نَشَن نَمِنِمَ نُن وُرِ بِلِ نَشَن بٌفِمَ. نَ قَرِلّ بِرِن قِمَ ﭑ تَن عَلَتَلَ نَن مَ.

³¹شَ مِشِ ندٍ وَ مَ عَ شَ قَرِلّ شُن سَرَقٍ، عَ شَ عَ سَرٍ قِ، عَ مَن شَ كْبِرِ ندٍ سَ نَ قَرِ. نَ قِندِ مَ كْبِرِ نَشَن نَ، عَ نَ سٍ سَرٍ نَن عِتَشُنمَ دْشْ سُولِ رَ، عَ قَ دْشْ كٍرٍن بَ عَ رَ، عَ نَ قِ عَ شُنسَرٍ رَ.

³²شُرُ سٍ قَرِلّ بِرِن قِندِ مَ ﭑ تَن عَلَتَلَ نَن فبٍ رَ، شُرُ سٍ شُنفبٍ نُن عَ لَنمَ، شُرُ سٍ دّمَدٌنيِ نَشَن بِرِن كْنتِمَ. نَ قَرِلّ بِرِن قِمَ ﭑ تَن عَلَتَلَ نَن مَ.

³³شُرُ سٍيٍ مُ مَتٌمَ شَ عَ قَن، شَ عَ مُ قَن. شُرُ سٍ مُ نْمَ مَسَرَدٍ شُرُ سٍ فبّتّ رَ، شَ نَ مُ عَ رَ نَ قِرِنيِ بِرِن سّنِيّنمَ نّ، عٍ قِندِ ﭑ تَن عَلَتَلَ فبٍ رَ، عٍ سٍسٍ مُ نْمَ شُن سَرَدٍ سْنْن.»

³⁴عَلَتَلَ شَ يَامَرِيٍ نَن نَ كِ، عَ نَشٍيٍ سٌ عَننَبِ مُنسَ يِ رَ تُرُ سِنِنَ فٍيَ قَرِ عِسِرَيِلَكَيٍ بّ.