لٍوِ سّرّشّدُبّ 26:9-42

⁹وٌن بِرِن نَ عَ رَ. ﭑ دِ وُيَشِ قِمَ نّ وٌ مَ، ﭑ وٌ رَوُيَ. ﭑ نَن ﭑ مَ سَاتّ رَكَمَلِمَ نّ وٌ بّ.

¹⁰وٌ يَلَ مَالٍ دٌنمَ نّ هَن مَالٍ شَبَ تّمُي. وٌ عَ قٌرِ بَمَ نّ عَ سَسٍيٍ كُي عَ شَ فبٌي مَ، عَلَكٌ وٌ شَ نْ مَالٍ نّينّ رَفَتَدٍ.

¹¹ﭑ لُمَ نّ وٌ سّيتِ مَ، ﭑ مُ مّيمَ وٌ رَ.

¹²ﭑ حّرّ مَ نّ وٌ يَ مَ. وٌ مَرِفِ عَلَ نَن ﭑ نَ، وٌ قَن بَرَ قِندِ ﭑ مَ حَمَ رَ.

¹³عَلَتَلَ نَن ﭑ نَ، وٌ مَرِفِ عَلَ، نَشَن وٌ رَ مِنِ مِسِرَ بْشِ رَ عَلَكٌ وٌ نَشَ لُ عٍ يِ رَ. ﭑ بَرَ كٌنيِيَ كٌتٍ بَ وٌ شُن مَ، عَلَكٌ وٌ شَ حّرّ شُننَكٍلِ كُي.»

¹⁴«كْنْ، شَ وٌ مُ ﭑ شُي رَ مّ، شَ وٌ مُ ﭑ مَ يَامَرِيٍ بِرِن نَبَتُ،

¹⁵شَ وٌ مُ ﭑ مَ سّرِيّ سُشُ، شَ وٌ مُ بِرَ ﭑ وَشْنقٍ قْشْ رَ، شَ وٌ ﭑ مَ سَاتّ كَنَ،

¹⁶ﭑ يِ نَن نَبَمَ وٌ رَ؛ ﭑ يِهَدِ رَفٌرٌ مَ نّ وٌ مَ، ﭑ وٌ رَقُرَ مَ نّ قُرٍ حَاشِ رَ نَشَن وٌ يَيٍ كَنَمَ، نَشَن وٌ بْحّ تْورْ مَ. وٌ سَنسِ شْرِيٍ سِمَ نّ قُقَقُ، بَرِ مَ وٌ يَشُييٍ نَ بِرِن دٌنمَ نّ.

¹⁷ﭑ فبِلٍنمَ نّ وٌ قْشْ رَ. وٌ يَشُييٍ نْمَ نّ وٌ رَ، وٌ شْننَنتٍيٍ وٌ يَمَرِ مَ نّ. وٌ لُمَ فَاشُي نَن كُي، وٌ نُ وٌ فِ هَلِ مِشِ مُ نَ وٌ قْشْ رَ.»

¹⁸«كْنْ نَ بِرِن كُي، وٌ مُ قَمَ ﭑ شُي رَ مّدٍ. ﭑ وٌ حَشَنكَتَمَ هَن سَنمَيَ سٌلٌقٍرٍ وٌ شَ يُنُبِيٍ شَ قٍ رَ.

¹⁹ﭑ وٌ شَ يّتّ عِفبٌحَ كَنَمَ نّ. ﭑ كٌورٍ بَلَنمَ نّ وٌ يَ رَ هَن وٌ شَ بْشِ شْرْشْ عَلْ وُرٍ فبٍيلِ.

²⁰وٌ سّنبّ حْنمَ نّ قُقَقُ. وٌ شَ بْشِ تٌندِ مَ نّ دَشَمُي رَ مِنِدٍ، وٌ شَ سَنسِيٍ مُ بٌفِمَ سْنْن.»

²¹«شَ وٌ لُ ﭑ مَتَندِ رَ، شَ وٌ مُ ﭑ شُي رَ مّ، ﭑ وٌ حَشَنكَتَمَ هَن سَنمَيَ سٌلٌقٍرٍ وٌ شَ يُنُبِيٍ شَ قٍ رَ.

²²ﭑ بُرُنيِ سُبٍيٍ رَقَمَ نّ وٌ شِلِ مَ. عٍ وٌ شَ دِيٍ قَشَمَ نّ، عٍ وٌ شَ شُرُ سٍيٍ عِبْو، عٍ وٌ سْنتْ هَن مِشِ حْن كِرَيٍ شْن مَ.»

²³«نَ بِرِن نَبَ شَنبِ وٌ رَ، شَ وٌ مُ تِن ﭑ مَ سّرِيّ رَ، شَ وٌ لُ ﭑ مَتَندِ رَ،

²⁴ﭑ قٍ شْرْشْي رَقَمَ نّ وٌ مَ، ﭑ وٌ حَشَنكَتَ هَن سَنمَيَ سٌلٌقٍرٍ وٌ شَ يُنُبِيٍ شَ قٍ رَ.

²⁵ﭑ فٍرٍ رَكٍلِمَ نّ وٌ مَ ﭑ مَ سَاتّ كَنَشِ شَ قٍ رَ. وٌ نَ وٌ نْشُن وٌ شَ تَا مَكَنتَشِيٍ كُي، ﭑ وٌ رَقُرَ مَ نّ قُرٍ حَاشِ رَ، وٌ قَ لُ وٌ يَشُييٍ سَفٌي.

²⁶ﭑ كَامّ رَدِنمَ وٌ مَ تّمُي نَشّ، فِنّ قُ تَامِ فَنمَ نّ تَامِ فَنسٍ كٍرٍن كُي. عٍ نَ عِتَشُن عَ شُنشُرِ رَ، عٍ عَ شَنِن وٌ شْن مَ وٌ عَ دٌن، كْنْ عَ مُ وٌ وَ سَمَ.»

²⁷«نَ بِرِن نَبَ شَنبِ وٌ رَ، شَ وٌ مُ وٌ تُلِ مَتِ ﭑ نَ، شَ وٌ تٌندِ ﭑ وَشْنقٍ سُشُدٍ،

²⁸ﭑ قٍ شْرْشْي رَقَمَ نّ وٌ مَ، ﭑ وٌ حَشَنكَتَ هَن سَنمَيَ سٌلٌقٍرٍ وٌ شَ يُنُبِيٍ شَ قٍ رَ.

²⁹وٌ قَمَ وٌ شَ دِيٍ سُبٍ يَتِ دٌندٍ.

³⁰ﭑ وٌ شَ كُيٍ بَتُدٍيٍ كَنَمَ نّ نَشٍيٍ نَ فٍيَيٍ قَرِ. ﭑ وٌ شَ فّمّيٍ رَبِرَ مَ نّ، وٌ نَشٍيٍ بَتُمَ. ﭑ قُرٍيٍ مَلَنمَ نّ وٌ شَ كُيٍيٍ قَرِ. ﭑ وٌ رَبّحِنمَ نّ،

³¹ﭑ وٌ شَ تَايٍ قِندِ فبٍنفبٍرٍنيِ رَ، ﭑ وٌ شَ بَتُدٍيٍ كَنَ، ﭑ تٌندِ وٌ شَ سّرّشّيٍ سُشُدٍ سْنْن.

³²ﭑ نَ فّ وٌ شَ بْشِ كَنَدٍ، وٌ يَشُييٍ يَتِ قَمَ كَابَدٍ نَ شَ قٍ رَ.

³³ﭑ وٌ رَيٍنسٍنمَ نّ حَمَنّ فبّتّيٍ مَ، ﭑ وٌ حَشَنكَتَمَ نّ سَنتِدّفّمَ رَ. وٌ شَ بْشِ كَنَمَ نّ، مِشِ يٌ مُ لُمَ وٌ شَ تَايٍ كُي.»

³⁴«نَ وَشَتِ بُن مَ وٌ شَ بْشِ مَلَبُمَ نّ. وٌ نَ وٌ يَشُييٍ يِرٍ تّمُي نَشّ، وٌ شَ بْشِ قَنمَ نّ مَلَبُي سَابُي رَ.

³⁵وٌ شَ بْشِ مَلَبُي سْتْمَ نَ وَشَتِ نَن كُي عَ مُ نَشَن سْتْ وٌ نُ نَ مّننِ تّمُي نَشّ.

³⁶نَشٍيٍ مُ قَشَمَ نَ فٍرٍيٍ كُي، نٍيٍ لُمَ نّ فَاشُي كُي عٍ يَشُييٍ يِرٍ، هَلِ وُرِ بُرّشّ نَن دِن عٍ رَ، قٌ عٍ عٍ فِ. عٍ عٍ فِمَ نّ، عٍ بِرَ هَلِ سَنتِدّفّمَ كَنيِ يٌ مُ نَ عٍ قْشْ رَ.

³⁷عٍ بِرَ مَ نّ عٍ بٌورٍ قَرِ، عَلْ سَنتِدّفّمَ كَنيِ نَن عٍ قْشْ رَ، عَ قَ لِ مِشِ يٌ مُ نَ عٍ قْشْ رَ. وٌ مُ نْمَ تِدٍ وٌ يَشُييٍ يَ رَ.

³⁸وٌ سْنتْمَ نّ سِ فبّتّيٍ تَفِ، وٌ يَشُييٍ نْمَ نّ وٌ رَ.

³⁹نَشٍيٍ مُ قَشَمَ فٍرٍ كُي وٌ يَ مَ، نٍيٍ قَمَ نّ قَشَدٍ عٍ يَشُييٍ شَ بْشِ مَ عٍ شَ يُنُبِيٍ نُن عٍ بٍنبَيٍ شَ يُنُبِيٍ شَ قٍ رَ.»

⁴⁰«عٍ قَمَ عٍ شَ يُنُبِيٍ نُن عٍ بٍنبَيٍ شَ يُنُبِيٍ مَسٍندٍ ﭑ بّ، عَ نُن عٍ نَشَن نَبَشِ ﭑ نَ مَتَندِ كُي.

⁴¹ﭑ قَن عٍ تْورْ مَ نّ عٍ يَشُييٍ شَ بْشِ كُي، عَلَكٌ مِشِ نَشٍيٍ عٍ يّتّ قِشِ ﭑ مَ، عٍ شَ مَفٌرٌ. عٍ شَ عٍ شَ يُنُبِيٍ سَرٍ قِ.

⁴²نَ تّمُي ﭑ نَن ﭑ حْشْ سَمَ نّ ﭑ مَ سَاتّ شْن مَ نَشَن نَ ﭑ تَن، نُن يَشُبَ، عِسِيَفَ، نُن عِبُرَهِمَ تَفِ. ﭑ مُ نّيمُمَ نَ بْشِ مَ.