لٍوِ سّرّشّدُبّ 26:3-22

³«شَ وٌ ﭑ مَ سّرِيّ سُشُ، شَ وٌ ﭑ مَ يَامَرِيٍ رَبَتُ،

⁴ﭑ تُنّ رَفٌرٌ مَ نّ وٌ بّ عَ وَشَتِ، بْشِ دَشَمُي رَ مِنِمَ نّ، سَنسِيٍ بٌفِمَ نّ شّ مَ.

⁵سَنسِ بْنبْ تّمُي بُمَ نّ هَن وّنِ بٌفِ بَ تّمُي. وّنِ بٌفِ بَ تّمُي قَن بُمَ نّ هَن سَنسِ سِ تّمُي. وٌ وَ سَمَ نّ بَلٌي رَ، وٌ سَبَتِ وٌ شَ بْشِ مَ بْحّسَ كُي.

⁶ﭑ هِننّمَ وٌ رَ عَلَكٌ وٌ شَ شِ بْحّسَ كُي، عَلَكٌ بُرُنيِ سُبٍيٍ نُن فٍرٍ سٌي نَشَ وٌ تْورْ وٌ شْنيِ.

⁷وٌ نْمَ نّ وٌ يَشُييٍ رَ سَنتِدّفّمَ رَ.

⁸وٌ شَ سْورِ سُولِ قَمَ نّ وٌ يَشُي مِشِ كّمّ كٍرِدٍ. وٌ شَ سْورِ كّمّ قَمَ وٌ يَشُي مِشِ وُلُ قُ كٍرِدٍ. وٌ قَمَ نْدٍ وٌ يَشُييٍ رَ فٍرٍ كُي.

⁹وٌن بِرِن نَ عَ رَ. ﭑ دِ وُيَشِ قِمَ نّ وٌ مَ، ﭑ وٌ رَوُيَ. ﭑ نَن ﭑ مَ سَاتّ رَكَمَلِمَ نّ وٌ بّ.

¹⁰وٌ يَلَ مَالٍ دٌنمَ نّ هَن مَالٍ شَبَ تّمُي. وٌ عَ قٌرِ بَمَ نّ عَ سَسٍيٍ كُي عَ شَ فبٌي مَ، عَلَكٌ وٌ شَ نْ مَالٍ نّينّ رَفَتَدٍ.

¹¹ﭑ لُمَ نّ وٌ سّيتِ مَ، ﭑ مُ مّيمَ وٌ رَ.

¹²ﭑ حّرّ مَ نّ وٌ يَ مَ. وٌ مَرِفِ عَلَ نَن ﭑ نَ، وٌ قَن بَرَ قِندِ ﭑ مَ حَمَ رَ.

¹³عَلَتَلَ نَن ﭑ نَ، وٌ مَرِفِ عَلَ، نَشَن وٌ رَ مِنِ مِسِرَ بْشِ رَ عَلَكٌ وٌ نَشَ لُ عٍ يِ رَ. ﭑ بَرَ كٌنيِيَ كٌتٍ بَ وٌ شُن مَ، عَلَكٌ وٌ شَ حّرّ شُننَكٍلِ كُي.»

¹⁴«كْنْ، شَ وٌ مُ ﭑ شُي رَ مّ، شَ وٌ مُ ﭑ مَ يَامَرِيٍ بِرِن نَبَتُ،

¹⁵شَ وٌ مُ ﭑ مَ سّرِيّ سُشُ، شَ وٌ مُ بِرَ ﭑ وَشْنقٍ قْشْ رَ، شَ وٌ ﭑ مَ سَاتّ كَنَ،

¹⁶ﭑ يِ نَن نَبَمَ وٌ رَ؛ ﭑ يِهَدِ رَفٌرٌ مَ نّ وٌ مَ، ﭑ وٌ رَقُرَ مَ نّ قُرٍ حَاشِ رَ نَشَن وٌ يَيٍ كَنَمَ، نَشَن وٌ بْحّ تْورْ مَ. وٌ سَنسِ شْرِيٍ سِمَ نّ قُقَقُ، بَرِ مَ وٌ يَشُييٍ نَ بِرِن دٌنمَ نّ.

¹⁷ﭑ فبِلٍنمَ نّ وٌ قْشْ رَ. وٌ يَشُييٍ نْمَ نّ وٌ رَ، وٌ شْننَنتٍيٍ وٌ يَمَرِ مَ نّ. وٌ لُمَ فَاشُي نَن كُي، وٌ نُ وٌ فِ هَلِ مِشِ مُ نَ وٌ قْشْ رَ.»

¹⁸«كْنْ نَ بِرِن كُي، وٌ مُ قَمَ ﭑ شُي رَ مّدٍ. ﭑ وٌ حَشَنكَتَمَ هَن سَنمَيَ سٌلٌقٍرٍ وٌ شَ يُنُبِيٍ شَ قٍ رَ.

¹⁹ﭑ وٌ شَ يّتّ عِفبٌحَ كَنَمَ نّ. ﭑ كٌورٍ بَلَنمَ نّ وٌ يَ رَ هَن وٌ شَ بْشِ شْرْشْ عَلْ وُرٍ فبٍيلِ.

²⁰وٌ سّنبّ حْنمَ نّ قُقَقُ. وٌ شَ بْشِ تٌندِ مَ نّ دَشَمُي رَ مِنِدٍ، وٌ شَ سَنسِيٍ مُ بٌفِمَ سْنْن.»

²¹«شَ وٌ لُ ﭑ مَتَندِ رَ، شَ وٌ مُ ﭑ شُي رَ مّ، ﭑ وٌ حَشَنكَتَمَ هَن سَنمَيَ سٌلٌقٍرٍ وٌ شَ يُنُبِيٍ شَ قٍ رَ.

²²ﭑ بُرُنيِ سُبٍيٍ رَقَمَ نّ وٌ شِلِ مَ. عٍ وٌ شَ دِيٍ قَشَمَ نّ، عٍ وٌ شَ شُرُ سٍيٍ عِبْو، عٍ وٌ سْنتْ هَن مِشِ حْن كِرَيٍ شْن مَ.»