لٍوِ سّرّشّدُبّ 25:39-55

³⁹«شَ وٌ نفَشَكٍرٍنيِ ندٍ عَ يّتّ مَتِ وٌ مَ عَ شَ سٍتَرٍحَ مَ، وٌ نَشَ كٌنيِ وَلِ دْشْ عَ مَ.

⁴⁰عَ شَ لُ عَلْ وٌ شَ وَلِكّ، شَ نَ مُ عَ رَ وٌ شَ شْحّ هَن شْرّيَ حّ وَشَتِ.

⁴¹نَ تّمُي، عَ تَن نُن عَ شَ دِيٍ شَ شْرّيَ، عٍ شَ فبِلٍن عٍ شَبِلّ مَ، عٍ بٍنبَيٍ شَ بْشِ مَ،

⁴²بَرِ مَ ﭑ مَ وَلِكّيٍ نَن عِسِرَيِلَكَيٍ رَ، ﭑ نَشٍيٍ رَ مِنِشِ مِسِرَ بْشِ رَ. عَ مُ لَنمَ عٍ شَ مَتِ كٌنيِيَ رَ.

⁴³وٌ نَشَ عٍ يَمَرِ عَ حَاشِ رَ، وٌ شَ فَاشُ وٌ مَرِفِ عَلَ يَ رَ.

⁴⁴شَ وٌ وَ مَ كٌنيِيٍ شْن، وٌ شَ عٍ سَرَ سِ فبّتّيٍ تَفِ، نَشٍيٍ نَ وٌ رَبِلِنيِ. عٍ تَن نَن شَ قِندِ وٌ شَ كٌنيِيٍ رَ.

⁴⁵وٌ مَن نْمَ كٌنيِيٍ سَرَدٍ سِ فبّتّيٍ شَ مِشِيٍ يَ مَ نَشٍيٍ دْشْشِ وٌ تَفِ، عَ نُن عٍ شَبِلّيٍ مِشِ نَشٍيٍ بَرِشِ وٌ شَ بْشِ كُي. نٍيٍ نْمَ قِندِدٍ وٌ شَ كٌنيِيٍ رَ.

⁴⁶وٌ نْمَ عٍ لُدٍ وٌ شَ دِيٍ يِ رَ كّ رَ. عٍ نْمَ لُدٍ كٌنيِيَ كُي عَبَدَن، كْنْ وٌ نفَشَكٍرٍنيِ عِسِرَيِلَكَيٍ مُ نْمَ لُدٍ عٍ نفَشَكٍرٍنيِ شَ يَامَرِ شْرْشْي بُن مَ.»

⁴⁷«شَ وٌ نفَشَكٍرٍنيِ سٍتَرٍ ندٍ عَ يّتّ مَتِ شْحّ بَننَشِ مَ وٌ شَ بْشِ كُي، شَ نَ مُ عَ رَ نَ شْحّ شَبِلّ مِشِ ندٍ مَ،

⁴⁸وٌ نفَشَكٍرٍنيِ بَرِبٌورٍ ندٍ نْمَ عَ شُن سَرَدٍ.

⁴⁹عَ سْشْ، شَ نَ مُ عَ رَ عَ سْشْ شَ دِ، شَ نَ مُ عَ رَ عَ بَرِبٌورٍ ندٍ فبّتّ، نْمَ عَ شُن سَرَدٍ. شَ عَ قَن قّيرّ سْتْ، عَ نْمَ عَ يّتّ شُن سَرَدٍ.

⁵⁰عَ شَ نَ شُنسَرٍ كْنتِ سّرِيّ كِ مَ، كٍلِقٍ عَ سَرَ حّ مَ، هَن شْرّيَ حّ رَ. عَ شَ نَ حْشْي رَفبِلٍن عَ كَنيِ مَ، عَ شَ لُ عَلْ وَلِ سَرٍ.

⁵¹شَ حّ وُيَشِ لُشِ، عَ شُنسَرٍ شَ فبٌ نَ كِ عَ كَنيِ مَبِرِ.

⁵²شَ حّ وُيَشِ مُ لُشِ بٍينُ شْرّيَ حّ شَ عَ لِ، عَ شُنسَرٍ شَ لَن نَ حّ شَسَبِ مَ.

⁵³عَ نْمَ لُدٍ عَلْ وَلِكّ عَ كَنيِ شْنيِ، كْنْ عَ مُ لَنمَ عَ كَنيِ شَ عَ يَمَرِ عَ حَاشِ رَ.

⁵⁴شَ عَ مُ نْمَ عَ يّتّ شُن سَرَدٍ يِ قّيرّ مْولِ يٌ رَ، عَ تَن نُن عَ شَ دِيٍ شَ لُ عٍ كَنيِ يِ رَ هَن شْرّيَ حّ رَ،

⁵⁵بَرِ مَ ﭑ تَن نَن مَ وَلِكّيٍ نَ عِسِرَيِلَكَيٍ رَ، ﭑ نَشٍيٍ رَ مِنِشِ مِسِرَ بْشِ رَ. عَلَتَلَ نَن ﭑ نَ، وٌ مَرِفِ عَلَ.»