لٍوِ سّرّشّدُبّ 25:35-47

³⁵«شَ وٌ نفَشَكٍرٍنيِ ندٍ قِندِ سٍتَرٍ رَ، قّيرّ مُ نَ عَ يِ رَ عَ بَلٌمَ نَشَن نَ، عَ لَنمَ وٌ شَ عَ مَلِ عَلْ شْحّ، عَ شَ لُ وٌ قّ مَ.

³⁶وٌ نَشَ رِبَ سَ عَ شَ دٌنِ شُن مَ. وٌ شَ فَاشُ وٌ مَرِفِ عَلَ يَ رَ. وٌ شَ وٌ نفَشَكٍرٍنيِ يِفِيَ.

³⁷وٌ نَشَ رِبَ سَ عَ شَ دٌنِ شُن مَ، وٌ نَشَ رِبَ سَ عَ شَ دٌنسٍ سَرٍ شُن مَ.

³⁸عَلَتَلَ نَن ﭑ نَ، وٌ مَرِفِ عَلَ، نَشَن وٌ رَ مِنِشِ مِسِرَ بْشِ كُي، ﭑ شَ كَنَان بْشِ قِ وٌ مَ، ﭑ شَ قِندِ وٌ مَرِفِ عَلَ رَ.»

³⁹«شَ وٌ نفَشَكٍرٍنيِ ندٍ عَ يّتّ مَتِ وٌ مَ عَ شَ سٍتَرٍحَ مَ، وٌ نَشَ كٌنيِ وَلِ دْشْ عَ مَ.

⁴⁰عَ شَ لُ عَلْ وٌ شَ وَلِكّ، شَ نَ مُ عَ رَ وٌ شَ شْحّ هَن شْرّيَ حّ وَشَتِ.

⁴¹نَ تّمُي، عَ تَن نُن عَ شَ دِيٍ شَ شْرّيَ، عٍ شَ فبِلٍن عٍ شَبِلّ مَ، عٍ بٍنبَيٍ شَ بْشِ مَ،

⁴²بَرِ مَ ﭑ مَ وَلِكّيٍ نَن عِسِرَيِلَكَيٍ رَ، ﭑ نَشٍيٍ رَ مِنِشِ مِسِرَ بْشِ رَ. عَ مُ لَنمَ عٍ شَ مَتِ كٌنيِيَ رَ.

⁴³وٌ نَشَ عٍ يَمَرِ عَ حَاشِ رَ، وٌ شَ فَاشُ وٌ مَرِفِ عَلَ يَ رَ.

⁴⁴شَ وٌ وَ مَ كٌنيِيٍ شْن، وٌ شَ عٍ سَرَ سِ فبّتّيٍ تَفِ، نَشٍيٍ نَ وٌ رَبِلِنيِ. عٍ تَن نَن شَ قِندِ وٌ شَ كٌنيِيٍ رَ.

⁴⁵وٌ مَن نْمَ كٌنيِيٍ سَرَدٍ سِ فبّتّيٍ شَ مِشِيٍ يَ مَ نَشٍيٍ دْشْشِ وٌ تَفِ، عَ نُن عٍ شَبِلّيٍ مِشِ نَشٍيٍ بَرِشِ وٌ شَ بْشِ كُي. نٍيٍ نْمَ قِندِدٍ وٌ شَ كٌنيِيٍ رَ.

⁴⁶وٌ نْمَ عٍ لُدٍ وٌ شَ دِيٍ يِ رَ كّ رَ. عٍ نْمَ لُدٍ كٌنيِيَ كُي عَبَدَن، كْنْ وٌ نفَشَكٍرٍنيِ عِسِرَيِلَكَيٍ مُ نْمَ لُدٍ عٍ نفَشَكٍرٍنيِ شَ يَامَرِ شْرْشْي بُن مَ.»

⁴⁷«شَ وٌ نفَشَكٍرٍنيِ سٍتَرٍ ندٍ عَ يّتّ مَتِ شْحّ بَننَشِ مَ وٌ شَ بْشِ كُي، شَ نَ مُ عَ رَ نَ شْحّ شَبِلّ مِشِ ندٍ مَ،