لٍوِ سّرّشّدُبّ 25:2-32

²«عَ قَلَ عِسِرَيِلَكَيٍ بّ، وٌ نَ سٌ بْشِ كُي ﭑ نَشَن قِمَ وٌ مَ، وٌ شَ عَ لُ بْشِ شَ مَلَبُ ﭑ تَن عَلَتَلَ شَ بِنيّ بُن مَ.

³وٌ شَ شّ وَلِ سُشُ، وٌ شَ مّينِ وّنِ بِلِيٍ مَ، وٌ شَ عٍ بٌفِيٍ بَ. وٌ شَ نَ بِرِن نَبَ حّ سٍننِ بُن مَ،

⁴كْنْ حّ سٌلٌقٍرٍ ندٍ وٌ شَ عَ لُ بْشِ شَ عَ مَلَبُ ﭑ تَن عَلَتَلَ شَ بِنيّ بُن مَ. وٌ نَشَ شّ وَلِ رَبَ، وٌ نَشَ قٍقٍ رَبَ وّنِ بِلِيٍ رَ نَ حّ كُي.

⁵سَنسِ بٌفِ نَشٍيٍ بُلَمَ عٍ يّتّ مَ، وٌ نَشَ عٍ شَبَ. وّنِ بٌفِيٍ نَشٍيٍ بٌفِمَ عٍ يّتّ مَ، وٌ شَ عٍ لُ نَا بَرِ مَ مَلَبُي حّ نَ عَ رَ بْشِ بّ.

⁶بْشِ نَشَن نَمِنِمَ نَ مَلَبُي حّ كُي، وٌ بِرِن نْمَ نَ دٌندٍ، وٌ تَن، وٌ شَ كٌنيِيٍ، وٌ شَ وَلِكّيٍ، وٌ شَ شْحّيٍ،

⁷وٌ شَ شُرُ سٍيٍ، عَ نُن بُرُنيِ سُبٍ نَشٍيٍ نَ بْشِ كُي. بْشِ نَشَن نَمِنِ عَ يّتّ رَ نَ حّ رَ، نَ نَن قِندِ مَ وٌ بَلٌي رَ.»

⁸«وٌ شَ مَلَبُي حّ سٌلٌقٍرٍ كْنتِ، حّ تٌنفٌ نَانِ نُن سٌلٌمَنَانِ، حّ سٌلٌقٍرٍ دْشْ سٌلٌقٍرٍ.

⁹عَ كِكٍ سٌلٌقٍرٍ شِ قُ ندٍ، وٌ شَ سَرَيٍ قٍ حَمَ بّ بْشِ بِرِن كُي، عَ قِندِ مَ شُنسَرٍ لْشْي نَن نَ.

¹⁰نَ حّ تٌنفٌ سُولِ ندٍ شَ قِندِ شْرّيَ حّ رَ بْشِ مِشِ بِرِن بّ. كٌنيِ بِرِن شَ شْرّيَ سْتْ، كَنكَن شَ فبِلٍن عَ شْنيِ عَ شَبِلّ يَ مَ.

¹¹نَ حّ تٌنفٌ سُولِ ندٍ قِندِ مَ شْرّيَ حّ نَن نَ وٌ بّ. وٌ نَشَ سَنسِ شْرِيٍ سِ، وٌ نَشَ سَنسِ بٌفِيٍ نُن وّنِ بٌفِيٍ بَ نَشٍيٍ بُلَمَ عٍ يّتّ مَ،

¹²شْرّيَ حّ نَن نَ رَ، وَشَتِ سّنِيّنشِ نَ عَ رَ وٌ بّ. بْشِ دَشَمُي شَ قِندِ وٌ شَ بَلٌي رَ.»

¹³«نَ شْرّيَ حّ كُي، بِرِن شَ فبِلٍن عٍ شَ بْشِ مَ.

¹⁴شَ وٌ بْشِ مَتِمَ وٌ نفَشَكٍرٍنيِ مَ، شَ نَ مُ عَ رَ وٌ بَرَ ندٍ سَرَ وٌ نفَشَكٍرٍنيِ مَ، وٌ نَشَ وٌ بٌورٍ تْورْ نَ كُي.

¹⁵وٌ شَ نَ سَرَ سَرٍ تِنشِنشِ رَ، نَشَن حّيٍ كْنتِمَ كٍلِقٍ شْرّيَ حّ وَشَتِ. وٌ نفَشَكٍرٍنيِ شَ نَ مَتِ وٌ مَ سّرِيّ كِ مَ. عَ شَ شّ شَبَ حّ كْنتِ نَشٍيٍ لُشِ بٍينُ شْرّيَ حّ شَ عَ لِ.

¹⁶شَ حّ وُيَشِ لُشِ، عَ سَرٍ شَ مَتٍ نَ كِ. شَ حّ وُيَشِ مُ لُشِ، عَ سَرٍ شَ مَفٌرٌ. وٌ شَ عَ مَتٌ شّ شَبَمَ سَنمَيَ يٍرِ بٍينُ شْرّيَ حّ شَ عَ لِ.

¹⁷وٌ نَشَ وٌ بٌورٍ تْورْ نَ كُي. وٌ شَ فَاشُ وٌ مَرِفِ عَلَ يَ رَ. عَلَتَلَ نَن ﭑ نَ، وٌ مَرِفِ عَلَ.»

¹⁸«وٌ شَ ﭑ مَ سّرِيّ سُشُ، وٌ شَ ﭑ مَ يَامَرِيٍ رَبَتُ، عَلَكٌ وٌ شَ لُ يِ بْشِ مَ بْحّسَ كُي.

¹⁹بْشِ دَشَمُي قَمَ وٌ وَ سَدٍ، وٌ مَن سَبَتِمَ بْحّسَ كُي.

²⁰شَ وٌ سَ مَشْرِنيِ تِ يِ كِ، ‹شَ وٌن مُ سٍسٍ سِمَ حّ سٌلٌقٍرٍ ندٍ كُي، شَ وٌن مُ سَنسِ شَبَمَ نَ تّمُي، وٌن بَلٌمَ مُنسٍ رَ قَ؟›

²¹ﭑ تَن نَن بَرَكَ رَفٌرٌ مَ وٌ مَ حّ سٍننِ ندٍ كُي، نَشَن قِندِ مَ بَلٌي رَ وٌ بّ حّ سَشَن بُن مَ.

²²وٌ شَ سَنسِ شْرِ سِ حّ سٌلٌمَسَشَن ندٍ كُي، كْنْ وٌ دٌنسٍ رَفَتَشِ نَن دٌنمَ هَن حّ سٌلٌمَنَانِ ندٍ. دٌنسٍ نَشَن نَفَتَشِ، نَ وٌ رَلِمَ نّ هَن بَلٌي نّينّ سَ مِنِمَ تّمُي نَشّ.»

²³«وٌ نَشَ بْشِ مَتِ عَ شَ لُ وٌ بٌورٍ يِ رَ عَبَدَن، بَرِ مَ ﭑ تَن نَن فبٍ بْشِ رَ. وٌ لُشِ نّ عَلْ شْحّيٍ نَشٍيٍ يِفِيَشِ ﭑ شْنيِ.

²⁴سّرِيّ كِ مَ، وٌ شَ تِن يِ بْشِ بِرِن شُن شَ سَرَ.

²⁵شَ وٌ نفَشَكٍرٍنيِ ندٍ عَ شَ بْشِ مَتِ عَ شَ سٍتَرٍحَ مَ، عَ بَرِبٌورٍ ندٍ شَ نَ بْشِ مَتِشِ شُن سَرَ.

²⁶شَ عَ بَرِبٌورٍ مُ نَ نَشَن نْمَ نَ بْشِ شُن سَرَدٍ، كْنْ عَ تَن نَشَ سَ نَ شُنسَرٍ قّيرّ سْتْ عَ يّتّ رَ،

²⁷عَ شَ بْشِ سَرٍ كْنتِ سّرِيّ كِ مَ، كٍلِقٍ عَ سَرَ تّمُي، عَ قَ نَ حْشْي رَفبِلٍن عَ سَرَ مِشِ مَ، عَلَكٌ عَ شَ فبِلٍن عَ شَ بْشِ مَسْتْ رَ.

²⁸كْنْ شَ عَ مُ نَ شُنسَرٍ قّيرّ سْتْ، نَ بْشِ شَ لُ عَ سَرَ مِشِ يِ رَ هَن شْرّيَ حّ رَ. نَ تّمُي بْشِ كَنيِ مَن شَ فبِلٍن عَ شَ بْشِ مَسْتْ رَ.»

²⁹«شَ مِشِ ندٍ سَ عَ شَ بَنشِ مَتِ نَشَن نَ تَا كُي تّتّ رَبِلِنشِ نَشَن نَ، عَ نْمَ نَ بَنشِ شُن سَرَدٍ حّ كٍرٍن بُن مَ.

³⁰شَ نَ بَنشِ شُن مُ سَرَ نَ حّ كُي، عَ لُمَ نّ عَ سَرَ مِشِ نُن عَ بْنسْي يِ رَ عَبَدَن. هَلِ شْرّيَ حّ كُي عَ سَرَ مِشِ مُ كٍلِمَ نَا.

³¹كْنْ بَنشِ نَشٍيٍ تِشِ تَا شُنشُرِيٍ كُي، نَشٍيٍ مُ رَبِلِنشِ تّتّ رَ، نٍيٍ لُمَ عَلْ بْشِ. عٍ نْمَ شُن سَرَدٍ. نَشَن نَ مْولِ سَرَ مَ، عَ لَنمَ عَ شَ مِنِ نَ بَنشِ شْرّيَ حّ رَ.»

³²«لٍوِكَيٍ تَن نْمَ عٍ شَ بَنشِيٍ شُن سَرَدٍ عٍ شَ تَايٍ كُي تّمُي بِرِن.