لٍوِ سّرّشّدُبّ 23:20-25

²⁰سّرّشّدُبّ نَ بِرِن لِنتَنمَ ﭑ تَن عَلَتَلَ يَ عِ سّرّشّ رَ، نَ تَامِ سِنفٍيٍ، نُن نَ يّشّي قِرِنيِيٍ. عٍ بِرِن قِمَ ﭑ تَن عَلَتَلَ نَن مَ، عٍ قَ لُ سّرّشّدُبّ بّ.

²¹نَ لْشْي وٌ شَ مَلَنيِ سّنِيّنشِ رَبَ. وٌ نَشَ وَلِ يٌ رَبَ نَ لْشْي. سّرِيّ نَ عَ رَ وٌ بْنسْي بّ يِرٍ بِرِن عَبَدَن.

²²وٌ نَ شّ شَبَ وٌ شْنيِ، وٌ نَشَ عَ تُشُييٍ شَبَ. بَلٌي نَشَن بِرَ مَ بْشِ مَ، وٌ شَ نَ لُ نَا سٍتَرٍيٍ بّ، عَ نُن مِشِيٍ بّ نَشٍيٍ كٍلِشِ حَمَنّ فبّتّيٍ مَ. عَلَتَلَ نَن ﭑ نَ، وٌ مَرِفِ عَلَ.»

²³عَلَتَلَ نَشَ عَ مَسٍن عَننَبِ مُنسَ بّ،

²⁴«عَ قَلَ عِسِرَيِلَكَيٍ بّ، كِكٍ سٌلٌقٍرٍ ندٍ، شِ سِنفٍ، وٌ شَ وٌ مَلَبُ نَ لْشْي، وٌ شَ حَمَ مَشِلِ سَرَ شُي رَ، وٌ مَلَنيِ سّنِيّنشِ رَبَ.

²⁵وٌ نَشَ وَلِ يٌ رَبَ نَ لْشْي، وٌ شَ سّرّشّ فَن دَاشِيٍ بَ ﭑ تَن عَلَتَلَ بّ.»