لٍوِ سّرّشّدُبّ 22:5-28

⁵شَ مِشِ ندٍ بَرَ دِن بُبُسٍ رَ، شَ نَ مُ عَ رَ مِشِ سّنِيّنتَرٍ رَ، نَ مُ لَن عَ شَ سّرّشّ سّنِيّنشِ دٌن.

⁶نَشَن نَ رَبَمَ، نَ كَنيِ قِندِ مَ سّنِيّنتَرٍ نَن نَ هَن نُنمَرٍ. بٍينُ عَ شَ نَ سّرّشّ سّنِيّنشِ دٌن، عَ شَ عَ قَتٍ مَشَ.

⁷سٌفٍ نَ فٌرٌ، عَ بَرَ سّنِيّن، عَ نْمَ سّرّشّ سّنِيّنشِ دٌندٍ سْنْن، بَرِ مَ عَ بَلٌي نَ عَ رَ.»

⁸«سّرّشّدُبّ نَشَ سُبٍ دٌن نَشَن قَشَشِ عَ يّتّ مَ. عَ مَن نَشَ سُبٍ دٌن سُبٍ فبّتّ نَشَن قَشَشِ، عَلَكٌ عَ نَشَ قِندِ سّنِيّنتَرٍ رَ. عَلَتَلَ نَن ﭑ نَ.»

⁹«سّرّشّدُبّيٍ شَ ﭑ مَ يَامَرِيٍ رَبَتُ عٍ بَلٌي شَ قٍ رَ، عَلَكٌ عٍ نَشَ يُنُبِ سْتْ، عٍ قَ قَشَ. عَلَتَلَ نَن ﭑ نَ، نَشَن عٍ رَ سّنِيّنمَ.

¹⁰مِشِ يٌ نَشَ سّرّشّ سّنِيّنشِ دٌن شَ سّرّشّدُبّ مُ عَ رَ. هَلِ سّرّشّدُبّ شَ شْحّ، شَ نَ مُ عَ رَ عَ شَ وَلِكّ مُ لَنمَ عَ شَ عَ دٌن.

¹¹كْنْ سّرّشّدُبّ شَ كٌنيِ، عَ نَشَن سَرَ كْبِرِ رَ، عَ نُن نَ كٌنيِ شَ دٍنبَيَ تَن نْمَ سّرّشّدُبّ بَلٌي دٌندٍ.

¹²سّرّشّدُبّ شَ دِ فِنّ نَشَن دْشْشِ شّمّ عَلَ كٌلٌنتَرٍ شْن مَ، نَشَ سّرّشّ سّنِيّنشِ دٌن.

¹³سّرّشّدُبّ شَ دِ فِنّ نَشَن قِندِشِ كَاحّ فِنّ رَ، شَ نَ مُ عَ رَ شّمّ مّيشِ نَشَن نَ عٍ مُ دِ بَرِ، عَ فبِلٍن عَ بَبَ شْنيِ عَلْ عَ نُ نَ نَا كِ نَشّ عَ دِ مّدِ رَ، نَ فِنّ نْمَ عَ بَبَ بَلٌي دٌندٍ. مِشِ يٌ نَشَن مُ قِندِ عِسِرَيِلَكَ رَ، نَ مُ لَنمَ عَ شَ نَ مْولِ دٌن.

¹⁴شَ مِشِ ندٍ سَ سّرّشّ سّنِيّنشِ دٌن كٌلٌنتَرٍيَ مَ، عَ لَن عَ شَ عَ حْشْي قِ كْبِرِ رَ، عَ مَن شَ ندٍ سَ نَ قَرِ. نَ قِندِ مَ كْبِرِ نَشَن نَ، عَ نَ دٌنسٍ سَرٍ نَن عِتَشُنمَ دْشْ سُولِ رَ، عَ قَ دْشْ كٍرٍن بَ عَ رَ، عَ نَ سٌ سّرّشّدُبّ يِ رَ.

¹⁵سّرّشّدُبّيٍ نَشَ قٍ رَبَ ﭑ تَن عَلَتَلَ شَ سّرّشّ سّنِيّنشِيٍ رَ، عَ مُ لَن نَشَن شَ رَبَ

¹⁶عَلَكٌ عٍ نَشَ يُنُبِ سْتْ نَ سّرّشّيٍ شَ قٍ رَ عٍ نَشٍيٍ دٌنشِ. عَلَتَلَ نَن ﭑ نَ، نَشَن عٍ رَ سّنِيّنمَ.»

¹⁷عَلَتَلَ نَشَ عَ مَسٍن عَننَبِ مُنسَ بّ،

¹⁸«عَ قَلَ هَرُنَ، عَ شَ دِيٍ، نُن عِسِرَيِلَكَيٍ بِرِن بّ، عِسِرَيِلَكَيٍ بِرِن، عَ نُن شْحّ نَشٍيٍ سَبَتِشِ عِسِرَيِلَ بْشِ مَ، مِشِ نَشَن سّرّشّ فَن دَاشِ بَمَ ﭑ تَن عَلَتَلَ بّ لَايِدِ ندٍ رَكَمَلِقٍ رَ، شَ نَ مُ عَ رَ عَ يّتّ حَنِفٍ رَبَقٍ رَ،

¹⁹عَ لَن عَ شَ تُورَ نَن بَ، شَ نَ مُ عَ رَ يّشّي كٌنتٌنيِ، شَ نَ مُ عَ رَ سِكْتّ، لَنيُرُ مُ نَ نَشَن مَ.

²⁰وٌ نَشَ شُرُ سٍ يٌ بَ لَنيُرُ نَ نَشَن مَ، بَرِ مَ ﭑ تَن عَلَ مُ نَ مْولِ رَ سُشُمَ.

²¹شَ مِشِ ندٍ وَ مَ شُرُ سٍ شُنفبٍ، شَ نَ مُ عَ رَ شُرُ سٍ لَنمَ بَقٍ شَنُنتٍيَ سّرّشّ رَ ﭑ تَن عَلَتَلَ بّ، لَايِدِ ندٍ رَكَمَلِقٍ رَ، شَ نَ مُ عَ رَ حَنِفٍ رَبَقٍ رَ، نَ شُرُ سٍ قَتٍ شَ قَن، لَنيُرُ يٌ نَشَ لُ عَ مَ، شَ نَ مُ عَ رَ ﭑ تَن عَلَ مُ عَ رَ سُشُمَ.

²²وٌ نَشَ شُرُ سٍ يٌ بَ نَشَن يَ مُ قَن، نَشَن مَشْنْشِ، نَشَن مَبّنشِ، قُرٍ نَ نَشَن كِرِ مَ. وٌ نَشَ نَ مْولِ سَ ﭑ تَن عَلَتَلَ شَ سّرّشّبَدٍ قَرِ، عَ شَ قِندِ سّرّشّ فَن دَاشِ رَ.

²³عِ نْمَ نِنفٍ، شَ نَ مُ عَ رَ يّشّي كّحَ حَاشِ بَدٍ حَنِفٍ سّرّشّ رَ، كْنْ عِ مُ نْمَ نَ بَدٍ لَايِدِ رَكَمَلِ سّرّشّ رَ دٍ.

²⁴وٌ نَشَ شُرُ سٍ بَنَشِ، شّمّيَ كَنَشِ، شَ نَ مُ عَ رَ شّمّيَ مُ نَشَن بّ، بَ سّرّشّ رَ ﭑ تَن عَلَتَلَ بّ. وٌ نَشَ نَ مْولِ بَ سّرّشّ رَ وٌ شَ بْشِ مَ.

²⁵وٌ نَشَ نَ شُرُ سٍ مْولِ رَ سُشُ شْحّيٍ يِ رَ، وٌ شَ عٍ بَ سّرّشّ رَ وٌ مَرِفِ عَلَ بّ، بَرِ مَ عٍ قَتٍ مُ قَنشِ، عٍ مُ كَمَلِشِ. ﭑ تَن عَلَ مُ نٍيٍ رَ سُشُمَ.»

²⁶عَلَتَلَ نَشَ عَ مَسٍن عَننَبِ مُنسَ بّ،

²⁷«نِنفٍ يْرّ، يّشّي يْرّ، نُن سِ يْرّ نَ بَرِ، عٍ شَ لُ عٍ نفَ بُن مَ شِ سٌلٌقٍرٍ، بٍينُ عٍ شَ قِندِ سّرّشّ فَن دَاشِ رَ ﭑ تَن عَلَتَلَ بّ.

²⁸وٌ نَشَ نِنفٍ، شَ نَ مُ عَ رَ يّشّي، نُن عَ شَ دِ كْن نَشَبَ لْشْي كٍرٍن كُي.»