لٍوِ سّرّشّدُبّ 22:1-15

¹عَلَتَلَ نَشَ عَ مَسٍن عَننَبِ مُنسَ بّ،

²«عَ قَلَ هَرُنَ نُن عَ شَ دِيٍ بّ، عٍ شَ عِسِرَيِلَكَيٍ شَ سّرّشّ سّنِيّنشِيٍ بَ عَ بَ كِ مَ، بَرِ مَ عٍ نٍيٍ قِمَ ﭑ تَن نَن مَ. سّرّشّدُبّيٍ نَشَ ﭑ شِلِ سّنِيّنشِ كَنَ. عَلَتَلَ نَن ﭑ نَ.»

³«عَ قَلَ عٍ بّ، شَ عٍ بْنسْي مِشِ ندٍ سَ قِندِ سّنِيّنتَرٍ رَ، عَ نَشَ عَ مَسٌ عِسِرَيِلَكَيٍ شَ سّرّشّ رَ عٍ نَشٍيٍ قِمَ ﭑ تَن عَلَتَلَ مَ، نَ كَنيِ كٍرِ مَ نّ ﭑ يَ عِ. عَلَتَلَ نَن ﭑ نَ.»

⁴«كُنّ قُرٍ نَ مِشِ يٌ مَ هَرُنَ بْنسْي يَ مَ، شَ نَ مُ عَ رَ كْرْ سِلَ قُرٍ، نَ مُ لَن عَ شَ سّرّشّ سّنِيّنشِ دٌن قٌ عَ شَ فّ سّنِيّندٍ. عَ مَن مُ لَن مِشِ شَ نَ رَبَ شَ عَ بَرَ دِن مِشِ ندٍ رَ نَشَن بَرَ دِن مِشِ قُرٍ رَ. شَ يٍ سّنِيّنتَرٍ نَ مِنِقٍ مِشِ شّمّيَ كُي، عَ مُ لَن عَ شَ سّرّشّ سّنِيّنشِ دٌن.

⁵شَ مِشِ ندٍ بَرَ دِن بُبُسٍ رَ، شَ نَ مُ عَ رَ مِشِ سّنِيّنتَرٍ رَ، نَ مُ لَن عَ شَ سّرّشّ سّنِيّنشِ دٌن.

⁶نَشَن نَ رَبَمَ، نَ كَنيِ قِندِ مَ سّنِيّنتَرٍ نَن نَ هَن نُنمَرٍ. بٍينُ عَ شَ نَ سّرّشّ سّنِيّنشِ دٌن، عَ شَ عَ قَتٍ مَشَ.

⁷سٌفٍ نَ فٌرٌ، عَ بَرَ سّنِيّن، عَ نْمَ سّرّشّ سّنِيّنشِ دٌندٍ سْنْن، بَرِ مَ عَ بَلٌي نَ عَ رَ.»

⁸«سّرّشّدُبّ نَشَ سُبٍ دٌن نَشَن قَشَشِ عَ يّتّ مَ. عَ مَن نَشَ سُبٍ دٌن سُبٍ فبّتّ نَشَن قَشَشِ، عَلَكٌ عَ نَشَ قِندِ سّنِيّنتَرٍ رَ. عَلَتَلَ نَن ﭑ نَ.»

⁹«سّرّشّدُبّيٍ شَ ﭑ مَ يَامَرِيٍ رَبَتُ عٍ بَلٌي شَ قٍ رَ، عَلَكٌ عٍ نَشَ يُنُبِ سْتْ، عٍ قَ قَشَ. عَلَتَلَ نَن ﭑ نَ، نَشَن عٍ رَ سّنِيّنمَ.

¹⁰مِشِ يٌ نَشَ سّرّشّ سّنِيّنشِ دٌن شَ سّرّشّدُبّ مُ عَ رَ. هَلِ سّرّشّدُبّ شَ شْحّ، شَ نَ مُ عَ رَ عَ شَ وَلِكّ مُ لَنمَ عَ شَ عَ دٌن.

¹¹كْنْ سّرّشّدُبّ شَ كٌنيِ، عَ نَشَن سَرَ كْبِرِ رَ، عَ نُن نَ كٌنيِ شَ دٍنبَيَ تَن نْمَ سّرّشّدُبّ بَلٌي دٌندٍ.

¹²سّرّشّدُبّ شَ دِ فِنّ نَشَن دْشْشِ شّمّ عَلَ كٌلٌنتَرٍ شْن مَ، نَشَ سّرّشّ سّنِيّنشِ دٌن.

¹³سّرّشّدُبّ شَ دِ فِنّ نَشَن قِندِشِ كَاحّ فِنّ رَ، شَ نَ مُ عَ رَ شّمّ مّيشِ نَشَن نَ عٍ مُ دِ بَرِ، عَ فبِلٍن عَ بَبَ شْنيِ عَلْ عَ نُ نَ نَا كِ نَشّ عَ دِ مّدِ رَ، نَ فِنّ نْمَ عَ بَبَ بَلٌي دٌندٍ. مِشِ يٌ نَشَن مُ قِندِ عِسِرَيِلَكَ رَ، نَ مُ لَنمَ عَ شَ نَ مْولِ دٌن.

¹⁴شَ مِشِ ندٍ سَ سّرّشّ سّنِيّنشِ دٌن كٌلٌنتَرٍيَ مَ، عَ لَن عَ شَ عَ حْشْي قِ كْبِرِ رَ، عَ مَن شَ ندٍ سَ نَ قَرِ. نَ قِندِ مَ كْبِرِ نَشَن نَ، عَ نَ دٌنسٍ سَرٍ نَن عِتَشُنمَ دْشْ سُولِ رَ، عَ قَ دْشْ كٍرٍن بَ عَ رَ، عَ نَ سٌ سّرّشّدُبّ يِ رَ.

¹⁵سّرّشّدُبّيٍ نَشَ قٍ رَبَ ﭑ تَن عَلَتَلَ شَ سّرّشّ سّنِيّنشِيٍ رَ، عَ مُ لَن نَشَن شَ رَبَ