لٍوِ سّرّشّدُبّ 21:8-17

⁸وٌ شَ عَ كٌلٌن مِشِ سّنِيّنشِ رَ، بَرِ مَ عَ تَن نَن سّرّشّيٍ قِمَ عَلَ مَ نَشٍيٍ لُشِ عَلْ دٌنسٍ. وٌ شَ عَ كٌلٌن عَ سّنِيّن، بَرِ مَ ﭑ تَن عَلَتَلَ سّنِيّن، ﭑ تَن نَشَن وٌ رَ سّنِيّنمَ.

⁹شَ سّرّشّدُبّ شَ دِ فِنّ ندٍ عَ يّتّ رَيَافِمَ قِندِقٍ رَ لَنفٌي رَ، عَ بَرَ عَ بَبَ رَيَافِ. عَ لَنمَ نَ فِنّ شَ فَن تّ رَ.»

¹⁰«سّرّشّدُبّ كُنتِفِ نَشَن سُفَندِشِ عَ نفَشَكٍرٍنيِيٍ تَفِ، عٍ تُرٍ سّنِيّنشِ سَ عَ مَ، عٍ دُفِ سّنِيّنشِ رَفٌرٌ عَ مَ، نَ نَشَ عَ شُنسّشّ كَنَ، عَ نَشَ عَ شَ دُفِ عِبْو.

¹¹عَ نَشَ سٌ قُرٍ شُن مَ، عَ نَشَ قِندِ سّنِيّنتَرٍ رَ قُرٍ شَ قٍ رَ، هَلِ عَ بَبَ شَ نَ مُ عَ رَ عَ نفَ.

¹²عَ نَشَ مِنِ يِرٍ سّنِيّنشِ كُي، عَ نَشَ عَ مَرِفِ عَلَ شَ هْرْ مْلِنفِرَ مَنْشْ، بَرِ مَ ﭑ تَن عَلَ نَن عَ سُفَندِشِ، تُرٍ سّنِيّنشِ سَشِ عَ شُنيِ مَ. عَلَتَلَ نَن ﭑ نَ.

¹³عَ شَ فِنّدِ مّدِ دْشْ فِنّ رَ.

¹⁴عَ نَشَ كَاحّ فِنّ دْشْ، عَ نَشَ فِنّ رَبّحِنشِ دْشْ، عَ نَشَ لَنفٌي دْشْ، عَ نَشَ فِنّ دْشْ فِنّدِ مّدِ مُ نَشَن نَ. عَ شَ فِنّدِ مّدِ تٌنفٌ فِنّ رَ عَ شَ مِشِيٍ يَ مَ،

¹⁵عَلَكٌ عَ نَشَ عَ بْنسْي رَيَافِ. عَلَتَلَ نَن ﭑ نَ نَشَن عَ رَ سّنِيّنمَ.»

¹⁶عَلَتَلَ نَشَ عَ مَسٍن عَننَبِ مُنسَ بّ،

¹⁷«عَ قَلَ هَرُنَ بّ، مِشِ مَبّنشِ يٌ نَشَ سّرّشّدُبّ وَلِ رَبَ، عَ سّرّشّ سَ سّرّشّبَدٍ مَ ﭑ تَن عَلَ بّ. نَ مُ لَنمَ عَبَدَن.