لٍوِ سّرّشّدُبّ 13:6-24

⁶عَ شِ سٌلٌقٍرٍ ندٍ لْشْي، سّرّشّدُبّ مَن شَ عَ مَتٌ عَ سَنمَيَ قِرِن ندٍ. شَ قُرٍ حِنفِ بَرَ مَسَرَ، عَ مَن مُ لَنتَنقٍ، سّرّشّدُبّ شَ مَسٍنيِ تِ، نَ كَنيِ بَرَ سّنِيّن. قُرٍ نَ عَ رَ نَشَن مُ حَاشُ. عَ شَ عَ شَ دُفِيٍ شَ، عَ قِندِ مِشِ سّنِيّنشِ رَ.

⁷كْنْ شَ سّرّشّدُبّ بَرَ عَ مَتٌ، قُرٍ بَرَ لَنتَن يّ نَ مَسٍنيِ دَنفِ شَنبِ، قُرٍ مَ مَن شَ فبِلٍن سّرّشّدُبّ يِرٍ تّمُي فبّتّ.

⁸سّرّشّدُبّ مَن شَ عَ مَتٌ. شَ قُرٍ بَرَ لَنتَن يّ، سّرّشّدُبّ شَ مَسٍنيِ تِ، نَ كَنيِ بَرَ قِندِ سّنِيّنتَرٍ رَ، قُرٍ حَاشِ نَ عَ رَ.»

⁹«شَ قُرٍ حَاشِ بَرَ لُ مِشِ ندٍ كِرِ مَ، عٍ شَ عَ شَنِن سّرّشّدُبّ يِرٍ.

¹⁰عَ شَ عَ مَتٌ. شَ نَ مِشِ كِرِ بَرَ قِيشّ يِرٍ ندٍ، عَ قَ قُنتُ، قَتٍ شَبٍ قَن قَ قِيشّ نَ لٌنفٌرِ، عَ بُلَ، سُبٍ مِنِ كّنّ مَ،

¹¹قُرٍ حَاشِ نَ عَ رَ نَشَن مُ دَندَنمَ. سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ. هَلِ عَ مُ لُ عَ كٍرٍنيِ مَ وَشَتِ دِ بُن مَ سْنْن، سّرّشّدُبّ مَن شَ عَ مَتٌ. نَ تَن بَرَ فّ قِندِدٍ مِشِ سّنِيّنتَرٍ رَ.

¹²شَ سّرّشّدُبّ بَرَ عَ تٌ عَ نَ قِ حَاشِ بِرِن بَرَ بَرِ قْلْ، نَشَن نُ نَ قُرٍ مَ قَتٍ مَ، كٍلِقٍ عَ سَنيِيٍ مَ هَن عَ شُنيِ،

¹³عَ شَ مَسٍنيِ تِ، نَ كَنيِ بَرَ سّنِيّن، بَرِ مَ قِ بِرِن بَرَ بَرِ قْلْ. عَ بَرَ سّنِيّن.

¹⁴كْنْ شَ، قُرٍ سَ بُلَ، سُبٍ مِنِ كّنّ مَ، نَ كَنيِ بَرَ قِندِ مِشِ سّنِيّنتَرٍ رَ.

¹⁵سّرّشّدُبّ نَ قُرٍ بُلَشِ تٌ، عَ شَ مَسٍنيِ تِ، قِ بُلَشِ مُ سّنِيّن، قُرٍ حَاشِ نَ عَ رَ.

¹⁶شَ سُبٍ بُلَشِ قَ بَرِ، قُرٍ مَ شَ سِفَ سّرّشّدُبّ يِرٍ.

¹⁷عَ شَ عَ مَتٌ. شَ قُرٍ بَرَ بَرِ، سّرّشّدُبّ شَ مَسٍنيِ تِ، قُرٍ مَ بَرَ سّنِيّن.

¹⁸شَ سُورِ مِنِ مِشِ مَ، عَ قَ يَلَن،

¹⁹كْنْ نَ كِرِ قَ قِيشّ، شَ نَ مُ عَ رَ عَ فبٍيلِ، نَ كَنيِ شَ سِفَ سّرّشّدُبّ يِرٍ.

²⁰عَ شَ عَ مَتٌ. شَ قُرٍ يَ بَرَ عِتِلِن، عَ سُبٍ لِ، قَتٍ شَبٍ بَرَ قِيشّ نَ لٌنفٌرِ، سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ. قُرٍ حَاشِ نَ عَ رَ، نَشَن مِنِشِ سُورِ قْشِ.

²¹شَ سّرّشّدُبّ مُ قَتٍ شَبٍ قِيشّ تٌ، قِ قَن مُ تِلِن، عَ مُ سُبٍ لِشِ، عَ مُ قِيشّ عَ فبٍ رَ، قُرٍ مَ شَ لُ عَ كٍرٍنيِ مَ لْشْشُن كٍرٍن.

²²شَ قُرٍ بَرَ لَنتَن يّ عَ قَتٍ مَ، سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ، قُرٍ حَاشِ نَ عَ رَ.

²³كْنْ شَ قُرٍ مُ مَسَرَشِ عَ مُ لَنتَنشِ عَ عِ، سُورِ بَرِشِ نَ عَ رَ. سّرّشّدُبّ شَ مَسٍنيِ تِ، نَ كَنيِ مِشِ سّنِيّنشِ نَ عَ رَ.»

²⁴«شَ مِشِ قَتٍ بَرَ فَن تّ رَ تّمُي دَنفِشِ، عَ كِرِ قَ بَرِ، كْنْ قُرٍ فبٍيلِ، شَ نَ مُ عَ رَ قُرٍ قِيشّ قَ مِنِ نَ قْشِ،