لٍوِ سّرّشّدُبّ 13:16-52

¹⁶شَ سُبٍ بُلَشِ قَ بَرِ، قُرٍ مَ شَ سِفَ سّرّشّدُبّ يِرٍ.

¹⁷عَ شَ عَ مَتٌ. شَ قُرٍ بَرَ بَرِ، سّرّشّدُبّ شَ مَسٍنيِ تِ، قُرٍ مَ بَرَ سّنِيّن.

¹⁸شَ سُورِ مِنِ مِشِ مَ، عَ قَ يَلَن،

¹⁹كْنْ نَ كِرِ قَ قِيشّ، شَ نَ مُ عَ رَ عَ فبٍيلِ، نَ كَنيِ شَ سِفَ سّرّشّدُبّ يِرٍ.

²⁰عَ شَ عَ مَتٌ. شَ قُرٍ يَ بَرَ عِتِلِن، عَ سُبٍ لِ، قَتٍ شَبٍ بَرَ قِيشّ نَ لٌنفٌرِ، سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ. قُرٍ حَاشِ نَ عَ رَ، نَشَن مِنِشِ سُورِ قْشِ.

²¹شَ سّرّشّدُبّ مُ قَتٍ شَبٍ قِيشّ تٌ، قِ قَن مُ تِلِن، عَ مُ سُبٍ لِشِ، عَ مُ قِيشّ عَ فبٍ رَ، قُرٍ مَ شَ لُ عَ كٍرٍنيِ مَ لْشْشُن كٍرٍن.

²²شَ قُرٍ بَرَ لَنتَن يّ عَ قَتٍ مَ، سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ، قُرٍ حَاشِ نَ عَ رَ.

²³كْنْ شَ قُرٍ مُ مَسَرَشِ عَ مُ لَنتَنشِ عَ عِ، سُورِ بَرِشِ نَ عَ رَ. سّرّشّدُبّ شَ مَسٍنيِ تِ، نَ كَنيِ مِشِ سّنِيّنشِ نَ عَ رَ.»

²⁴«شَ مِشِ قَتٍ بَرَ فَن تّ رَ تّمُي دَنفِشِ، عَ كِرِ قَ بَرِ، كْنْ قُرٍ فبٍيلِ، شَ نَ مُ عَ رَ قُرٍ قِيشّ قَ مِنِ نَ قْشِ،

²⁵سّرّشّدُبّ شَ نَ مَتٌ. شَ قُرٍ مَ قَتٍ شَبٍ بَرَ قِيشّ نَ قْشِ، قُرٍ بَرَ تِلِن، عَ سُبٍ لِ، قُرٍ حَاشِ نَ عَ رَ، نَشَن بَرَ مِنِ قَتٍ مَ كِرِ دّننَشّ نُ فَنشِ. نَ سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ، بَرِ مَ قُرٍ حَاشِ نَ عَ رَ.

²⁶كْنْ شَ سّرّشّدُبّ مُ قَتٍ شَبٍ قِيشّ تٌ قُرٍ مَ، قِ قَن يَ مُ عِتِلِن، عَ مُ سُبٍ لِشِ، عَ مُ قِيشّ عَ فبٍ رَ، سّرّشّدُبّ شَ نَ كَنيِ يَمَرِ عَ شَ لُ عَ كٍرٍنيِ مَ لْشْشُن كٍرٍن.

²⁷سّرّشّدُبّ شَ عَ مَتٌ شِ سٌلٌقٍرٍ ندٍ لْشْي. شَ قُرٍ بَرَ لَنتَن يّ عَ قَتٍ مَ، سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ، قُرٍ حَاشِ نَ عَ رَ.

²⁸كْنْ شَ قُرٍ مُ مَسَرَشِ، عَ مُ لَنتَنشِ عَ عِ، عَ مُ قِيشّ عَلْ عَ سِنفٍ، عَ قَتَنشِ نَ كِرِ فَنشِ نَن نَ. سّرّشّدُبّ شَ مَسٍنيِ تِ، نَ كَنيِ مِشِ سّنِيّنشِ نَ عَ رَ. نَرِ نَ عَ رَ كِرِ دّننَشّ فَن.»

²⁹«شَ قُرٍ لُ شّمّ، شَ نَ مُ عَ رَ فِنّ شُنيِ مَ، شَ نَ مُ عَ رَ عَ كٍنكٍنيِ مَ،

³⁰سّرّشّدُبّ شَ نَ قُرٍ مَتٌ. شَ قِ يَ بَرَ عِتِلِن، عَ سُبٍ لِ، قَتٍ شَبٍ قِيشّ، عَ شُرُن، سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ. قُرٍ حَاشِ نَ عَ رَ نَشَن بَرَ لُ عَ شُنيِ مَ، شَ نَ مُ عَ رَ عَ كٍنكٍنيِ مَ.

³¹شَ سّرّشّدُبّ سَ عَ تٌ قُرٍ يَ مُ عِتِلِنقٍ، عَ مُ سُبٍ لِقٍ، قَتٍ شَبٍ قْورّ مُ نَ، عَ شَ قُرٍ مَ يَمَرِ عَ شَ لُ عَ كٍرٍنيِ مَ شِ سٌلٌقٍرٍ بُن مَ.

³²سّرّشّدُبّ شَ نَ قُرٍ مَتٌ شِ سٌلٌقٍرٍ ندٍ لْشْي. شَ قُرٍ مُ لَنتَنقٍ عَ عِ، قَتٍ شَبٍ مُ قِيشّ نَ لٌنفٌرِ، قِ يَ مُ عِتِلِنشِ، عَ مُ سُبٍ لِشِ،

³³نَ كَنيِ شَ عَ شُنسّشّ نُن عَ دّشَبٍ بِ عَ شَ عَ بَ قِ رَ. سّرّشّدُبّ مَن شَ قُرٍ مَ يَمَرِ عَ شَ لُ عَ كٍرٍنيِ مَ لْشْشُن كٍرٍن.

³⁴سّرّشّدُبّ شَ نَ قُرٍ مَن مَتٌ شِ سٌلٌقٍرٍ ندٍ لْشْي. شَ عَ مُ لَنتَنشِ عَ عِ، عَ يَ مُ عِتِلِنشِ، عَ مُ سُبٍ لِشِ، سّرّشّدُبّ شَ مَسٍنيِ تِ، نَ كَنيِ مِشِ سّنِيّنشِ نَ عَ رَ. عَ شَ عَ شَ دُفِيٍ شَ، عَ سّنِيّن.

³⁵كْنْ سّرّشّدُبّ شَ مَسٍنيِ دَنفِ شَنبِ، شَ قُرٍ بَرَ لَنتَن يّ قُرٍ مَ قَتٍ مَ،

³⁶سّرّشّدُبّ مَن شَ عَ مَتٌ. شَ قُرٍ بَرَ لَنتَن يّ، هَلِ سّرّشّدُبّ مُ قَتٍ شَبٍ قِيشّ قٍن. نَ كَنيِ بَرَ قِندِ مِشِ سّنِيّنتَرٍ رَ.

³⁷كْنْ شَ نَ قُرٍ مُ لَنتَنشِ عَ عِ، قَتٍ شَبٍ قْورّ ندٍ تَن بَرَ مِنِ، قُرٍ بَرَ يَلَن. نَ كَنيِ مِشِ سّنِيّنشِ نَ عَ رَ. سّرّشّدُبّ شَ مَسٍنيِ تِ، نَ كَنيِ مِشِ سّنِيّنشِ نَ عَ رَ.»

³⁸«شَ شّمّ، شَ نَ مُ عَ رَ فِنّ قَتٍ كِرِ بَرَ قِيشّ يِرٍ ندٍيٍ،

³⁹سّرّشّدُبّ شَ نَ مَتٌ. شَ نَ مُ قِيشّ عَ فبٍ رَ، كَسِ مْولِ ندٍ فبَنسَن نَ عَ رَ. عَ سّنِيّن.»

⁴⁰«شَ مِشِ ندٍ شُنسّشّ بَرَ مَكْن، تّرّرّ كَنيِ نَ عَ رَ، عَ مُ حَاشُ. نَ كَنيِ سّنِيّن.

⁴¹شَ مِشِ ندٍ شُنسّشّ مَكْنشِ عَ تِفِ دّ بِرِ فبَنسَن نّ، تّرّرّ نَ عَ رَ عَ مُ حَاشُ. نَ كَنيِ سّنِيّن.

⁴²كْنْ شَ قُرٍ قِيشّ، شَ نَ مُ عَ رَ قُرٍ فبٍيلِ مِنِ عَ شُنيِ مَ، شَ نَ مُ عَ رَ عَ تِفِ مَ، قُرٍ حَاشِ نَ عَ رَ.

⁴³سّرّشّدُبّ شَ نَ مَتٌ. شَ نَ قُرٍ قُنتُ نَشَن مِنِشِ عَ شُنيِ مَ، عَ قِيشّ، شَ نَ مُ عَ رَ عَ فبٍيلِ عَلْ قُرٍ حَاشِ نَ كِ نَشّ،

⁴⁴قُرٍ مَ نَ عَ رَ، عَ مُ سّنِيّنشِ. سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ. قُرٍ نَ عَ شُنيِ مَ.»

⁴⁵«نَ قُرٍ حَاشِ كَنيِ شَ دُفِ عِبْوشِ رَفٌرٌ عَ مَ، عَ شَ عَ شُنيِ بِ، عَ شَ عَ دّ شَبٍ مَكٌتٌ عَ بّلّشّ رَ، عَ نُ عَ قَلَ عَ شُي عِتٍشِ رَ ‹سّنِيّنتَرٍ، سّنِيّنتَرٍ.›

⁴⁶دَنمِ نَ قُرٍ حَاشِ نَ عَ مَ، عَ مُ سّنِيّن. قٌ عَ شَ لُ عَ كٍرٍنيِ مَ حَمَ يٌنكِندٍ قَرِ مَ.»

⁴⁷«نَ قُرٍ حَاشِ نْمَ لُدٍ دُفِ مَ نَشَن يَءِلَنشِ شُرُ سٍ شَبٍ رَ، شَ نَ مُ عَ رَ فّسّ قُتٍ رَ.

⁴⁸عَ مَن نْمَ لُدٍ سٍ ندٍ دّنبّشِ مَ نَشَن يَءِلَنشِ شُرُ سٍ شَبٍ رَ، شَ نَ مُ عَ رَ فّسّ قُتٍ رَ. عَ مَن نْمَ لُدٍ سٍ ندٍ مَ نَشَن يَءِلَنشِ شُرُ سٍ كِرِ رَ.

⁴⁹شَ نَ قُرٍ بَرَ عِقْورْ، شَ نَ مُ عَ رَ عَ بَرَ فبٍيلِ دُفِ مَ، كِرِ مَ، شَ نَ مُ عَ رَ سٍ دّنبّشِ مَ، قُرٍ حَاشِ نَ عَ رَ. عَ شَ مَسٍن سّرّشّدُبّ بّ، عَ شَ نَ مَتٌ.

⁵⁰نَ قُرٍ نَ سٍ نَشَن مَ، نَ سٍ شَ رَفَتَ يِرٍ ندٍ عَ كٍرٍنيِ مَ شِ سٌلٌقٍرٍ بُن مَ.

⁵¹شِ سٌلٌقٍرٍ ندٍ لْشْي سّرّشّدُبّ مَن شَ عَ مَتٌ. شَ نَ قُرٍ بَرَ لَنتَن يّ عِ نَ دُفِ مَ، شَ نَ مُ عَ رَ نَ سٍ دّنبّشِ مَ، شَ نَ مُ عَ رَ نَ كِرِ مَ، قُرٍ حَاشِ نَ عَ رَ. نَ بَرَ قِندِ سٍ سّنِيّنتَرٍ رَ.

⁵²سّرّشّدُبّ شَ سٍ بِرِن فَن نَ قُرٍ نَ سٍ نَشَن مَ، دُفِ نَشَن يَءِلَنشِ شُرُ سٍ شَبٍ رَ، دُفِ نَشَن يَءِلَنشِ فّسّ قُتٍ رَ، دُفِ دّنبّشِ، شَ نَ مُ عَ رَ كِرِ.