16شَ سُبٍ بُلَشِ قَ بَرِ، قُرٍ مَ شَ سِفَ سّرّشّدُبّ يِرٍ.
17عَ شَ عَ مَتٌ. شَ قُرٍ بَرَ بَرِ، سّرّشّدُبّ شَ مَسٍنيِ تِ، قُرٍ مَ بَرَ سّنِيّن.
18شَ سُورِ مِنِ مِشِ مَ، عَ قَ يَلَن،
19كْنْ نَ كِرِ قَ قِيشّ، شَ نَ مُ عَ رَ عَ فبٍيلِ، نَ كَنيِ شَ سِفَ سّرّشّدُبّ يِرٍ.
20عَ شَ عَ مَتٌ. شَ قُرٍ يَ بَرَ عِتِلِن، عَ سُبٍ لِ، قَتٍ شَبٍ بَرَ قِيشّ نَ لٌنفٌرِ، سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ. قُرٍ حَاشِ نَ عَ رَ، نَشَن مِنِشِ سُورِ قْشِ.
21شَ سّرّشّدُبّ مُ قَتٍ شَبٍ قِيشّ تٌ، قِ قَن مُ تِلِن، عَ مُ سُبٍ لِشِ، عَ مُ قِيشّ عَ فبٍ رَ، قُرٍ مَ شَ لُ عَ كٍرٍنيِ مَ لْشْشُن كٍرٍن.
22شَ قُرٍ بَرَ لَنتَن يّ عَ قَتٍ مَ، سّرّشّدُبّ شَ مَسٍنيِ تِ، نَ كَنيِ بَرَ قِندِ مِشِ سّنِيّنتَرٍ رَ، قُرٍ حَاشِ نَ عَ رَ.
23كْنْ شَ قُرٍ مُ مَسَرَشِ عَ مُ لَنتَنشِ عَ عِ، سُورِ بَرِشِ نَ عَ رَ. سّرّشّدُبّ شَ مَسٍنيِ تِ، نَ كَنيِ مِشِ سّنِيّنشِ نَ عَ رَ.»