لٍوِ سّرّشّدُبّ 11:27-46

²⁷سُبٍ بِرِن تٌرٍ مُ نَ نَشٍيٍ بّ، عٍ عٍ حّرّ عٍ سَنيِ نَانِيٍ شُن نَ، عٍ رَهَرَ مُشِ وٌ مَ. نَشَن دِنمَ عٍ بِنبِيٍ رَ نَ قِندِ مَ مِشِ سّنِيّنتَرٍ رَ هَن نُنمَرٍ رَ.

²⁸عٍ رَهَرَ مُشِ وٌ مَ. نَشَن عٍ بِنبِيٍ مَشَنِنمَ، نَ كَنيِ لَن نّ عَ شَ عَ شَ دُفِيٍ شَ، عَ مَن قَ قِندِ مِشِ سّنِيّنتَرٍ رَ هَن نُنمَرٍ رَ.»

²⁹«نِمَسٍ نَشَن بِرِن لُمَ يِلِيٍ كُي، عٍ هَرَ مُشِ وٌ بّ. عٍ شِلِيٍ نَن يَ؛ بَلٍ، حّنّ، كَسَ،

³⁰بٌنبٌلِكَ، كٌولٌ، نُن نٍيٍ مَنِيّيٍ.

³¹نَ نِمَسٍ شُنشُرِ مْولِيٍ رَهَرَ مُشِ وٌ مَ. نَشَن دِنمَ عٍ بِنبِيٍ رَ عَ قِندِ مَ مِشِ سّنِيّنتَرٍ رَ هَن نُنمَرٍ رَ.

³²شَ عٍ بِنبِيٍ سَ بِرَ سٍ ندٍ قَرِ، نَ قَن قِندِ مَ سٍ سّنِيّنتَرٍ رَ، عَلْ سٍ سَ سٍ وُرِ دَاشِ، دُفِ، شُرُ سٍ كِرِ شَرَشِ، بّكِ، شَ نَ مُ عَ رَ يِرَبَسٍ ندٍ. عَ لَنمَ نَ سٍ مْولِ شَ سَ يٍ شْورَ هَن نُنمَرٍ رَ عَلَكٌ عَ شَ سّنِيّن.

³³شَ نَ نِمَسٍ مْولِ بِرَ قّحّ ندٍ كُي، قّحّ نُن عَ كُي سٍ بِرِن قِندِ مَ سٍ سّنِيّنتَرٍ رَ. نَ قّحّ شَ كَنَ.

³⁴يٍ نَشَن نُ نَ نَ قّحّ كُي، عَ نَ سَ دٌنسٍ ندٍ مَ، نَ دٌنسٍ قَن قِندِ مَ سٍ سّنِيّنتَرٍ رَ. مِنسٍ يٌ نَشَن نُ نَ نَ قّحّ كُي، عَ قَن قِندِ مَ سٍ سّنِيّنتَرٍ رَ.

³⁵شَ نَ نِمَسٍ مْولِ بِنبِ بِرَ سٍ يٌ مَ، نَ قِندِ مَ سٍ سّنِيّنتَرٍ رَ، عَلْ تَامِ فَنسٍ، شَ نَ مُ عَ رَ تُندٍ. عٍ تٌ قِندِ سٍ سّنِيّنتَرٍيٍ رَ، عَ لَنمَ وٌ شَ عٍ كَنَ.

³⁶كْنْ شَ عٍ بِنبِ سَ بِرَ دُلٌنيِ نَن كُي، شَ نَ مُ عَ رَ يٍ رَفَتَدٍ ندٍ، نٍيٍ تَن مُ قِندِ مَ سٍ سّنِيّنتَرٍيٍ رَ. كْنْ مِشِ نَشَن عَ بّلّشّ دِنمَ عٍ بِنبِيٍ رَ، نَ قِندِ مَ مِشِ سّنِيّنتَرٍ رَ.

³⁷شَ عَ بِنبِ بِرَ سَنسِ شْرِ مَ نَشَن سِمَ، نَ مُ قِندِ مَ سٍ سّنِيّنتَرٍ رَ.

³⁸كْنْ شَ عَ بِنبِ بِرَ سَنسِ شْرِ تَن مَ نَشَن نَ يٍ شْورَ، نَ سَنسِ شْرِ قِندِ مَ سٍ سّنِيّنتَرٍ رَ وٌ بّ.»

³⁹«شَ شُرُ سٍ رَدَشَشِ ندٍ قَشَ، مِشِ قَ دِن عَ بِنبِ رَ، نَ كَنيِ قِندِ مَ سّنِيّنتَرٍ رَ هَن نُنمَرٍ رَ.

⁴⁰نَشَن نَ عَ سُبٍ دٌن، نَ كَنيِ لَن نّ عَ شَ عَ شَ دُفِيٍ شَ، عَ مَن قَ قِندِ سّنِيّنتَرٍ رَ هَن نُنمَرٍ رَ. نَشَن نَ سُبٍ بِنبِ مَشَنِن، نَ كَنيِ لَن نّ عَ شَ عَ شَ دُفِيٍ شَ، عَ مَن قَ قِندِ سّنِيّنتَرٍ رَ هَن نُنمَرٍ رَ.»

⁴¹«نِمَسٍ نَشَن بِرِن عَ بُبُمَ بْشِ مَ، نٍيٍ بِرِن رَهَرَ مُشِ وٌ مَ. عَ مُ لَنمَ وٌ شَ نٍيٍ دٌن.

⁴²بُبُسٍيٍ نُن نِمَسٍ شُنشُرِ نَشٍيٍ حّرّ مَ عٍ سَنيِ نَانِ شُن نَ، شَ نَ مُ عَ رَ عٍ سَنيِ وُيَشِ شُن نَ، عٍ سٍسٍ مُ رَدَشَشِ. وٌ نَشَ عٍ دٌن.

⁴³وٌ نَشَ وٌ يّتّ قِندِ سّنِيّنتَرٍ رَ نَ نِمَسٍ مْولِ سَابُي رَ. وٌ نَشَ عٍ دٌن.

⁴⁴عَلَتَلَ نَن ﭑ نَ، وٌ مَرِفِ عَلَ. وٌ شَ وٌ يّتّ قِ ﭑ تَن نَن مَ. وٌ شَ سّنِيّن، بَرِ مَ ﭑ تَن سّنِيّن. وٌ نَشَ وٌ يّتّ قِندِ سّنِيّنتَرٍ رَ نَ نِمَسٍ شُنشُرِ سَابُي رَ نَشٍيٍ لُمَ حّرّ رَ بْشِ مَ.»

⁴⁵«ﭑ تَن نَن عَلَتَلَ رَ نَشَن وٌ رَ مِنِشِ مِسِرَ بْشِ مَ، عَلَكٌ ﭑ شَ قِندِ وٌ مَرِفِ عَلَ رَ. وٌ شَ سّنِيّن، بَرِ مَ ﭑ تَن سّنِيّن.

⁴⁶سّرِيّ نَن نَ كِ سُبٍيٍ، شْنِيٍ، يّشّييٍ، نُن بُبُسٍيٍ شَ قٍ رَ.