كْنتِ تِقٍ 25:1-15

¹عِسِرَيِلَكَيٍ تٌ نُ يٌنكِنشِ سِتِمِ، عٍ نَشَ سٌ يّنّ رَبَقٍ مٌوَبَ فِنّيٍ رَ.

²نَ فِنّيٍ نَشَ عِسِرَيِلَ شّمّيٍ شِلِ عٍ شَ لَن عٍ شَ سّرّشّيٍ مَ، نَشٍيٍ نُ بَمَ عٍ شَ كُيٍيٍ بّ.

³عِسِرَيِلَكَيٍ تٌ ثٍيٌرِ شَ بَلِ كُيٍ بَتُ قْلْ، عَلَتَلَ نَشَ شْنْ عٍ مَ.

⁴عَلَتَلَ نَشَ عَ قَلَ مُنسَ بّ، عَ عَ شَ حَمَ يَرٍرَتِ بِرِن فبَكُ وُرِ كْن نَ عَ يَ عِ، عَ عٍ يَ رَقِندِ سٌفٍ مَ، عَلَكٌ عَ شَ شْنّ شَ فبِلٍن عِسِرَيِلَ قْشْ رَ.

⁵مُنسَ نَشَ عِسِرَيِلَ كِيتِسَيٍ يَمَرِ، «وٌ شَ مِشِ بِرِن قَشَ، نَشَن بَرَ ثٍيٌرِ شَ بَلِ كُيٍ بَتُ!»

⁶عَ قّقّ نَ قَلَ، عِسِرَيِلَكَ ندٍ نَشَ قَ مَدِيَنكَ فِنّ ندٍ رَ عَ نفَشَكٍرٍنيِيٍ يَ عِ. مُنسَ نُن عِسِرَيِلَ حَمَ نَشٍيٍ نُ نَ وَقٍ هْرْ مْلِنفِرَ سٌدٍ دّ رَ، نَشَ نَ فِنّ نُن نَ شّمّ تٌ.

⁷هَرُنَ شَ مَمَدِ، عٍلٍيَسَرِ شَ دِ شّمّ قِنٍشَسِ سّرّشّدُبّ تٌ نَ فِنّ نُن نَ شّمّ تٌ، عَ نَشَ كٍلِ، عَ تَنبّ تٌنفٌ،

⁸عَ بِرَ نَ شّمّ قْشْ رَ كِرِ بَنشِ كُي، عَ سَ عَ تَن نُن نَ فِنّ سْشْ عَ شَ تَنبّ رَ عٍ قُرِ مَ كٍرٍن نَ. نَ تّمُي عَلَتَلَ شَ شْنّ نَشَ دَن.

⁹مِشِ وُلُ مْشْحّن نُن نَانِ نَن قَشَ نَ فبَلٌي كُي.

¹⁰عَلَتَلَ نَشَ عَ مَسٍن مُنسَ بّ،

¹¹«هَرُنَ سّرّشّدُبّ شَ مَمَدِ، عٍلٍيَسَرِ شَ دِ شّمّ قِنٍشَسِ، بَرَ ﭑ مَ شْنّ بَ عِسِرَيِلَكَيٍ مَ. ﭑ مَ شَنُنتٍيَ ﭑ مَ حَمَ بّ نُ نَ عَ بْحّ كُي، عَ قَ عَ نِيَ عَ شَ نَ رَبَ. ﭑ تَن مُ عِسِرَيِلَ بِرِن سْنتْ ﭑ مَ شَنُنتٍيَ شَ قٍ رَ.

¹²عَ قَلَ قِنٍشَسِ بّ، ﭑ بَرَ بْحّسَ سَاتّ شِرِ عَ تَن نُن ﭑ تَن تَفِ.

¹³نَ سَاتّ لُمَ ﭑ تَن نُن عَ بْنسْي تَفِ، عٍ قَ قِندِ سّرّشّدُبّيٍ رَ عَبَدَن، بَرِ مَ ﭑ مَ شَنُنتٍيَ نُ نَ عَ بْحّ كُي، عَ مَن قَ عَ نِيَ عِسِرَيِلَكَيٍ شَ يُنُبِ شَ شَقَرِ.»

¹⁴عِسِرَيِلَكَ نَشَن قَشَ عٍ نُن نَ مَدِيَن فِنّ رَ، عَ نُ شِلِ سِمِرِ، سَلُ شَ دِ شّمّ. سِمٍيْن بْنسْي شُنيِ ندٍ نَن نُ عَ رَ.

¹⁵نَ فِنّ مَدِيَنكَ تَن نُ شِلِ كْسِبِ، سُورُ شَ دِ فِنّ. مَدِيَن شَبِلّ ندٍيٍ شُنيِ نَن نُ عَ بَبَ رَ.