Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - كْنتِ تِقٍ - كْنتِ تِقٍ 24

كْنتِ تِقٍ 24:1-25

Help us?
Click on verse(s) to share them!
1بَلَمِ تٌ عَ تٌ عَ عَلَتَلَ نُ وَ مَ بَرَكَ سَقٍ عِسِرَيِلَ شَ قٍ مَ، عَ مُ كَرَ مْشْ وَلِ رَبَ عَلْ عَ دَرِشِ عَ رَبَ رَ كِ نَشّ. عَ نَشَ عَ يَ رَقِندِ فبٍنفبٍرٍنيِ مَ.
2عَ تٌ عِسِرَيِلَ حَمَ تٌ، عٍ يٌنكِنشِ عٍ بْنسْي كِ مَ، عَلَ شَشِلِ نَشَ فٌرٌ عَ مَ،
3عَ قَ يِ مَسٍنيِ تِ؛ «ﭑ يِ نَن مَسٍنمَ، ﭑ تَن بٍيٌرِ شَ دِ شّمّ بَلَمِ، نَشَن شَ سٍ عِفبّمَ عَ قَنيِ رَ،
4نَشَن عَلَ شُي رَ مّمَ، نَشَن عَلَ شِلِ شُنفبٍ كَنيِ شَ لَامَتُنيِ تٌمَ، نَشَن قَهَامُي سْتْمَ سُيِدِ كُي.
5يَشُبَ، عِ شَ كِرِ بَنشِيٍ رَيَبُ، عِسِرَيِلَ، عِ شَ لِنفِرَيٍ تٌقَن.
6عٍ فُلُنبَ رَقٍمَ، عٍ لُمَ عَلْ لَاكْي نَشَن نَ شُرٍ دّ رَ، عَلْ وُرِ بِلِيٍ عَلَتَلَ نَشٍيٍ سِشِ يٍ يِرٍ.
7يٍ مُ حْنمَ عِسِرَيِلَ حَمَ يِ رَ، تُنّ فٌرٌ مَ عٍ شَ سَنسِيٍ مَ عَ قَنيِ رَ. عٍ شَ مَنفّ سّنبّ فبٌ عَفَفَ بّ، عِسِرَيِلَ شَ مَنفّيَ شِلِ قَنيِ سْتْمَ نّ.
8عَلَ نَشَ عٍ رَ مِنِ مِسِرَ بْشِ مَ، عٍ سّنبّ فبٌ عَلْ سّشّ نِنفٍ. عٍ عٍ يَشُييٍ شُن نَكَنَمَ نّ، نَشٍيٍ عٍ شْرِ فِرَ مَ، عٍ عٍ قَشَمَ شَلِيٍ رَ.
9عٍ عٍ مَلَبُمَ نّ عَلْ يّتّ، ندٍ سُو سَمَ عٍ رَكٍلِدٍ؟ بَرِكَ شَ لُ مِشِ بّ نَشَن نَ دُبَ وٌ بّ، دَنكَ شَ لُ مِشِ بّ نَشَن نَ وٌ دَنكَ!»
10نَ كُي بَلَكِ نَشَ شْنْ بَلَمِ مَ عَ حَاشِ رَ. عَ نَشَ عَ قَلَ، «ﭑ عِ شِلِ نّ عِ شَ ﭑ يَشُييٍ دَنكَ، كْنْ عَ سَنيَ سَشَن ندٍ نَن يِ كِ، عِ نَ دُبَقٍ عٍ بّ!
11كٍلِ بٍ كٍرٍن نَ! سِفَ عِ شْنيِ! ﭑ نُ بَرَ لَايِدِ تٌنفٌ عِ بّ وَلِ سَرٍ شَ قٍ رَ، كْنْ عَلَتَلَ مُ تِنشِ عِ شَ عَ سْتْ!»
12بَلَمِ نَشَ عَ يَابِ، «ﭑ مُ عَ قَلَ عِ شَ شّيرَيٍ بّ،
13‹هَلِ بَلَكِ عَ شَ بَنشِ نَن نَقٍ فبٍتِ نُن شّيمَ رَ ﭑ بّ، ﭑ مُ نْمَ سٍسٍ رَبَدٍ عَلَتَلَ مُ ﭑ يَمَرِ نَشَن نَ. عَلَتَلَ نَشَن مَسٍنمَ ﭑ بّ، ﭑ نْمَ فبِلٍندٍ نَ قْشْ رَ؟›
14عَوَ، يَكْسِ، ﭑ نَ فبِلٍنقٍ ﭑ شْنيِ، كْنْ عِ شَ عَ كٌلٌن يِ حَمَ نَشَن نَبَمَ وٌ رَ.»
15نَ تّمُي بَلَمِ نَشَ يِ مَسٍنيِ تِ عَ بّ؛ «بٍيٌرِ شَ دِ شّمّ بَلَمِ شَ مَسٍنيِ نَن يَ، نَشَن سٍيٍ عِفبّمَ عَ قَنيِ رَ،
16نَشَن عَلَ شُي رَ مّمَ، نَشَن عَلَ شِلِ شُنفبٍ كَنيِ شَ لَامَتُنيِ تٌمَ، نَشَن قَهَامُي سْتْمَ عَلَ شِلِ شُنفبٍ سَابُي رَ.
17ﭑ قٍ تٌشِ نَشَن قَمَ رَبَدٍ يَرٍ. ﭑ قٍ تٌشِ نَشَن مَكُيَ يَكْسِ رَ. تُنبُي ندٍ قَمَ تٍدٍ كٍلِقٍ يَشُبَ شَ مِشِيٍ مَ. مَنفّ تْنشُمَ ندٍ قَمَ كٍلِدٍ عِسِرَيِلَ يَ مَ. عَ مٌوَبَ شُن نَكَنَمَ نّ، عَ سٍتِ شَ دِيٍ شَ قٍ حْنمَ نّ.
18عٍدٌن شَ قٍ فٌرٌ مَ نّ، سٍيِرِ شَ قٍ فٌرٌ مَ نّ، كْنْ عِسِرَيِلَ سّنبّ سْتْمَ نّ.
19مَنفّ ندٍ كٍلِمَ يَشُبَ شَ مِشِيٍ يَ مَ، نَشَن بٍكَيٍ سْنتْمَ.»
20بَلَمِ تٌ عَمَلّكِكَيٍ تٌ، عَ نَشَ يِ مَسٍنيِ تِ؛ «عَمَلّكِ سِ قِسَمَنتٍ نَ نُ عَ رَ، كْنْ عَ رَحْنيِ، عَ بْنْمَ نّ!»
21بَلَمِ تٌ كٍنِكَيٍ تٌ، عَ نَشَ يِ مَسٍنيِ تِ؛ «وٌ سَبَتِدٍ مَبَنبَنشِ، وٌ تّي سَشِ قَنيٍ نَن قَرِ،
22كْنْ عَسُرِ قَمَ نّ وٌ شُن نَكَنَدٍ، عَ وٌ قِندِ فٍيلِمَنِيٍ رَ.»
23نَ تّمُي عَ نَشَ عَ شَ مَسٍنيِ شُن دُ سُ؛ «ندٍ نْمَ كِسِدٍ عَلَ شَ حَشَنكَتّ مَ؟
24كُنكُييٍ قَمَ نّ كٍلِقٍ كِتِمِ، عٍ نْمَ نّ عَسُرِ نُن شٍبٍرِ رَ، كْنْ عَ رَحْنيِ، عٍ قَن شُن نَكَنَمَ نّ.»
25نَ دَنفِ شَنبِ، بَلَمِ نَشَ كٍلِ، عَ فبِلٍن عَ شْنيِ. بَلَكِ قَن نَشَ كٍلِ نَا.

Read كْنتِ تِقٍ 24كْنتِ تِقٍ 24
Compare كْنتِ تِقٍ 24:1-25كْنتِ تِقٍ 24:1-25