1عَرَدِ مَنفّ كَنَانكَ، نَشَن نُ سَبَتِشِ نٍفٍوِ بْشِ مَ، عَ تٌ عَ مّ، عَ عِسِرَيِلَ نُ مِنِقٍ عَتَرِ مَ كِرَ نَن نَ، عَ نَشَ عٍ فٍرٍ، عَ ندٍيٍ قِندِ فٍيلِمَنِيٍ رَ.
2نَ كُي عِسِرَيِلَ نَشَ يِ لَايِدِ تٌنفٌ عَلَتَلَ بّ، «شَ عِ يِ مِشِيٍ سَ مُشُ سَفٌي، مُشُ عٍ شَ تَا بِرِن كَنَمَ نّ.»
3عَلَتَلَ نَشَ تِن عِسِرَيِلَكَيٍ شَ لَايِدِ رَ، عَ نَشَ كَنَانكَيٍ سَ عٍ سَفٌي. عِسِرَيِلَكَيٍ نَشَ عٍ سْنتْ، عٍ عٍ شَ تَايٍ كَنَ. نَ نَن عَ تٌشِ عٍ نَشَ مّننِ شِلِ سَ هٌرٌ مَ، نَشَن وَ مَ عَ قَلَقٍ «فبَلٌي.»
4عِسِرَيِلَكَيٍ نَشَ كٍلِ هٌرٌ فٍيَ مَ شُلُنيُمِ بَا كِرَ شْن مَ، عَلَكٌ عٍ شَ عٍدٌن بْشِ مَبِلِن. كْنْ لِمَنِيَ نَشَ بَ عٍ يِ رَ،
5عٍ قَ عَ قَلَ عَلَتَلَ نُن مُنسَ بّ، «مُنقٍ رَ وٌ مُشُ رَ مِنِشِ مِسِرَ بْشِ رَ، عَلَكٌ مُشُ شَ قَ قَشَ فبٍنفبٍرٍنيِ مَ؟ تَامِ مُ نَ بٍ، يٍ مُ نَ بٍ، قٌ يِ دٌنسٍ حَاشِ نَشَن فٌرٌ مَ كٌورٍ مَ!»