كْنتِ تِقٍ 20:7-19

⁷عَلَتَلَ نَشَ عَ مَسٍن مُنسَ بّ،

⁸«عِ شَ يِسُشُوُرِ تٌنفٌ. عِ تَن نُن عِ تَارَ هَرُنَ، وٌ شَ عِسِرَيِلَكَ بِرِن مَلَن، وٌ وْيّن قَنيٍ رَ عٍ يَ شْرِ، عَلَكٌ عَ شَ يٍ رَ مِنِ. وٌ يٍ رَ مِنِمَ نّ عِسِرَيِلَ حَمَ بّ عَلَكٌ عٍ تَن نُن عٍ شَ شُرُ سٍيٍ شَ يٍ مِن.»

⁹مُنسَ نَشَ عَ شَ يِسُشُوُرِ تٌنفٌ نَشَن نُ نَ هْرْ مْلِنفِرَ كُي، عَلْ عَلَتَلَ عَ يَمَرِ عَ بّ كِ نَشّ.

¹⁰مُنسَ نُن هَرُنَ نَشَ حَمَ مَلَن نَ قَنيٍ يَ رَ، عٍ قَ عَ قَلَ عٍ بّ، «وٌ تُلِ مَتِ، وٌ تَن مَتَندِلَيٍ. مُشُ شَ يٍ رَ مِنِ وٌ بّ يِ قَنيٍ كُي؟»

¹¹مُنسَ نَشَ عَ بّلّشّ عِتٍ، عَ قَنيٍ بْنبْ سَنيَ قِرِن عَ شَ يِسُشُوُرِ رَ. يٍ نَشَ فبُسَن قَنيٍ رَ، حَمَ نُن شُرُ سٍ بِرِن نَشَ عٍ مِن.

¹²كْنْ عَلَتَلَ نَشَ عَ مَسٍن مُنسَ نُن هَرُنَ بّ، «وٌ تٌ مُ لَشِ ﭑ نَ، عِسِرَيِلَ حَمَ يَ شْرِ، وٌ شَ بِنيّ تِ ﭑ تَن سّنِيّنتْي مَ، وٌ تَن مُ قَمَ يِ حَمَ رَ سٌدٍ نَ بْشِ مَ ﭑ دّننَشّ قِشِ عٍ مَ.»

¹³عٍ مّننِ نَن شِلِ مٍرِبَ يٍ، بَرِ مَ عِسِرَيِلَكَيٍ سْنشْ عَلَتَلَ مَ مّننِ نّ، عَ قَ عَ شَ سّنِيّنيِ مَسٍن عٍ بّ.

¹⁴مُنسَ نَشَ شّيرَيٍ شّي عٍدٌن مَنفّ مَ كٍلِ كَدٍ سِ، عَ قَلَقٍ رَ عَ بّ، «عِ نفَشَكٍرٍنيِ عِسِرَيِلَكَيٍ شُي نَن يَ! عِ عَ كٌلٌن مُشُ تْورْشِ كِ نَشّ.

¹⁵مُشُ بٍنبَيٍ فٌرٌ نّ مِسِرَ، مُشُ نَشَ حّ وُيَشِ رَبَ مّننِ. كْنْ مِسِرَكَيٍ نَشَ مُشُ نُن مُشُ بٍنبَيٍ حَشَنكَتَ.

¹⁶مُشُ نَشَ عَلَتَلَ مَشَندِ، عَ قَ مُشُ شُي رَ مّ. عَ نَشَ عَ شَ مَلٍكّ شّي مُشُ رَ مِنِدٍ مِسِرَ. يَكْسِ مُشُ نَ بٍ كَدٍ سِ نَشَن نَ وٌ شَ نَانِنيِ رَ.

¹⁷عَ لُ مُشُ شَ دَنفِ وٌ شَ بْشِ تَفِ. مُشُ مُ وٌ شَ شّيٍ نُن وٌ شَ وّنِ بِلِيٍ كَنَمَ. مُشُ مُ يٍ بَمَ وٌ شَ كْلْنيِيٍ كُي. مُشُ مُ سِفَمَ كْولَ مَ، مُشُ مُ قَمَ يِرٍقَنيِ مَ. مُشُ تِمَ وٌ شَ كِرَ شُنفبٍ كٍرٍنيِ نَن شْن، هَن مُشُ دَنفِمَ وٌ شَ بْشِ رَ تّمُي نَشّ.»

¹⁸عٍدٌن مَنفّ نَشَ عَ يَابِ، «وٌ مُ دَنفِمَ مُشُ شَ بْشِ رَ قٍقٍ مَ، شَ نَ مُ مُشُ وٌ فٍرٍ مَ سَنتِدّفّمَ نَن نَ.»

¹⁹عِسِرَيِلَكَيٍ مَن نَشَ عَ قَلَ عَ بّ، «مُشُ تَن دَنفِمَ نّ كِرَ شْن. شَ مُشُ نُن مُشُ شَ شُرُ سٍيٍ وٌ شَ يٍ ندٍ مِن، مُشُ شَ عَ سَرٍ قِ. مُشُ مُ عِ مَشْرِنشِ سٍسٍ مَ، مُشُ وَ مَ دَنفِقٍ نّ تُن.»