كْنتِ تِقٍ 20:14-28

¹⁴مُنسَ نَشَ شّيرَيٍ شّي عٍدٌن مَنفّ مَ كٍلِ كَدٍ سِ، عَ قَلَقٍ رَ عَ بّ، «عِ نفَشَكٍرٍنيِ عِسِرَيِلَكَيٍ شُي نَن يَ! عِ عَ كٌلٌن مُشُ تْورْشِ كِ نَشّ.

¹⁵مُشُ بٍنبَيٍ فٌرٌ نّ مِسِرَ، مُشُ نَشَ حّ وُيَشِ رَبَ مّننِ. كْنْ مِسِرَكَيٍ نَشَ مُشُ نُن مُشُ بٍنبَيٍ حَشَنكَتَ.

¹⁶مُشُ نَشَ عَلَتَلَ مَشَندِ، عَ قَ مُشُ شُي رَ مّ. عَ نَشَ عَ شَ مَلٍكّ شّي مُشُ رَ مِنِدٍ مِسِرَ. يَكْسِ مُشُ نَ بٍ كَدٍ سِ نَشَن نَ وٌ شَ نَانِنيِ رَ.

¹⁷عَ لُ مُشُ شَ دَنفِ وٌ شَ بْشِ تَفِ. مُشُ مُ وٌ شَ شّيٍ نُن وٌ شَ وّنِ بِلِيٍ كَنَمَ. مُشُ مُ يٍ بَمَ وٌ شَ كْلْنيِيٍ كُي. مُشُ مُ سِفَمَ كْولَ مَ، مُشُ مُ قَمَ يِرٍقَنيِ مَ. مُشُ تِمَ وٌ شَ كِرَ شُنفبٍ كٍرٍنيِ نَن شْن، هَن مُشُ دَنفِمَ وٌ شَ بْشِ رَ تّمُي نَشّ.»

¹⁸عٍدٌن مَنفّ نَشَ عَ يَابِ، «وٌ مُ دَنفِمَ مُشُ شَ بْشِ رَ قٍقٍ مَ، شَ نَ مُ مُشُ وٌ فٍرٍ مَ سَنتِدّفّمَ نَن نَ.»

¹⁹عِسِرَيِلَكَيٍ مَن نَشَ عَ قَلَ عَ بّ، «مُشُ تَن دَنفِمَ نّ كِرَ شْن. شَ مُشُ نُن مُشُ شَ شُرُ سٍيٍ وٌ شَ يٍ ندٍ مِن، مُشُ شَ عَ سَرٍ قِ. مُشُ مُ عِ مَشْرِنشِ سٍسٍ مَ، مُشُ وَ مَ دَنفِقٍ نّ تُن.»

²⁰عٍدٌن مَنفّ مَن نَشَ عَ يَابِ، «وٌ مُ دَنفِمَ قٍوٌ!» نَ كُي، عَ نَشَ عَ شَ سْورِيٍ رَ مِنِ عَ سّنبّ كِ مَ عِسِرَيِلَكَيٍ يَ رَ.

²¹عٍدٌن مَنفّ تٌ تٌندِ عِسِرَيِلَكَيٍ شَ دَنفِ عَ شَ بْشِ رَ، عِسِرَيِلَ نَشَ فبِلٍن.

²²عِسِرَيِلَ حَمَ نَشَ كٍلِ كَدٍ سِ، عٍ نَشَ سِفَ هٌرٌ فٍيَ يِرٍ.

²³عَلَتَلَ نَشَ عَ قَلَ مُنسَ نُن هَرُنَ بّ هٌرٌ فٍيَ يِرٍ، عٍدٌن شَ بْشِ نَانِنيِ رَ،

²⁴«هَرُنَ قَمَ نّ عَ بٍنبَيٍ لِدٍ عَلِفِيَمَ. عَ مُ سٌمَ نَ بْشِ مَ ﭑ دّننَشّ قِشِ عِسِرَيِلَكَيٍ مَ، بَرِ مَ وٌ بَرَ ﭑ مَ يَامَرِ مَتَندِ مٍرِبَ يٍ شَ قٍ رَ.

²⁵عِ شَ هَرُنَ نُن عَ شَ دِ شّمّ عٍلٍيَسَرِ شَنِن هٌرٌ فٍيَ قَرِ.

²⁶مّننِ عِ شَ سّرّشّدُبّ دُفِيٍ بَ هَرُنَ مَ، عِ عٍ رَفٌرٌ عَ شَ دِ شّمّ عٍلٍيَسَرِ مَ. هَرُنَ لَاشِرَ مَ نّ مّننِ، عَ قَ عَ بٍنبَيٍ يِرٍ لِ.»

²⁷مُنسَ نَشَ عَ رَبَ، عَلْ عَلَتَلَ عَ يَمَرِ كِ نَشّ. عٍ نَشَ تٍ هٌرٌ فٍيَ قَرِ عِسِرَيِلَكَ بِرِن يَ شْرِ.

²⁸مُنسَ نَشَ هَرُنَ شَ دٌنمَيٍ بَ عَ مَ، عَ عٍ رَفٌرٌ عَ شَ دِ شّمّ عٍلٍيَسَرِ مَ. هَرُنَ نَشَ لَاشِرَ فٍيَ قَرِ. مُنسَ نُن عٍلٍيَسَرِ نَشَ فٌرٌ فٍيَ رَ،