كْنتِ تِقٍ 19:1-14

¹عَلَتَلَ نَشَ عَ مَسٍن مُنسَ نُن هَرُنَ بّ،

²«عَلَ شَ سّرِيّ نَن يَ. عِسِرَيِلَكَيٍ شَ قَ نِنفٍ فِنّ فبٍيلِ رَ، نَشَن مُ مَبّنشِ، لَنيُرُ مُ نَ نَشَن مَ، عَ نُن نَشَن مُ سَرِ بّندُنشِ سِندٍن.

³عِ شَ نَ سٌ عٍلٍيَسَرِ سّرّشّدُبّ يِ رَ، عَ كْن قَ رَشَبَ عَ يَ شْرِ يٌنكِندٍ قَرِ مَ.

⁴عٍلٍيَسَرِ شَ عَ وُلِ ندٍ كَسَن عَ بّلّشّسٌلٍ رَ هْرْ مْلِنفِرَ سٌدٍ مَبِرِ سَنمَيَ سٌلٌقٍرٍ.

⁵عٍ شَ نَ نِنفٍ فُندِ بِرِن فَن عَ يَ شْرِ، عَ كِرِ، عَ سُبٍ، عَ وُلِ، نُن عَ حَحّ.

⁶نَ نِنفٍ نَ فَنقٍ تّمُي نَشّ، سّرّشّدُبّ شَ سّدِرِ وُرِ ندٍ، هِسٌثِ، نُن فّسّ فبٍيلِ وٌلِ تّ شْورَ.»

⁷«نَ دَنفِ شَنبِ، سّرّشّدُبّ شَ عَ قَتٍ نُن عَ شَ سٌسٍيٍ مَشَ، عَ قَ سٌ يٌنكِن يِرٍ، كْنْ عَ مُ سّنِيّنشِ هَن نُنمَرٍ.

⁸نَشَن بَرَ نِنفٍ فَن، نَ قَن شَ عَ قَتٍ نُن عَ شَ سٌسٍيٍ مَشَ، كْنْ عَ مُ سّنِيّنشِ هَن نُنمَرٍ.

⁹مِشِ سّنِيّنشِ ندٍ شَ نَ نِنفٍ فَنشِ شُبٍ مَكْ، عَ سَ عٍ سَ يِرٍ سّنِيّنشِ يٌنكِندٍ قَرِ مَ. عَ رَفَتَمَ مّننِ نّ عِسِرَيِلَ حَمَ بّ عَلَكٌ عٍ شَ مَرَ سّنِيّن يّ يَءِلَن عَ رَ. يُنُبِ شَقَرِ سّرّشّ نَن عَ رَ.

¹⁰نَشَن بَرَ نَ نِنفٍ فَنشِ شُبٍ مَكْ، نَ قَن شَ عَ قَتٍ نُن عَ شَ دُفِيٍ شَ، كْنْ عَ مُ سّنِيّنشِ هَن نُنمَرٍ. نَ سّرِيّ مُ كَنَمَ عَبَدَن عِسِرَيِلَكَيٍ نُن عٍ شْحّيٍ بّ.»

¹¹«نَشَن نَ دِن مِشِ قَشَشِ رَ، نَ كَنيِ قِندِ مَ سّنِيّنتَرٍ نَن نَ شِ سٌلٌقٍرٍ بُن مَ.

¹²عَ شَ عَ يّتّ رَ سّنِيّن يِ مَرَ سّنِيّن يٍ رَ عَ شِ سَشَن ندٍ نُن عَ شِ سٌلٌقٍرٍ ندٍ مَ. شَ عَ مُ عَ رَبَ نَ شِ سَشَن ندٍ نُن نَ شِ سٌلٌقٍرٍ ندٍ مَ، عَ مُ سّنِيّنمَ.

¹³شَ نَشَن يٌ دِن مِشِ قَشَشِ قُرٍ رَ، عَ قَ لُ عَ مُ عَ يّتّ رَ سّنِيّن، نَ كَنيِ شَ سّنِيّنتَرٍحَ دَنفِمَ نّ عَلَتَلَ شَ هْرْ مْلِنفِرَ مَ. نَ كَنيِ شَ كٍرِ عِسِرَيِلَكَيٍ يَ مَ. مَرَ سّنِيّن يٍ تٌ مُ كَسَنشِ عَ مَ، عَ مُ سّنِيّنشِ.»

¹⁴«سّرِيّ نَن يَ؛ شَ مِشِ قَشَ كِرِ بَنشِ ندٍ كُي، مِشِ يٌ نَشَن نَ نَا، شَ نَ مُ عَ رَ عَ سٌمَ نَا، نَ كَنيِ قِندِ مَ مِشِ سّنِيّنتَرٍ نَن نَ شِ سٌلٌقٍرٍ بُن مَ.