كْنتِ تِقٍ 15:12-37

¹²وٌ شَ نَ رَبَ شُرُ سٍ بِرِن بّ.

¹³عِسِرَيِلَكَ بِرِن شَ عَ رَبَ نَ كِ نّ عٍ شَ سّرّشّ بِرِن بّ، عٍ نَشَن بَمَ تّ رَ عَلَتَلَ بّ.

¹⁴شْحّ نَشٍيٍ نَ وٌ يَ مَ، عٍ قَن شَ عَ رَبَ نَ كِ عٍ سّرّشّ فَن دَاشِ بَمَ تّمُي نَشّ. نَ رَقَن عَلَتَلَ مَ.

¹⁵سّرِيّ كٍرٍن نَن لُمَ حَمَ بِرِن بّ، عِسِرَيِلَكَيٍ بَ، شْحّيٍ بَ. كٍلِ وٌ تَن مَ، هَن وٌ شَ دِيٍ، نُن نٍيٍ قَن شَ دِيٍ نَشٍيٍ قَمَ، وٌ تَن يٌ، شْحّ يٌ، وٌ بِرِن شَ عَلَتَلَ شَ سّرِيّ سُشُ نَ كِ نّ.

¹⁶عِسِرَيِلَكَيٍ بَ، شْحّيٍ بَ، وٌ بِرِن نَ سّرِيّ كٍرٍن نُن يَامَرِ كٍرٍن نَن بُن مَ.»

¹⁷عَلَتَلَ نَشَ عَ مَسٍن مُنسَ بّ،

¹⁸«عَ قَلَ عِسِرَيِلَكَيٍ بّ، ‹وٌ نَ سٌ بْشِ مَ، ﭑ وٌ رَ سٌقٍ دّننَشّ،

¹⁹وٌ قَ نَ بْشِ دَشَمُي سْتْ، وٌ شَ ندٍ بَ سّرّشّ رَ ﭑ بّ.

²⁰وٌ نَ تَامِ سِنفٍ يَءِلَن سَنسِ شْرِ نّينّ رَ، وٌ شَ ندٍ بَ سّرّشّ رَ ﭑ بّ، عَلْ وٌ سَنسِ شْرِ نّينّ ندٍ بَمَ كِ نَشّ شّ شَبَ تّمُي لٌنيِ يِرٍ.

²¹وٌ شَ نَ تَامِ سِنفٍ بَ عَلَتَلَ بّ حّ يٌ حّ.›»

²²«شَ عَ سَ لِ وٌ تَنتَنشِ نّ عَلَتَلَ شَ يَامَرِيٍ سُشُقٍ كُي، عَ نَشٍيٍ مَسٍنشِ مُنسَ بّ،

²³كٍلِقٍ نَ مَسٍن تّمُي، هَن وٌ شَ دِيٍ شَ مَمَدِيٍ شَ تّمُي،

²⁴شَ وٌ مُ نَ رَبَ وٌ حَنِفٍ رَ، وٌ عَ رَبَ كٌلٌنتَرٍيَ كُي، حَمَ شَ تُورَ بَ سّرّشّ فَن دَاشِ رَ، نَشَن نَقَن عَلَتَلَ مَ. وٌ شَ سَنسِ شْرِ دِنشِ سّرّشّ نُن وّنِ سّرّشّ سَ نَ قَرِ عَ رَبَ كِ مَ، عَ نُن سِكْتّ نَشَن قِندِ مَ يُنُبِ شَقَرِ سّرّشّ رَ.

²⁵سّرّشّدُبّ يُنُبِ شَقَرِ مَشَندِ مَ نّ عِسِرَيِلَكَ بِرِن بّ. عَلَتَلَ دِحّمَ نّ عٍ مَ. يُنُبِ نَن عَ رَ، عٍ مُ نَشَن حَنِفٍشِ. عٍ مَن بَرَ سّرّشّ فَن دَاشِ بَ عَلَتَلَ بّ، عَ نُن عٍ شَ يُنُبِ شَقَرِ سّرّشّ.

²⁶نَ يُنُبِ شَقَرِ مَ نّ عِسِرَيِلَكَ بِرِن نُن عٍ شَ شْحّيٍ بّ، بَرِ مَ تَنتَنيِ نَ نُ عَ رَ.»

²⁷«شَ مِشِ كٍرٍن نَن يُنُبِ رَبَ حَنِفٍتَرٍحَ كُي، عَ شَ سِ فِنّ كٍرٍن بَ يُنُبِ شَقَرِ سّرّشّ رَ، نَشَن بَرَ حّ كٍرٍن سْتْ.

²⁸سّرّشّدُبّ يُنُبِ شَقَرِ مَشَندِ مَ نّ نَ مِشِ بّ نَشَن يُنُبِ رَبَ حَنِفٍتَرٍحَ كُي عَلَتَلَ يَ شْرِ. نَ نَ حْن، عَ شَ يُنُبِ بَرَ شَقَرِ.

²⁹نَ سّرِيّ كٍرٍنيِ نَ عِسِرَيِلَكَيٍ نُن عٍ شَ شْحّيٍ بّ، يُنُبِ رَبَقٍ حَنِفٍتَرٍحَ شَ قٍ رَ.

³⁰كْنْ شَ مِشِ ندٍ سَ عَلَتَلَ مَتَندِ عَ حَنِفٍ رَ، عَ قِندِ عِسِرَيِلَكَ رَ، عَ قِندِ شْحّ رَ، نَ كَنيِ كٍرِ مَ نّ حَمَ تَفِ.

³¹عَ بَرَ عَلَتَلَ شَ مَسٍنيِ مَبٍرٍ، عَ بَرَ عَلَتَلَ شَ سّرِيّ مَتَندِ. نَ كَنيِ كٍرِ مَ نّ حَمَ تَفِ، بَرِ مَ نَ يُنُبِ كٌتٍ دْشْشِ عَ شُن مَ.»

³²عِسِرَيِلَكَيٍ تٌ نُ نَ فبٍنفبٍرٍنيِ مَ، عٍ نَشَ مِشِ ندٍ لِ مَلَبُي لْشْي عَ يٍفٍ قٍنقٍ.

³³عٍ نَشَ عَ شَنِن مُنسَ نُن هَرُنَ شْن حَمَ يَ شْرِ.

³⁴عٍ نَشَ عَ سُشُ، كْنْ عٍ مُ عَ حَشَنكَتَ، بَرِ مَ نَتّ مُ نُ تٌنفٌشِ عَ شَ قٍ رَ سِندٍن.

³⁵عَلَتَلَ نَشَ عَ مَسٍن مُنسَ بّ، «يِ شّمّ لَن نّ عَ شَ قَشَ. حَمَ بِرِن شَ عَ مَفْنْ هَن عَ قَشَ يٌنكِندٍ قَرِ مَ.»

³⁶حَمَ بِرِن نَشَ عَ رَ مِنِ عٍ يٌنكِندٍ قَرِ مَ، عٍ عَ مَفْنْ هَن عَ قَشَ، عَلْ عَلَتَلَ عَ يَمَرِ مُنسَ بّ كِ نَشّ.

³⁷عَلَتَلَ نَشَ عَ مَسٍن مُنسَ بّ،