Text copied!
CopyCompare
سٌسٌ كِتَابُييٍ؛ تَوُرٍتَ، يَبُرَ، عِنيِلَ - كْنتِ تِقٍ - كْنتِ تِقٍ 15

كْنتِ تِقٍ 15:11-28

Help us?
Click on verse(s) to share them!
11«نَ نَن نَبَمَ نِنفٍيٍ، يّشّي كٌنتٌنيِيٍ، يّشّييٍ، نُن سِيٍ بِرِن بّ وٌ نَشَن بَمَ سّرّشّ رَ.
12وٌ شَ نَ رَبَ شُرُ سٍ بِرِن بّ.
13عِسِرَيِلَكَ بِرِن شَ عَ رَبَ نَ كِ نّ عٍ شَ سّرّشّ بِرِن بّ، عٍ نَشَن بَمَ تّ رَ عَلَتَلَ بّ.
14شْحّ نَشٍيٍ نَ وٌ يَ مَ، عٍ قَن شَ عَ رَبَ نَ كِ عٍ سّرّشّ فَن دَاشِ بَمَ تّمُي نَشّ. نَ رَقَن عَلَتَلَ مَ.
15سّرِيّ كٍرٍن نَن لُمَ حَمَ بِرِن بّ، عِسِرَيِلَكَيٍ بَ، شْحّيٍ بَ. كٍلِ وٌ تَن مَ، هَن وٌ شَ دِيٍ، نُن نٍيٍ قَن شَ دِيٍ نَشٍيٍ قَمَ، وٌ تَن يٌ، شْحّ يٌ، وٌ بِرِن شَ عَلَتَلَ شَ سّرِيّ سُشُ نَ كِ نّ.
16عِسِرَيِلَكَيٍ بَ، شْحّيٍ بَ، وٌ بِرِن نَ سّرِيّ كٍرٍن نُن يَامَرِ كٍرٍن نَن بُن مَ.»
17عَلَتَلَ نَشَ عَ مَسٍن مُنسَ بّ،
18«عَ قَلَ عِسِرَيِلَكَيٍ بّ، ‹وٌ نَ سٌ بْشِ مَ، ﭑ وٌ رَ سٌقٍ دّننَشّ،
19وٌ قَ نَ بْشِ دَشَمُي سْتْ، وٌ شَ ندٍ بَ سّرّشّ رَ ﭑ بّ.
20وٌ نَ تَامِ سِنفٍ يَءِلَن سَنسِ شْرِ نّينّ رَ، وٌ شَ ندٍ بَ سّرّشّ رَ ﭑ بّ، عَلْ وٌ سَنسِ شْرِ نّينّ ندٍ بَمَ كِ نَشّ شّ شَبَ تّمُي لٌنيِ يِرٍ.
21وٌ شَ نَ تَامِ سِنفٍ بَ عَلَتَلَ بّ حّ يٌ حّ.›»
22«شَ عَ سَ لِ وٌ تَنتَنشِ نّ عَلَتَلَ شَ يَامَرِيٍ سُشُقٍ كُي، عَ نَشٍيٍ مَسٍنشِ مُنسَ بّ،
23كٍلِقٍ نَ مَسٍن تّمُي، هَن وٌ شَ دِيٍ شَ مَمَدِيٍ شَ تّمُي،
24شَ وٌ مُ نَ رَبَ وٌ حَنِفٍ رَ، وٌ عَ رَبَ كٌلٌنتَرٍيَ كُي، حَمَ شَ تُورَ بَ سّرّشّ فَن دَاشِ رَ، نَشَن نَقَن عَلَتَلَ مَ. وٌ شَ سَنسِ شْرِ دِنشِ سّرّشّ نُن وّنِ سّرّشّ سَ نَ قَرِ عَ رَبَ كِ مَ، عَ نُن سِكْتّ نَشَن قِندِ مَ يُنُبِ شَقَرِ سّرّشّ رَ.
25سّرّشّدُبّ يُنُبِ شَقَرِ مَشَندِ مَ نّ عِسِرَيِلَكَ بِرِن بّ. عَلَتَلَ دِحّمَ نّ عٍ مَ. يُنُبِ نَن عَ رَ، عٍ مُ نَشَن حَنِفٍشِ. عٍ مَن بَرَ سّرّشّ فَن دَاشِ بَ عَلَتَلَ بّ، عَ نُن عٍ شَ يُنُبِ شَقَرِ سّرّشّ.
26نَ يُنُبِ شَقَرِ مَ نّ عِسِرَيِلَكَ بِرِن نُن عٍ شَ شْحّيٍ بّ، بَرِ مَ تَنتَنيِ نَ نُ عَ رَ.»
27«شَ مِشِ كٍرٍن نَن يُنُبِ رَبَ حَنِفٍتَرٍحَ كُي، عَ شَ سِ فِنّ كٍرٍن بَ يُنُبِ شَقَرِ سّرّشّ رَ، نَشَن بَرَ حّ كٍرٍن سْتْ.
28سّرّشّدُبّ يُنُبِ شَقَرِ مَشَندِ مَ نّ نَ مِشِ بّ نَشَن يُنُبِ رَبَ حَنِفٍتَرٍحَ كُي عَلَتَلَ يَ شْرِ. نَ نَ حْن، عَ شَ يُنُبِ بَرَ شَقَرِ.

Read كْنتِ تِقٍ 15كْنتِ تِقٍ 15
Compare كْنتِ تِقٍ 15:11-28كْنتِ تِقٍ 15:11-28