كْنتِ تِقٍ 12:2-15

²عَ قَلَقٍ رَ، «عَلَتَلَ وْيّنمَ مُنسَ نَن فبَنسَن سَابُي رَ؟ عَ مُ وْيّنمَ مُشُ قَن سَابُي رَ؟» عَلَتَلَ نَشَ نَ مَسٍنيِ مّ.

³مُنسَ نُ قِندِشِ يّتّ مَفٌرٌي نَن نَ دَنفِقٍ مِشِ بِرِن نَ.

⁴عَلَتَلَ نَشَ مُنسَ، هَرُنَ، نُن مَرِيَمَ شِلِ كٍرٍن نَ، عَ عٍ بِرِن شَ سِفَ هْرْ مْلِنفِرَ. عٍ تٌ سِفَ نَا،

⁵عَلَتَلَ نَشَ فٌرٌ نُشُي كُي هْرْ مْلِنفِرَ دّ رَ. عَ نَشَ هَرُنَ نُن مَرِيَمَ شِلِ. عٍ قِرِن نَشَ عٍ مَسٌ عَ رَ.

⁶عَلَتَلَ نَشَ عَ مَسٍن عٍ بّ، «وٌ تُلِ مَتِ ﭑ مَ مَسٍنيِ رَ. ﭑ نَمِحْنمّ شّيمَ وٌ يَ مَ تّمُي نَشّ، ﭑ نَن ﭑ يّتّ مَسٍنمَ نَ كَنيِ بّ لَامَتُنيِ نَن كُي. ﭑ وْيّن عَ رَ شِيٍ رَ.

⁷كْنْ ﭑ مَ كٌنيِ مُنسَ تَن فبٍ مُ نَ نَ كِ شّ. عَ تَن قِندِشِ ﭑ دُفُتّفّ نَن نَ ﭑ مَ وَلِ بِرِن كُي.

⁸ﭑ نَ ﭑ مَ مَسٍنيِ مَكّنّنمَ عَ بّ، ﭑ مُ تَالِ وْيّنيِ رَوَلِمَ مُشُ تَفِ. ﭑ نَن ﭑ يّتّ مَسٍنمَ عَ بّ، عَ قَ ﭑ نِينِ عِفبّقٍ. مُنقٍ رَ وٌ مُ فَاشُ ﭑ مَ كٌنيِ مُنسَ مَقَلَقٍ رَ؟»

⁹عَلَتَلَ نَشَ شْنْ عٍ مَ، عَ قَ كٍلِ عٍ شُن مَ.

¹⁰نُشُي تٌ كٍلِ هْرْ مْلِنفِرَ شُن مَ، مَرِيَمَ قَتٍ نَشَ رَقِيشّ كُنّ رَ كٍرٍن نَ. هَرُنَ تٌ عَ تٌ، كُنّ نَ مَرِيَمَ قَتٍ بِرِن مَ،

¹¹عَ نَشَ مُنسَ مَيَندِ، «يَندِ، ﭑ مَرِفِ، عِ نَشَ مُشُ رَتْن مُشُ شَ يُنُبِ شَ قٍ رَ، مُشُ نَشَن نَبَشِ مُشُ شَ شَشِلِتَرٍحَ كُي.

¹²مَرِيَمَ نَشَ لُ عَلْ دِ نَشَن قَشَشِ عَ نفَ قُرِ، نَشَن قَتٍ سّيتِ بْرْشِ بٍينُ عَ بَرِ تّمُي.»

¹³مُنسَ نَشَ عَ شُي رَتٍ عَلَتَلَ مَ، «ﭑ مَرِفِ، ﭑ بَرَ عِ مَشَندِ، عَ رَيَلَن!»

¹⁴عَلَتَلَ نَشَ عَ يَابِ، «شَ عَ بَبَ دّيٍ بْشُن عَ يَتَفِ، عَ مُ يَافِمَ شّ هَن لْشُن كٍرٍن؟ عِ شَ عَ رَ مِنِ حَمَ يَ مَ. عَ نَ فٍ لْشُن كٍرٍن نَبَدٍ حَمَ يٌنكِندٍ قَرِ مَ، وٌ نْمَ عَ رَ سٌدٍ وٌ يَ مَ.»

¹⁵نَ كُي، عٍ نَشَ عَ رَ مِنِ حَمَ يَ مَ، عَ شِ سٌلٌقٍرٍ رَبَ يٌنكِندٍ قَرِ مَ. حَمَ مُ كٍلِ عٍ يٌنكِندٍ هَن مَرِيَمَ نَشَ رَفبِلٍن عٍ يَ مَ.