كْنتِ تِقٍ 11:22-27

²²شُرُ سٍ فْورّ مُ نْمَ عٍ رَلِدٍ سُبٍ رَ. هَلِ يّشّ نَشٍيٍ نَ بَا مَ، عٍ مُ نْمَ عٍ رَلِدٍ.»

²³عَلَتَلَ نَشَ عَ يَابِ، «ﭑ سّنبّ شُرُن نَ رَبَدٍ؟ عِ قَمَ عَ كٌلٌندٍ شَ ﭑ مَ وْيّنيِ قِندِشِ نْندِ نَن نَ.»

²⁴مُنسَ نَشَ سِفَ عَلَتَلَ شَ مَسٍنيِ دّنتّفّدٍ حَمَ بّ. عَ نَشَ حَمَ قٌرِيٍ مِشِ تٌنفٌ سٌلٌقٍرٍ مَلَن عَلَ شَ هْرْ مْلِنفِرَ رَبِلِنيِ.

²⁵عَلَتَلَ نَشَ فٌرٌ نُشُي كُي، عَ مَسٍنيِ تِ مُنسَ بّ. عَ نَشَ عَ يّتّ شَشِلِ سّنِيّنشِ ندٍ تٌنفٌ نَشَن نُ نَ مُنسَ مَ، عَ عَ سَ نَ قٌرِ مِشِ تٌنفٌ سٌلٌقٍرٍ مَ. نَ شَشِلِ سّنِيّنشِ تٌ فٌرٌ عٍ مَ، عٍ نَشَ سٌ مَسٍنيِ تِقٍ عَلَ شِلِ رَ، كْنْ عٍ مُ عَ عِكُيَ.

²⁶كْنْ شّمّ قِرِن نُ نَ نَ قٌرِ تٌنفٌ سٌلٌقٍرٍ يَ مَ نَشٍيٍ مُ سِفَ مَلَنيِ. عٍ مُ سِفَ هْرْ مْلِنفِرَ يِرٍ، عٍ نَشَ لُ يٌنكِندٍ كُي. كْنْ عَلَ شَشِلِ سّنِيّنشِ نَشَ فٌرٌ عٍ قَن مَ، عٍ قَ مَسٍنيِ تِ عَلَ شِلِ رَ حَمَ تَفِ.

²⁷قٌنِكٍ ندٍ نَشَ عَ فِ، عَ سَ عَ قَلَ مُنسَ بّ، «عٍلٍدَدٍ نُن مٍدَدِ نَ مَسٍنيِ تِقٍ عَلَ شِلِ رَ حَمَ تَفِ.»