كِيتِسَيٍ 5:11-25

¹¹نَشٍيٍ يٍ بَمَ كْلْنيِ رَ، عٍ عَلَتَلَ تَنتُمَ عَ شَ قٍ قَنيِيٍ مَ. عَلَتَلَ قٍ قَنيِ رَبَ نّ عِسِرَيِلَ بّ، عَ شَ حَمَ تِشِ تَا سٌدٍ دّ رَ تّمُي نَشّ.»

¹²«دٍبٌرَ، شُنُ! شُنُ، عِ شَ بّيتِ بَ. عَبِنٌوَ مِ شَ دِ بَرَكِ، كٍلِ! عِ شَ يَشُييٍ شَنِن.

¹³عَلَتَلَ نَشَ شُننَكٍلِ قِ عَ شَ حَمَ قَنيِ مَ، عَ نَشَ ﭑ شُن نَكٍلِ سّنبّمَيٍ تَفِ.

¹⁴عٍقِرَ مِكَيٍ نَشَ قَ، نَشٍيٍ كٍلِشِ عَمَلّكِكَيٍ شَ بْشِ مَ، بُنيَمِنكَيٍ نَشَ بِرَ عٍ قْشْ رَ. مَكِرِ مَنفّيٍ قَن نَشَ فٌرٌ، عَ نُن سَبُلٌن يَرٍرَتِيٍ.

¹⁵عِسَكَرِ مَنفّيٍ نَشَ لُ دٍبٌرَ سّيتِ مَ. عٍ نَشَ بَرَكِ مَلِ، عٍ فٌرٌ فٍيَ بُنيِ، كْنْ رُبٍنكَيٍ تَن نَشَ وْيّن هَن.

¹⁶وٌ لُشِ وٌ شَ شُرُ سٍيٍ تَفِ مُنقٍ رَ، وٌ نُ قَ وٌ تُلِ مَتِ عٍ وَ شُي رَ؟ رُبٍنكَيٍ تَن قٌ وْيّنيِ حْنتَرٍ.

¹⁷فَلَدِكَيٍ قَن نَشَ لُ يُرُدّن نَاكِرِ مَ. دَنَكَيٍ لُ عٍ شَ كُنكُييٍ قّ مَ مُنقٍ رَ؟ عَسٍرِكَيٍ قَن نَشَ لُ وَقُ رَ، بَا دّ.

¹⁸سَبُلٌنكَيٍ تَن نَشَ تِ قَشّ يَ عِ. نَقَتَلِكَيٍ قَن نَشَ سُو سَ فٍرٍ رَ.»

¹⁹«مَنفّيٍ نَشَ قَ. كَنَان مَنفّيٍ نَشَ قَ فٍرٍ سٌدٍ تَانَكِ، مٍفِدٌ شُرٍ دّ رَ، كْنْ عٍ مُ هَرِفٍ نُن فبٍتِ يٌ سْتْ نَ كُي.

²⁰كٌورٍ نَشَ فٍرٍ سٌ، تُنبُييٍ نَشَ سِسٍرَ فٍرٍ.

²¹كِسٌن شُرٍ قٌرِ نَشَ عٍ شَنِن. ﭑ بْحّ شَ سّنبّ سٌ، ﭑ شَ سِفَ يَرٍ!

²²نَ تّمُي، سْورِيٍ نَشَ عٍ شَ سٌي رَفِ. عٍ نَشَ عٍ شُلُن، عٍ فبَتَشِ.

²³عَلَتَلَ شَ مَلٍكّ نَشَ عَ قَلَ، ‹وٌ شَ مٍرٌ سِ دَنكَ. وٌ شَ مٍرٌ سِكَيٍ بِرِن دَنكَ. عٍ مُ نُ بِرَشِ عَلَتَلَ قْشْ رَ سّنبّمَيٍ تَفِ.›»

²⁴«يَيٍلِ بَرَكَتْي فِنّ نَن عَ رَ، هٍبٍرِ كٍنِكَ شَ فِنّ. بَرَكَتْي بٍلٍبٍلٍ نَن عَ رَ فِنّيٍ تَفِ، نَشٍيٍ سَبَتِشِ كِرِ بَنشِ كُي.

²⁵سِسٍرَ تٌ يٍ مَكُلَ، عَ نَشَ شِحّ قِ عَ مَ. عَ نَشَ شِحّ قَنيِ سٌ عَ يِ رَ ثْوتِ تٌقَنيِ كُي.