كِيتِسَيٍ 20:8-37

⁸حَمَ بِرِن نَشَ لَن عَ مَ مِشِ يٌ نَشَ فبِلٍن عَ شْنيِ،

⁹قٌ عٍ شَ مِشِيٍ سُفَندِ سِندٍن نَشٍيٍ تٍمَ فِبِيَ شِلِ مَ.

¹⁰عٍ نَشَ عَ قَلَ، «شّمّ قُ يٌ شّمّ قُ، وٌن شَ كٍرٍن شّي عَ شَ دٌنسٍ قٍن سْورِيٍ بّ. نَشٍيٍ لُشِ، عٍ شَ تٍ فِبِيَ عٍ شَ وَلِ حَاشِ سَرٍ رَفبِلٍن مّننِكَيٍ مَ، نَشٍيٍ بَرَ قٍ شْنشِ رَبَ عِسِرَيِلَ بْشِ مَ.»

¹¹نَ كُي عِسِرَيِلَ شّمّ بِرِن نَشَ عٍ مَلَن نَ تَا شِلِ مَ.

¹²عِسِرَيِلَ بْنسْييٍ نَشَ شّيرَيٍ شّي بُنيَمِن شَبِلّ بِرِن مَ، عٍ شَ عٍ مَشْرِن، «يِ قٍ حَاشِ مْولِ دَنفِشِ وٌ تَفِ دِ؟

¹³وٌ شَ نَ فِبِيَكَ مِشِ حَاشِيٍ سٌ مُشُ يِ رَ، مُشُ شَ عٍ قَشَ عَلَكٌ يِ يُنُبِ شَ بَ عِسِرَيِلَ مَ.» بُنيَمِنكَيٍ نَشَ تٌندِ عٍ نفَشَكٍرٍنيِ عِسِرَيِلَكَيٍ شُي سُشُدٍ.

¹⁴عٍ نَشَ كٍلِ عٍ شَ تَايٍ كُي، عٍ قَن شَ مَلَن فِبِيَ عِسِرَيِلَكَيٍ فٍرٍدٍ.

¹⁵سَنتِدّفّمَ كَنيِ وُلُ مْشْحّن نُن سٍننِ نُ نَ بُنيَمِنكَيٍ يَ مَ، نُن فِبِيَكَ مِشِ كّمّ سٌلٌقٍرٍ نَشٍيٍ سُفَندِشِ فٍرٍ شِلِ مَ.

¹⁶سْورِ يِ مَتِنشِنشِ كّمّ سٌلٌقٍرٍ نُ نَ عٍ يَ مَ، نَشٍيٍ قَتَ فّمّ وٌلِدٍ لَاتِ رَ عٍ كْولَ بّلّشّ رَ. عٍ قَتَ سٍ بِرِن فْنْدٍ نَ رَ.

¹⁷عِسِرَيِلَكَ سْورِيٍ سَنتِدّفّمَ كَنيِيٍ نُ لَنشِ شّمّ وُلُ كّمّ نَانِ بَقٍ بُنيَمِنكَيٍ رَ.

¹⁸عٍ نَشَ تٍ بٍتٍلِ، عٍ عَلَ مَشْرِن، «ندٍ سِنفٍ تٍمَ مُشُ يَ مَ عَ شَ بُنيَمِنكَيٍ فٍرٍ؟» عَلَتَلَ نَشَ عٍ يَابِ، «يُدَيَكَيٍ سِنفٍ شَ نَ فٍرٍ قْلْ.»

¹⁹فّيسّفّ، عِسِرَيِلَكَيٍ نَشَ كُرُ فِبِيَ شِلِ مَ.

²⁰عٍ نَشَ بُنيَمِنكَيٍ فٍرٍ فِبِيَ يَ تَفِ.

²¹بُنيَمِنكَ نَشٍيٍ كٍلِ فِبِيَ، نٍيٍ نَشَ عِسِرَيِلَكَ وُلُ مْشْحّن نُن قِرِن قَشَ.

²²نَ دَنفِ شَنبِ، عِسِرَيِلَكَيٍ نَشَ لِمَنِيَ، عٍ مَن نَشَ تٍ بُنيَمِنكَيٍ شِلِ مَ، عٍ نُ نَ دّننَشّ نَ لْشْي سِنفٍ.

²³عٍ مَن نَشَ تٍ بٍتٍلِ، عٍ نَشَ وَ هَن نُنمَرٍ، عٍ قَ عَلَتَلَ مَشْرِن، «عَ لَنمَ مُشُ مَن شَ بُنيَمِنكَيٍ فٍرٍ، مُشُ نفَشَكٍرٍنيِيٍ؟» عَلَتَلَ نَشَ عٍ يَابِ، «وٌ عٍ فٍرٍ.»

²⁴عَوَ نَ شِ قِرِن ندٍ، عِسِرَيِلَكَيٍ مَن نَشَ تٍ بُنيَمِن شَ دِيٍ شِلِ مَ.

²⁵نَ لْشْي بُنيَمِنكَ نَشٍيٍ كٍلِ فِبِيَ نَشَ عِسِرَيِلَ شّمّ وُلُ قُ نُن سٌلٌمَسَشَن قَشَ سَنتِدّفّمَ رَ.

²⁶نَ تّمُي عِسِرَيِلَكَيٍ بِرِن نَشَ تٍ بٍتٍلِ، عٍ نَشَ وَ عَلَتَلَ يَ عِ. عٍ نَشَ سُنيِ سُشُ هَن نُنمَرٍ، عٍ سّرّشّ فَن دَاشِ نُن شَنُنتٍيَ سّرّشّ بَ عَلَتَلَ بّ.

²⁷عٍ نَشَ عَلَتَلَ شَ مَرَ سِ قٍن. نَ وَشَتِ عَلَ شَ سَاتّ كَنكِرَ نُ نَ بٍتٍلِ.

²⁸قِنٍشَسِ، عٍلٍيَسَرِ شَ دِ، هَرُنَ شَ مَمَدِ، نُ عَ حّنفِ سَشِ نَ بِرِن شْن مَ. عٍ نَشَ عَلَ مَشْرِن، «عَ لَنمَ مُشُ مَن شَ تٍ بُنيَمِنكَيٍ شِلِ مَ، مُشُ نفَشَكٍرٍنيِيٍ، كَ عَ لَنمَ مُشُ شَ فٍرٍ لُ نَا؟» عَلَتَلَ نَشَ عٍ يَابِ، «وٌ مَن شَ فٍرٍ سٌ. تِنَ ﭑ عٍ سَمَ وٌ سَفٌي.»

²⁹نَ تّمُي عِسِرَيِلَكَيٍ نَشَ فِبِيَ مّلّن.

³⁰عٍ تٌ تٍ بُنيَمِنكَيٍ شِلِ مَ فِبِيَ يَ تَفِ عٍ نُ نَ دّننَشّ بٌورٍ بِيَاسِ،

³¹بُنيَمِن شَ دِيٍ نَشَ مِنِ عٍ فٍرٍدٍ. عٍ نَشَ مِشِ تٌنفٌ سَشَن قَشَ بٍتٍلِ نُن فِبِيَ كِرَيٍ شْن مَ.

³²بُنيَمِنكَيٍ نَشَ عَ قَلَ عٍ بٌورٍيٍ بّ، «وٌن مَن نَ عٍ بْنبْقٍ نّ يِ كِ عَلْ عَ سِنفٍ،» كْنْ عِسِرَيِلَكَيٍ تَن نُ بَرَ عَ قَلَ عٍ بٌورٍ بّ، «وٌن شَ وٌن مَكُيَ تَا رَ، عٍ شَ بِرَ وٌن قْشْ رَ كِرَيٍ شْن مَ.»

³³عِسِرَيِلَ شّمّيٍ نَشَ عٍ مَلَن بَلِ تَمَرِ. نَشٍيٍ نُ نَ فِبِيَ مّلّنقٍ، نٍيٍ قَن نَشَ مِنِ كّنّ مَ.

³⁴عِسِرَيِلَ سْورِ قَنيِ وُلُ قُ نَشَ فِبِيَ فٍرٍ عَ حَاشِ رَ. بُنيَمِنكَيٍ مُ فّشِ عَ كٌلٌندٍ فبَلٌي نُ بَرَ عٍ لِ.

³⁵عَلَتَلَ نَشَ بُنيَمِن بْنسْي بْنبْ عِسِرَيِلَ يَ شْرِ. شّمّ سَنتِدّفّمَ كَنيِ وُلُ مْشْحّن نُن سُولِ، شّمّ كّمّ نَشَ قَشَ نَ لْشْي.

³⁶بُنيَمِن شَ دِيٍ نَشَ عَ كٌلٌن عٍ مُ فٍينِشِ يِ بِيَاسِ. عِسِرَيِلَكَيٍ نَشَ عَ لُ عٍ شَ فبِلٍن فِبِيَ مَبِرِ، بَرِ مَ عٍ عَ كٌلٌن سْورِ فبّتّيٍ نُ نَ عٍ مّلّنقٍ.

³⁷سْورِ نَشٍيٍ نُ فِبِيَ مّلّنقٍ، نٍيٍ نَشَ سٌ تَا كُي كٍرٍن نَ، عٍ مِشِ بِرِن قَشَ سَنتِدّفّمَ رَ.