كِيتِسَيٍ 10:7-12

⁷عَلَتَلَ بْحّ نَشَ تٍ عِسِرَيِلَ شِلِ مَ، عَ قَ عٍ سَ قِلِسِتَكَيٍ نُن عَمٌنِكَيٍ سَفٌي.

⁸عٍ نَشَ عِسِرَيِلَكَيٍ تْورْ، عٍ عٍ حَشَنكَتَ نَ حّ بُن مَ. عٍ مَن نَشَ عِسِرَيِلَكَيٍ حَشَنكَتَ نَشٍيٍ قَن نُ سَبَتِشِ يُرُدّن نَاكِرِ مَ، عَمٌنِكَيٍ شَ بْشِ مَ، حّ قُ نُن سٌلٌمَسَشَن بُن مَ.

⁹عَمٌنِكَيٍ نَشَ دَنفِ يُرُدّن نَ، عَلَكٌ عٍ شَ سَ يُدَيَ، بُنيَمِن، نُن عٍقِرَ مِ قَن فٍرٍ. عِسِرَيِلَ بْحّ تْورْ نّ كِ قَنيِ نَ وَشَتِ.

¹⁰عِسِرَيِلَكَيٍ نَشَ عَلَتَلَ شِلِ عٍ شُي عِتٍشِ رَ، عٍ نُ قَ عَ قَلَ، «مُشُ بَرَ يُنُبِ رَبَ عِ رَ، بَرِ مَ مُشُ بَرَ فبِلٍن مُشُ مَرِفِ عَلَ قْشْ رَ، مُشُ مَن بَرَ بَلِ كُيٍيٍ بَتُ.»

¹¹عَلَتَلَ نَشَ عَ مَسٍن عِسِرَيِلَكَيٍ بّ، «مِسِرَكَيٍ، عَمٌرِكَيٍ، عَمٌنِكَيٍ، قِلِسِتَكَيٍ،

¹²سِدْنكَيٍ، عَمَلّكِكَيٍ، نُن مَيٌنكَيٍ تٌ وٌ تْورْ، وٌ نَشَ ﭑ شِلِ وٌ شُي عِتٍشِ رَ. نَ تّمُي، ﭑ مُ وٌ بَ شّ عٍ سَفٌي؟