كَوَندِلَ 9:1-8

¹ﭑ تٌ ﭑ مَحْشُن نَ قٍ بِرِن مَ، ﭑ عَ تٌشِ نّ تِنشِنتْييٍ، شَشِلِمَيٍ، نُن عٍ شَ كَتّ بِرِن كٍلِمَ عَلَ نَن مَ. عَدَ مَدِ مُ عَ كٌلٌن عَ قَمَ نَشَن لِدٍ عَ يَرَ، شَنُنتٍيَ شَ نَ مُ عَ رَ شْننَنتٍيَ. نَ بِرِن نَ عَلَ نَن يِ.

²عَدَ مَدِ بِرِن سِفَمَ نّ عَلِفِيَمَ. تِنشِنتْي بَ، تِنشِنتَرٍ بَ، سّنِيّنتْي بَ، سّنِيّنتَرٍ بَ، سّرّشّبَ بَ، سّرّشّبَتَرٍ بَ. مِشِ قَنيِ بَ، مِشِ حَاشِ بَ عٍ بِرِن سِفَمَ نّ عَلِفِيَمَ. مِشِ نَشَن لَايِدِ تٌنفٌمَ بَ، مِشِ نَشَن مُ سُو سَمَ نَ تٌنفٌدٍ بَ، عٍ بِرِن سِفَمَ نّ عَلِفِيَمَ.

³قٍ شْرْشْي نَن يِ كِ قٍ بِرِن يَ مَ دُنِحَ مَ؛ مَرَحْن كِ كٍرٍن نَن نَ نٍيٍ بِرِن بّ. عَدَ مَدِيٍ بْحّ رَقٍشِ قٍ حَاشِ نَن نَ، عٍ وَلِمَ شَشِلِتَرٍحَ نَن نَ عٍ شَ دُنِحّءِفِرِ كُي. نَ دَنفِ شَنبِ، عٍ قَشَمِشِيٍ لِمَ نّ عَلِفِيَمَ.

⁴مِشِ بَلٌشِ فبَنسَن نْمَ عَ شَشِلِ تِدٍ قٍ ندٍ مَ. بَرٍ حِحّ قِسَ يّتّ قَشَشِ بّ.

⁵نَشٍيٍ بَلٌشِ، نٍيٍ عَ كٌلٌن عَ عٍ قَشَمَ نّ، كْنْ مِشِ قَشَشِيٍ تَن مُ قٍقٍ كٌلٌن. سَرٍ قِ يٌ مُ نَ عٍ بّ سْنْن، عٍ شَ قٍ يَتِ بَرَ نّيمُ مِشِيٍ رَ.

⁶عٍ شَ شَنُنتٍيَ، عٍ شَ شْننَنتٍيَ، عٍ وَشْنقٍ، نٍيٍ بِرِن بَرَ حْن. عٍ تَن فبٍ يٌ مُ نَ يِ دُنِحَ قٍيٍ تَن يَ مَ سْنْن.

⁷سِفَ، عِ عِ دّفٍ سّيوّ كُي، عِ عِ شَ وّنِ مِن بْحّ قَنيِ كُي. عَلَ وَ مَ نَ نَن شْن عِ بّ.

⁸عِ شَ سٌسٍ قِيشّ رَفٌرٌ عِ مَ، عِ شَ لَبُندّ قَنيِ سَ عِ قَتٍ مَ.