كَوَندِلَ 1:1-14

¹دَوُدَ شَ دِ دَرِ سَلَمُ مَنفّ شَ كَوَندِ نَن يَ؛

²دُنِحَ قِندِشِ قٍ قُقَقُ نَن نَ. دُنِحَ قٍيٍ تِدٍ يٌ مُ نَ، نَ بِرِن قِندِشِ قُيَن نَن نَ. ﭑ تَن كَوَندِلَ شَ مَسٍنيِ نَن نَن كِ.

³عَدَ مَدِ فٍينِ مُندُن سْتْمَ عَ شَ وَلِ مَ سٌفٍ بُن مَ؟

⁴ندٍيٍ قَشَمَ، ندٍيٍ بَرِ مَ، دُنِحَ قَن نَ كّحَ كٍرٍن لْشْي بِرِن.

⁵سٌفٍ تٍمَ، عَ فٌرٌ مَ، عَ مَن فبِلٍن عَ تٍشِ دّننَشّ.

⁶قٌيٍ قَن مِنِمَ، عَ سِفَمَ يِرٍقَنيِ مَ، عَ عَ مَقِندِ مَ كْولَ مَ. عَ نَ فّ مَقِندِدٍ، عَ مَن فبِلٍن عَ كٍلِدٍ.

⁷شُرٍ بِرِن شُن تِشِ بَا نَن نَ، كْنْ بَا مُ رَقٍمَ. شُرٍيٍ كٍلِمَ دّننَشّ، عٍ مَن فبِلٍنمَ مّننِ نّ.

⁸قٍ بِرِن حّرّ مَ، عَ مُ تَفَنمَ، عَ مُ مَسَرَ مَ. عَدَ مَ يَ مُ وَ سَمَ قٍ مَتٌدٍ، عَ تُلِ قَن مُ لُفَمَ قٍ رَ مّدٍ.

⁹نَشَن بَرَ دَنفِ نُ، نَ نَن مَن فبِلٍنمَ عَ رَ. نَشَن بَرَ رَبَ نُ، نَ نَن مَن نَبَمَ. قٍ نّينّ مُ رَبَمَ دُنِحَ مَ نَشَن حْندْن مُ نُ رَبَ.

¹⁰قٍ نّينّ يٌ مُ نَ نَشَن عَ نِيَمَ مِشِ شَ عَ قَلَ، «يِ مَتٌ، قٍ نّينّ نَ عَ رَ!» ﭑ شَ عَ قَلَ وٌ بّ، نَ قٍ مْولِ حَن نُ نَ بٍينُن وٌن تَن شَ بَرِ.

¹¹حَمَ مُ رَتُمَ قٍ دَنفِشِ مَ، قٍ نَشَن سَ قَمَ رَبَدٍ، حَمَ نّيمُمَ نّ نَ قَن نَ.

¹²ﭑ تَن كَوَندِلَ، ﭑ بَرَ قِندِ مَنفّ رَ عِسِرَيِلَ بْشِ مَ دَرِ سَلَمُ.

¹³ﭑ نَتّ تٌنفٌشِ نّ، قٍ نَشٍيٍ بِرِن نَبَقٍ يِ دُنِحَ مَ، ﭑ شَ عٍ مَتٌ عَ قَنيِ رَ. نَ كُي ﭑ عَ تٌ نّ عَ عَلَ كٌتٍ شْرْشْي نَن سَشِ عَدَ مَدِيٍ قَرِ.

¹⁴ﭑ بَرَ وَلِ بِرِن مَتٌ نَشَن نَبَمَ يِ دُنِحَ مَ. قُقَقُ نَ عَ بِرِن نَ! بِرَقٍ نَ وَلِ قْشْ رَ، عَ لُشِ نّ عَلْ مِشِ نَ بِرَقٍ قٌيٍ نَن قْشْ رَ.