كَوَندِلَ 10:1-15

¹تُفِتُفِ نَ قَشَ لَبُندّ شُن مَ، لَبُندّ شِرِ كَنَمَ نّ. شَشِلِتَرٍحَ نَن شُي مّمَ دَنفِقٍ شَشِلِمَيَ شُي رَ.

²شَشِلِمَ بْحّ مَتِنسٍ، شَشِلِتَرٍ بْحّ حَاشُ.

³شَشِلِتَرٍ عَ شَ شَشِلِتَرٍحَ مَسٍنمَ نّ بِرِن بّ عَ شَ حّرّ كُي.

⁴شَ عِ شَ مَنفّ شْنْ عِ مَ، عِ نَشَ كٍلِ عِ شَ وَلِ شُن مَ، عِ شَ سَبَرِ قٍ شْرْشْي رَبْرْشْمَ.

⁵ﭑ قٍ شْرْشْي ندٍ قَن تٌشِ يِ دُنِحَ مَ نَشَن كٍلِشِ مَنفّ مَ؛

⁶عَ نْي قِمَ نّ شَشِلِتَرٍ ندٍ مَ، بَننَ ندٍ تَن مُ نْي يٌ سْتْ.

⁷ﭑ بَرَ كٌنيِ ندٍ تٌ عَ سٌي رَفِمَ، مَنفّ ندٍ قَ عَ حّرّ عَ سَنيِ رَ.

⁸يِلِ فٍ نْمَ بِرَدٍ عَ شَ يِلِ فٍشِ كُي، مِشِ نَشَن يَلٍ تِمَ تّتّ مَ، بْشِمَسٍ نْمَ نَ قَن شِندٍ.

⁹مِشِ نَشَن فّمّ مَسٌلِمَ، عَ نْمَ عَ مَشْنْدٍ فّمّ رَ. مِشِ نَشَن يٍفٍ بْو مَ، عَ نْمَ عَ مَشْنْدٍ يٍفٍ رَ.

¹⁰شَ بٍيرَ كٌلٍ تٌرِشِ، عَ مُ رَلُفَن، نَ عَ نِيَمَ نّ وَلِ شَ شْرْشْ. شَشِلِمَيَ شُننَكٍلِ قِمَ مِشِ مَ نَ كِ نّ.

¹¹شَ بْشِمَسٍ مِشِ شِن بٍينُن بْشِمَسٍ سُشُمَ شَ عَ سُشُ، مِشِ نَشَن بْشِمَسٍ سُشُمَ، عَ مُ فٍينِمَ.

¹²هِننّ فبٍفبٍ نَ شَشِلِمَ شَ مَسٍنيِ كُي، كْنْ شَشِلِتَرٍ تَن شَ وْيّنيِ عَ يّتّ بْنْمَ نّ.

¹³عَ شَ مَسٍنيِ قْلْمَ لْننِتَرٍحَ رَ، عَ رَحْن دَشُحَ رَ.

¹⁴شَشِلِتَرٍ شَ وْيّنيِ وُيَ. عَدَ مَدِ مُ عَ كٌلٌن قٍ نَشَن قَمَ قَدٍ. ندٍ عَ رَكٌلٌنمَ قٍ رَ نَشَن قَمَ عَ لِدٍ؟

¹⁵شَشِلِتَرٍ عَ يّتّ رَتَفَنمَ، هَلِ تَا كِرَ، عَ مُ عَ كٌلٌن.