عَننَبِ عٍسَيِ 1:1-20

¹مَسٍنيِ نَشٍيٍ فٌرٌ عَمٌسُ شَ دِ عٍسَيِ مَ، يُدَيَ نُن دَرِ سَلَمُ شَ قٍ رَ، يُدَيَ مَنفّيٍ عٌسِيَسِ، يٌتَمِ، عَشَسِ، نُن شٍسٍكِيَ شَ وَشَتِ.

²عَلَتَلَ نَن مَسٍنيِ تِقٍ، كٌورٍ نُن بْشِ بِرِن شَ عٍ تُلِ مَتِ عَ رَ. عَلَتَلَ نَشّ، «ﭑ بَرَ دِيٍ شُرُ، ﭑ عٍ رَ مْ، كْنْ عٍ بَرَ مُرُتَ ﭑ مَ.

³نِنفٍ يَتِ عَ كَنيِ كٌلٌن، سٌقَلٍ قَن عَ كٌلٌن عَ كَنيِ دٌنسٍ سَمَ عَ بّ دّننَشّ. كْنْ عِسِرَيِلَ تَن مُ سٍسٍ كٌلٌن، ﭑ مَ حَمَ مُ سٍسٍ قَهَامُشِ.»

⁴حَشَنكَتّ نَ يِ حَمَ يُنُبِتْي بّ، نَشَن يُنُبِ كٌتٍ شَنِنمَ، نَشَن قِندِشِ قٍ حَاشِ رَبَيٍ رَ، نَشَن قِندِشِ دِ مُرُتَشِيٍ رَ. عٍ بَرَ مّ عَلَتَلَ رَ، عٍ عِسِرَيِلَ شَ سّنِيّنتْي مَبٍرٍ، عٍ عٍ كٌبٍ رَ سٌ عَ رَ.

⁵وٌ نَ حَشَنكَتّ قٍنقٍ مُنقٍ رَ؟ وٌ تٌندِشِ فبِلٍندٍ عَلَتَلَ مَ مُنسٍ مَ؟ وٌ بَرَ قُرَ وٌ شُنيِ مَ، وٌ تْورْشِ وٌ بْحّ مَ.

⁶كٍلِقٍ وٌ سَنيِ مَ هَن وٌ شُنيِ، وٌ شَ قٍقٍ مُ لَنشِ. وٌ شَ قِيٍ يَ مُ عِشَشِ، عٍ مُ مَشِرِشِ، تُرٍ يٌ مُ سَشِ عٍ مَ.

⁷وٌ شَ بْشِ بَرَ كَنَ، وٌ شَ تَايٍ بَرَ فَن. سِ فبّتّيٍ نَ وٌ شَ دَشَمُي دٌنقٍ وٌ يَ شْرِ، عٍ نَ عَ بِرِن تٌنفٌقٍ عٍ يّتّ بّ.

⁸سِيٌنِ تَا نَ عَ كٍرٍنيِ مَ عَلْ بَفٍ دِ شّ تَفِ، عَلْ لٍيلٍ نَشَن تِشِ مّرّ مَ، عَلْ تَا نَشَن نَبِلِنشِ يَشُييٍ رَ.

⁹شَ عَلَتَلَ سّنبّمَ مُ مِشِ ندٍيٍ رَكِسِ وٌن بّ نُ، وٌن بَرَ لُ نُ عَلْ سٌدٌ مَ نُن فٌمٌرَ تَايٍ.

¹⁰وٌ وٌ تُلِ مَتِ عَلَتَلَ شَ مَسٍنيِ رَ، وٌ تَن نَشٍيٍ مَنِيَشِ سٌدٌ مَ كُنتِفِيٍ رَ. وٌ شَ وٌن مَرِفِ عَلَتَلَ شَ سّرِيّ رَ مّ، وٌ تَن نَشٍيٍ لُشِ عَلْ فٌمٌرَ حَمَ.

¹¹عَلَتَلَ نَشّ، «ﭑ مُنسٍ رَبَمَ وٌ شَ سّرّشّ وُيَشِيٍ رَ؟ ﭑ بَرَ لُفَ يّشّ كٌنتٌنيِ سّرّشّيٍ رَ، ﭑ بَرَ لُفَ شُرُ سٍ بْرّفّشِيٍ تُرٍ رَ. تُورَيٍ، يّشّييٍ نُن سِ كٌنتٌنيِيٍ وُلِ مُ رَقَن ﭑ مَ.

¹²ندٍ وٌ شِلِشِ قَقٍ رَ ﭑ مَ هْرْ مْبَنشِ تّتّ كُي، تِقٍ رَ ﭑ يَ عِ؟

¹³وٌ بَ قَقٍ هَدِيَ قُقَقُ رَ. سُرَيِ شِرِ مُ رَقَن ﭑ مَ قٍقٍ مَ. وٌ شَ كِكٍ نّينّ سَلِيٍ، وٌ شَ مَلَبُي لْشْييٍ، وٌ شَ مَلَنيِيٍ، نُن وٌ شَ سَلِيٍ شُنفبٍيٍ، عٍ سٍسٍ مُ رَقَنشِ ﭑ مَ.

¹⁴ﭑ وٌ شَ كِكٍ نّينّ سَلِيٍ شْنشِ، وٌ شَ سَلِ بِرِن بَرَ ﭑ بْحّ رَحَاشُ ﭑ مَ.

¹⁵وٌ نَ وٌ بّلّشّيٍ عِتَلَ سَلِ كُي تّمُي نَشّ، ﭑ نَ ﭑ يَ رَفَلِمَ نّ عَلَكٌ ﭑ نَشَ قَ عَ تٌ. هَلِ وٌ مَشَندِيٍ بِرَ عٍ بٌورٍ قْشْ رَ، ﭑ مُ عٍ رَ مّمَ، بَرِ مَ قَشّتِيٍ نَن وٌ رَ.

¹⁶وٌ لُ قٍ قِيشّ كُي، وٌ وٌ يّتّ رَ سّنِيّن، وٌ بَ يُنُبِيٍ رَبَقٍ ﭑ يَ عِ.

¹⁷وٌ وٌ مَتِنكَن قٍ قَنيِ رَبَدٍ، وٌ لُ تِنشِنيِ كُي، وٌ مِشِ كٌبِيٍ مَكِيتِ، وٌ كِرِدِيٍ نُن كَاحّ فِنّيٍ شُن مَقَلَ.»

¹⁸عَلَتَلَ نَشّ، «وٌ قَ، وٌن شَ وْيّن. هَلِ وٌ شَ يُنُبِيٍ تٌ بَرَ وٌ مَنْشْ، وٌ نْمَ قِيشّدٍ قْين. هَلِ عٍ سَ شْسِ نّ عَلْ فَرّ فبٍيلِ، عٍ نْمَ نّ قِيشّدٍ عَلْ شُرُ سٍ قِيشّ قَتٍ مَشَبٍ.

¹⁹شَ وٌ تِن وٌ تُلِ مَتِدٍ ﭑ نَ، وٌ يِ بْشِ دَشَمُي دٌنمَ نّ،

²⁰كْنْ شَ وٌ سَ تٌندِ ﭑ نَتِنمّدٍ، سَنتِدّفّمَ نَن وٌ سْنتْمَ.» عَلَتَلَ شُي نَن نَ كِ.