سُوكِ 1:1-12

¹عَننَبِ سُلٍمَنِ شَ سُوكِ قِسَمَنتٍ نَن يَ؛

²«عِ شَ ﭑ مَسُنبُ. عِ شَ شَنُنتٍيَ حْشُن وّنِ بّ.

³عِ شِرِ حْشُنمّ لُشِ نّ عَلْ لَبُندّ، نَشَن شِرِ قَنيِ مِنِمَ. نَ نَن عَ رَ عِ رَقَن فِنّدِ مّ بِرِن مَ.

⁴عِ شَ ﭑ تٌنفٌ، وٌن شَ سِفَ. مَنفّ شَ ﭑ شَنِن عَ شْنيِ. فِنّدِ مّيٍ شَ مَسٍنيِ فِنّ بّ عِ شَ قٍ نَ عَ نِيَمَ وٌن شَ لُ سّيوّ كُي. عِ شَ شَنُنتٍيَ حْشُن وّنِ بّ. نْندِ نَ مِشِ بّ عِ رَقَنشِ نَشَن مَ.»

⁵«دَرِ سَلَمُ فِنّدِ مّيٍ، ﭑ كِرِ قْورْ، كْنْ ﭑ تٌقَن عَلْ كٍدَرِ شَ كِرِ بَنشِيٍ، عَلْ دُفِ نَشٍيٍ فبَكُشِ عَننَبِ سُلٍمَنِ شْنيِ.

⁶وٌ نَشَ ﭑ كِرِ قْورْشِ مَتٌ، سٌفٍ نَن ﭑ قْورْشِ. ﭑ نفَ شَ دِ شّمّيٍ نُ شْنْشِ ﭑ مَ، عٍ نُ ﭑ شّيمَ عٍ شَ وّنِ بِلِيٍ رَوَلِدٍ. ﭑ مُ نْ ﭑ حّنفِ سَدٍ ﭑ فبٍ شْن مَ.»

⁷«ﭑ شَنُنتٍنيِ، عِ شَ عَ قَلَ ﭑ بّ عِ شُرُ سٍيٍ دّ مَدٌنمَ دّننَشّ، عَلَكٌ ﭑ نَشَ لُ عِ قٍن نَ مَلَبُي تّمُي عِ بٌورٍيٍ شَ شُرُ سٍ فْورّيٍ يَ مَ.»

⁸«فِنّ تٌقَنيِ قِسَمَنتٍ، شَ عِ مُ نَ يِرٍ كٌلٌن، عِ شَ ﭑ مَ يّشّييٍ قْشِ قٍن، عِ شَ عِ فبٍيٍ دّ مَدٌن ﭑ مَ فْورّ لٌنفٌرِ رَ.

⁹ﭑ شَنُنتٍنيِ، عِ تٌقَن عَلْ مِسِرَ مَنفّ شَ سٌي، نَشَن عَ رَفِسٍ بّندُنمَ.

¹⁰عِ شَ تُلِرَ سٌييٍ بَرَ عِ شّرّيٍ رَتٌقَن، عِ كْنيِ رَيَبُ كْنمَفٌرٍ كُي.

¹¹وٌن شَ مَرَتٌقَن سٍ فبّتّيٍ قٍن، نَشٍيٍ يَءِلَنشِ شّيمَ نُن فبٍتِ رَ.»

¹²«ﭑ مَ لَبُندّ شِرِ نُ مّمَ، مَنفّ شَ شُلُنيِ يِرٍ.