رْ مَ 12:6-21

⁶عَلَ وٌن كِمَ كِيٍ رَ نَشٍيٍ دْشْ وُيَ. عَ نَ رَبَمَ عَ شَ هِننّ بّرّ نَن مَ عَ بَرَ نَشَن حَنِفٍ كَنكَن بّ. شَ عَ مِشِ ندٍ كِشِ عَ شَ نْ وْيّندٍ عَلَ شِلِ رَ، نَ كَنيِ شَ وْيّن عَلَ شِلِ رَ عَ شَ دَنشَنِيَ شَسَبِ مَ.

⁷شَ عَ ندٍ كِشِ مِشِ مَلِ وَلِ نَن نَ، نَ كَنيِ شَ مِشِيٍ مَلِ. شَ عَ ندٍ كِشِ مِشِ كَوَندِقٍ نَن نَ، نَ كَنيِ شَ كَوَندِ تِ.

⁸شَ عَ ندٍ كِشِ مِشِ رَلِمَنِيَقٍ نَن نَ، نَ كَنيِ شَ مِشِيٍ رَلِمَنِيَ. شَ عَ ندٍ قِندِ مِشِ رَ نَشَن كِ تِمَ، نَ كَنيِ شَ مِشِيٍ كِ عَ قَنيِ رَ. شَ عَ ندٍ قِندِ يَرٍرَتِ رَ، عَ كَنيِ شَ نَ رَبَ عَ كِ مَ. شَ عَ ندٍ قِندِ تْورْ مِشِيٍ مَلِمَ رَ، عَ كَنيِ شَ نَ رَبَ سّيوّ رَ.

⁹وٌ شَ مِشِيٍ شَنُ بْحّ قِيشّ رَ. وٌ شَ قٍ كٌبِ شْن، وٌ شَ قٍ قَنيِ سُشُ وٌ سّنبّ بِرِن نَ.

¹⁰وٌ شَ وٌ بٌرٍ شَنُ نفَشَكٍرٍنيَ شَنُنتٍيَ نَن نَ. وٌ شَ وٌ بٌرٍ بِنيَ دَنفِقٍ وٌ يّتّ رَ.

¹¹وٌ تُن نَشَ رَشْنْ، وٌ شَ وٌ تُننَبّشِ. وٌ شَ وَكِلِ وٌ بْحّ بِرِن نَ. وٌ شَ وَلِ وٌ مَرِفِ بّ.

¹²وٌ شَ سّيوَ قٍ مَ وٌ شَشِلِ تِشِ نَشَن نَ. وٌ شَ دُلُشْتْ وٌ شَ تْورّ كُي. وٌ نَشَ تَفَن عَلَ مَشَندِدٍ.

¹³وٌ شَ سّنِيّنتْييٍ مَلِ عٍ شَ تْورّ كُي. وٌ شَ شْحّيٍ رَ سّنّ.

¹⁴وٌ شَ عَلَ مَشَندِ مِشِيٍ بّ نَشٍيٍ وٌ حَشَنكَتَمَ. وٌ شَ دُبَ عٍ بّ، وٌ نَشَ عٍ دَنكَ.

¹⁵وٌ شَ سّيوَ بٌورٍيٍ شَ سّيوّ، وٌ شَ سُننُن بٌورٍ شَ سُننُنيِ.

¹⁶وٌ شَ لَن وٌ بٌرٍ مَ. وٌ نَشَ وٌ يّتّ عِفبٌ، يّتّ مَفٌرٍ نَن شَ رَقَن وٌ مَ. وٌ نَشَ وٌ يّتّ مَحْشُن لْننِلَيٍ رَ.

¹⁷وٌ نَشَ قٍ كٌبِ حْشْ قٍ كٌبِ رَ. وٌ شَ كَتَ مِشِيٍ شَ وٌ كٌلٌن قٍ قَنيِ رَبَيٍ نَن نَ.

¹⁸وٌ شَ وٌ نْ قٍ بِرِن نَبَ عَلَكٌ لَنيِ شَ لُ وٌ نُن مِشِ بِرِن تَفِ.

¹⁹ﭑ شَنُنتٍنيِيٍ، وٌ نَشَ وٌ فبٍحْشْ وٌ يّتّ رَ، وٌ شَ نَ لُ عَلَ مَ، بَرِ مَ عَ سّبّشِ كِتَابُي كُي، «عَلَ نَشّ، ﭑ تَن نَن وٌ فبٍحْشْمَ، ﭑ تَن نَن قٍ كٌبِ رَفبِلٍنمَ عَ رَبَمَ مَ.»

²⁰عَ مَن سّبّشِ، «شَ كَامّ نَ عِ يَشُي مَ، عِ شَ عَ كِ دٌنسٍ رَ. شَ يٍ شْلِ نَ عَ مَ، عِ شَ عَ كِ يٍ رَ. نَ كُي عَ لُشِ نّ عَلْ عِ نَ تّ وٌلٍيٍ عِبَفَنقٍ عَ شُنيِ مَ.»

²¹وٌ نَشَ تِن قٍ كٌبِ شَ نْ وٌ رَ، وٌ تَن نَن شَ قٍ كٌبِ نْ، قٍ قَنيِ رَبَ رَ.